-
2015 оны 6 сарын 12
УИХ-ын чуулганы үдээс хойшхи хуралдаанаар Нийслэл хотын албан татварын тухай хуулийг хэлэлцэж байна. Өнгөрсөн хавао Нийслэл хот тусдаа татвартай байх ёстой саналын дагуу тус хуулийг Нийслэлийн удирдлагууд санаачлан, боловсруулж УИХ-д өргөн барьсан юм. Зарчмын зөрүүтэй саналаар санал хурааж байна.
Хуралдааны дэлгэрэнгүйг удахгүй хүргэнэ.
-
2015 оны 6 сарын 12
Ерөнхий сайдад тавьсан асуулгын хариуг хойшлуулав
Баасан, 6 сарын 12 2015
Бичсэн Ч.Ариунболд
Хэвлэх
Email
Ерөнхий сайдад тавьсан асуулгын хариуг хойшлуулав
Ерөнхий сайд Ч.Сайханбилэг өнөөдөр УИХ-ын чуулганы үдээс хойших хуралдаанд оролцож, УИХ-ын гишүүн Ц.Даваасүрэн нарын гишүүдийн Оюутолгой төслийн явцын талаарх асуулгад хариу өгөхөөр төлөвлөсөн байсан.
Чуулганы үдээс өмнөх хуралдааны төгсгөлд Ерөнхий сайд өнөөдрийн хуралдаанд оролцож чадахгүй болсон тул асуулгыг хариуг ирэх долоо хоногийн баасан гараг хүртэл хойшлуулах хүсэлт ирүүлснийг УИХ-ын дарга З.Энхболд танилцуулав.
Ц.Даваасүрэн нарын гишүүд энэ оны тавдугаар сарын 01-нд Ерөнхий сайдад асуулга хүргүүлсэн байна. Уг асуулгад “Оюутолгой” ХХК үйл ажилгаагаа эхэлснээс хойш хичнээн төгрөгийн борлуулалт хийж, Монгол Улсад хэдэн төгрөгийн татвар төлснийг тодруулахыг хүсчээ. Түүнчлэн Ерөнхий сайдын 2012 оны 45 дугаар захирамжаар байгуулагдсан ажлын хэсгийн хөрөнгө оруулалтын гэрээг сайжруулах талаар Рио тинто компанитай хийж буй хэлцлийн агуулга, үр дүн ямар байгааг асуусан байна. Мөн Шадар сайд, Сангийн сайд, Уул уурхайн сайдын хамтарсан тушаалаар байгуулсан Оюутолгой компанийн зардлын хэтрэлтийг шалгах ажлын хэсгийн дүгнэлтийн талаар болон Засгийн газар хөрөнгө оруулагчтай “Эвлэрлийн гэрээ” байгуулж, 2 тэрбум ам.долларын хэтрэлтийг цайруулах санал тавьсан эсэхэд хариу өгөхийг хүсчээ.
УИХ-ын чуулганы хуралдаан 14.00 цагт Нийслэл хотын албан татварын тухай хуулийн төслийн анхны хэлэлцүүлгээр үргэлжилнэ.
-
2015 оны 6 сарын 12
Ирээдүйн өв сангийн тухай хуулийн төслийг өргөн барилаа
-
2015 оны 6 сарын 12
ТӨСЛИЙН ЗОХИЦУУЛАГЧИЙН СОНГОН ШАЛГАРУУЛАЛТАД УРЬЖ БАЙНА
-
2015 оны 6 сарын 12
Үндсэн хуулийн Цэцийн тухай болон Үндсэн хуулийн Цэцэд маргаан хянан шийдвэрлэх ажиллагааны тухай хуулийн төслүүдийг УИХ-д өргөн барив
-
2015 оны 6 сарын 12
Үндсэн хуулийн цэцийн дүгнэлтүүдийг хэлэлцэв
Баасан, 6 сарын 12 2015
Бичсэн Б.Туул
Хэвлэх
Email
Үндсэн хуулийн цэцийн дүгнэлтүүдийг хэлэлцэв
УИХ-ын чуулганы өнөөдрийн хуралдаанаар Хуульчийн эрх зүйн байдлын тухай хуулийн зарим зүйл, заалт Үндсэн хуулийн холбогдох зүйл, заалтыг зөрчсөн эсэх тухай маргааныг хянан шийдвэрлэсэн тухай Үндсэн хуулийн цэцийн энэ оны 08 дугаар дүгнэлтийг хэлэлцлээ.
Үндсэн хуулийн цэцийн дүгнэлтийг Үндсэн хуулийн цэцийн гишүүн Ш.Цогтоо, Хууль зүйн байнгын хорооны санал, дүгнэлтийг УИХ-ын гишүүн Х.Тэмүүжин нар танилцуулав. Дээрх танилцуулгатай холбогдуулж гишүүдийн зүгээс ямар нэг асууж тодруулах зүйл гараагүй тул санал хураалт явуулсан юм. Мөн үеэр Хуульчийн эрх зүйн байдлын тухай болон Захиргааны хэрэг хянан шийдвэрлэх тухай хуулийн зарим заалт Үндсэн хуулийн холбогдох заалтыг зөрчсөн эсэх тухай маргааныг хянан шийдвэрлэсэн тухай Үндсэн хуулийн цэцийн энэ оны 09 дүгээр дүгнэлтийг авч хэлэлцэж, санал хураалт явуулав. Үүний дараагаар Нийслэл хотын албан татварын тухай хуулийн төслийн анхны хэлэлцүүлгийг эхлүүлсэн ч цайны цаг болсон тул хуралдаан түр завсарлалаа. Чуулганы үдээс хойшхи хуралдаан 14 цагаас эхлэх бөгөөд Нийслэл хотын албан татварын тухай хуулийн төслийн анхны хэлэлцүүлгийг үргэлжлүүлнэ.
-
2015 оны 6 сарын 12
Улсын Их Хурлын чуулганы өнөөдрийн /2015.06.12/ үдээс өмнөх нэгдсэн хуралдаан Захиргааны ерөнхий хууль болон холбогдох бусад хуулийн төслүүдийн анхны хэлэлцүүлгээр үргэлжилж, байнгын хорооноос гаргасан зарчмын зөрүүтэй саналын томьёолол болон ажлын хэсгээс гаргасан найруулгын саналаар санал хураалт явуулав.
Улсын Их Хурлын гишүүн Ө.Энхтүвшин асуултдаа, хуулийн төсөлд субьектив зүйл их байна. Жишээ нь “гадагшаа, дотогшоо” чиглэсэн, “ялимгүй” зэрэг үгнүүдийг юу гэж ойлгох юм бэ. “Улс төрийн шийдвэр гаргах ажиллагаа” гэж байгаа нь мөн ойлгомжгүй байна. Түүнчлэн захиргааны шийдвэр гаргах хугацаа тодорхойгүй байгаагийн зэрэгцээ “шуурхай” гэж байгааг яг ямар хугацаанд гэж ойлгох вэ гээд ойлгомжгүй зүйлүүд их байна гэсэн шүүмжлэлийг хэлсэн юм.
Улсын Их Хурлын гишүүн Х.Тэмүүжин, “гадагшаа” болон “дотогшоо” чиглэсэн гэдэг ойлголт 2003 оноос хойш маш тодорхой болсон ойлголт. Захиргааны үйл ажиллагааны тухай ерөнхий хуулиар захиргааны байгууллага хувь хүний асуудлыг зохицуулахгүй. Зөвхөн иргэнтэй гадагш чиглэсэн, иргэнтэй харилцаанд орж байгаа харилцаан дээр захиргааны албан тушаалтан, захиргааны байгууллага үйл ажиллагаагаа хэрхэн яаж явуулахыг нарийвчлан зохицуулж өгч байгаа. Энэ хууль хэрэгжээд эхэлбэл дараа дараагийн асуудал амьдралын хэрэгцээнээс шалтгаалаад зохицуулаад явах боломжтой. Хуулиар анх удаа захиргааны үйл ажиллагаа тодорхойлогддог тогтолцоо руу шилжиж байгаа гэсэн тайлбарыг өгөв.
Улсын Их Хурлын гишүүн А.Бакей, хуулийн хэрэгжилтийн асуудлыг яаж зохион байгуулах талаар гишүүд ихээхэн анхаарал хандуулсан. Энэ хууль 2016 оны 7 дугаар сарын 1-нд хүчин өгөлдөр үйлчилж эхэлнэ. Хууль хүчин төгөлдөр болж үйлчилж эхлэх хүртэлх хугацаанд хуулийн хэрэгжилтийн бэлтгэлийг хангах асуудал дээр тодорхой ажил хийгдэх ёстой гэлээ.
Гишүүд асуулт асууж хариулт авсны дараа Захиргааны ерөнхий хууль болон холбогдох бусад хуулийн төслүүдийг эцсийн хэлэлцүүлэгт бэлтгүүлэхээр Хууль зүйн байнгын хороонд шилжүүлэв.
-
2015 оны 6 сарын 12
Ерөнхий сайд ОХУ, АНУ, Англид айлчилна
-
2015 оны 6 сарын 12
МОНГОЛ УЛСЫН ИХ ХУРЛЫН ХАВРЫН ЭЭЛЖИТ ЧУУЛГАНЫ 2015 ОНЫ 06 ДУГААР САРЫН 12-НЫ ӨДӨР /БААСАН ГАРАГ/-ИЙН НЭГДСЭН ХУРАЛДААНААР ХЭЛЭЛЦЭХ АСУУДАЛ
-
2015 оны 6 сарын 12
Улсын Их Хурлын гишүүдийн уламжлалт цахим ярилцлага Төрийн ордны “Г” танхимд боллоо. Энэ удаагийн цахим ярилцлагад Хөвсгөл аймгаас сонгогдсон Улсын Их Хурлын гишүүн Л.Энх-Амгалан, Хөвсгөл аймгийн удирдлагууд болон иргэдийн төлөөлөл, албаны бусад хүмүүс оролцов.
-
2015 оны 6 сарын 12
Хамгийн ноцтой нь Эдийн засгийн ил тод байдлын тухай хууль батлагдсанаар энгийн иргэд, дунд гарын бизнесмэнүүд бус зөвхөн төрийн өндөр албан тушаал хашиж байхдаа авлига авч, хууль бусаар хөрөнгөжсөн цагаан захтнууд өршөөгдөх гэж байгаа юм.
-
2015 оны 6 сарын 11
“Архигүй Монгол-Архигүй Хан-Уул” чуулган болов
-
2015 оны 6 сарын 11
УИХ-ын чуулганы үдээс хойших хуралдаанаар Эдийн засгийн ил тод байдлыг дэмжих тухай хуулийн төслийн хэлэлцэх эсэх хэлэлцүүлгийг хийв.
2008 оны Татварын өршөөлийн тухай хуулийг зарим этгээдийг албан татвар, нийгмийн даатгалын өр, төлбөрийн тодорхой хувиас болон эрүү, захиргааны хариуцлага, эрүүгийн ялаас нэг удаа чөлөөлөхтэй холбогдсон харилцааг зохицуулах зорилгоор боловсруусан. Энэхүү хуулийн дагуу 4621 татвар төлөгч 8145 тайлан ирүүлж, 748 иргэн, хуулийн этгээд шинээр татвар төлөгчөөр бүртгүүлсэн. Улмаар 4.5 их наяд төгрөгийн орлогод ногдох 431.6 тэрбум төгрөгийн татварыг Татварын өршөөлийн хуульд хамруулсан байна.
Энэ удаагийн Эдийн засгийн ил тод байдлыг дэмжих тухай хуулийн төслийг баталснаар илрээгүй байсан орлого, хөрөнгө ил гарч, тэдгээрийг хууль ёсны бүртгэл хяналтад оруулж, цаашид хууль тогтоомжийн дагуу татвар ногдох боломжтой болно. Мөн татварын суурь өргөсөх, санхүүгийн болон татварын хуурамч тайлангуудыг аливаа хүү торгуульгүйгээр залруулж, зөв гольдрилд оруулах чиглэлээр бодитой үр дүн гарна хэмээн Хууль зүйн сайд Д.Дорлигжав хууль санаачлагчийн илтгэлдээ дурьдав.
Хэлэлцэж буй асуудалтай холбогдуулан УИХ-ын гишүүн С.Бямбацогт, “Эдийн засгийн ил тод байдлын тухай хуулийг дэмжихгүй байна. Энэ хууль Үндсэн хуульд заасан хүн бүр хуулийн өмнө эрх тэгш байна гэснийг зөрчиж байна. Энэ хуульд албан татвараа төлөөгүй, хөрөнгө орлогоо нуун дарагдуулсан хэргээ ТЕГ болон АТГ-т мэдүүлсэн аж ахуйн нэгж, хуулийн этгээдийг хуулийн хариуцлагаас нэг удаа чөлөөлнө гэж заасан байна. Шударгаар татвараа төлж байгаа хүмүүсийг хэрхэн дэмжих вэ гэдэг заалт алга. Хөрөнгөө нуусан хүмүүс татвар төлөх үү. Эдгээр хүмүүсийг нийгэмд ил тод зарлах уу” хэмээн асуув. Уг асуултад Хууль зүйн сайд Д.Дорлигжав, “Заавал хэвлэлийн хурал хийгээд нийтэд зарлаад байх шаардлагагүй. Харин энэ талаар мэдээлэл авахыг хүссэн хүн АТГ, ТЕГ-т хандаж болно. Шударгаар татвараа төлж байгаа хүмүүсийг урамшуулах асуудал бол Эдийн засгийн өршөөлийн тухай хуульд орох байх” гэсэн хариулт өгөв.
Мөн УИХ-ын гишүүн Ч.Хүрэлбаатар, “Эдийн засгийн ил тод байдлын тухай хууль бол татварын өршөөлийн тухай хууль юм. Зөвхөн хууль баталснаас хойших хугацаанд татвараа өргөн мэдүүлсэн хүмүүсийг л хамруулах юм уу. Тиймээс энэ хууль батлагдахаас өмнө далд байсан эд хөрөнгө нь илэрч, хуулийн байгууллагад шилжсэн хүмүүсийг өршөөх ёстой” гэлээ.
Хууль зүйн сайд Д.Дорлигжав, “Энэ хуулийг татварын өршөөлийн хуультай хольж болохгүй. Энэ хууль далд байсан хөрөнийг ил болгох зорилготой. Ил болсон хөрөнгөөс авах ёстой татвараас нэг удаа чөлөөлөх тухай хууль юм. Уг хуулийг энэ оны долдугаар сарын 01-нээс аравдугаар сарын 01-ны хооронд хэрэгжүүлэхээр төлөвлөж байна” гэв.
Түүчнлэн УИХ-ын гишүүн Х.Тэмүүжин, “Монгол Улсыг авч явж байгаа аж ахуйн нэгжүүдийг төр дэмжих ёстой. Гэхдээ энэ хуулийг Эдийн засгийн өршөөлийн хуультай хамт батлах хэрэгтэй. Тэгэхгүй бол эдийн засгийг эрчимжүүлэх алхам дутуу болно. Энэ хоёр хуулийг хамт батласнаар аж ахуйн нэгжүүдийг бүрэн дэмжих боломж бүрдэх юм” гэлээ.
Ийнхүү санал хураалт явуулахад хуралдаанд оролцсон гишүүдийн 66 хувь дэмжиж, анхны хэлэлцүүлэгт бэлтгүүлэхээр Төсвийн байнгын хороонд шилжүүлэв.
-
2015 оны 6 сарын 11
Тэтгэврийн зээлийн хүүг бууруулахыг С.Бямбацогт гишүүнд захилаа
-
2015 оны 6 сарын 11
Хүний хөгжил санг татан буулгана
Пүрэв, 6 сарын 11 2015
Бичсэн Б.Туул
Хэвлэх
Email
Хүний хөгжил санг татан буулгана
УИХ-ын чуулганы өнөөдрийн хуралдаанаар Ирээдүйн өв сангийн тухай болон холбогдох бусад хуулийн төслүүдийн анхны хэлэлцүүлгийг хийв.
Хэлэлцүүлгийн шатанд УИХ-ын гишүүн Л.Энх-Амгалан, “Хүний хөгжил сан өртэй байгаа. Хууль баталснаар татан буугдах юм байна. Хуулиндаа энэ асуудлыг яаж зохицуулсан бэ” гэхэд уг хуулийн төслийг хэлэлцүүлэгт бэлтгэх үүрэг бүхий ажлын хэсгийн ахлагч, УИХ-ын гишүүн Р.Амаржаргал, “Хүний хөгжил сангийн өр барагдтал Ирээдүйн өв сан ачааллыг авна. Энэ ажил гурван жил үргэлжилнэ. Энэ хугацаанд Хүний хөгжил сангийн өр, хүүхдийн мөнгийн олголт зэрэг асуудлыг зохицуулахаар тусгасан” гэлээ. Мөн үеэр УИХ-ын гишүүн Ц.Даваасүрэн, “Хуулиараа корпораци байгуулах юм байна. Нөгөө корпораци нь дампуурах гэж байгаа банк руу хөрөнгөө оруулчихвал яах вэ. Гүйлгээ төлбөр тооцоогоо Монголбанк мэдэж, Сангийн яам шийдвэрээ гаргадаг баймаар байна. Харин гадны компаниас зөвлөгөө авдаг байж болох юм. Энэ хуулийг батлая. Гэхдээ сайжруулж оруулж ирэх шаардлагатай” гэсэн юм. Үүнтэй уялдуулж УИХ-ын гишүүн Н.Энхболд, “Олон асуудал дээр санал авах юм байна. УИХ дээр энэ асуудлыг хэлэлцвэл их цаг авна. УИХ-ын Тамгын газар хуулийн төслийг цэгцэлчихээд оруулж ирнэ биз” гэлээ. Иймд УИХ-ын дарга З.Энхболд хуулийн төслийн хэлэлцүүлгийг түр зогсоох тухай санал хураалт явуулахад гишүүдийн олонх дэмжив. Ингэснээр чуулганы үдээс өмнөх хуралдаан өндөрлөлөө. Чуулганы хуралдаан 14 цагаас үргэлжилнэ.
-
2015 оны 6 сарын 11
Хуулиудын шинэчилсэн найруулгын төслийг эцсийн хэлэлцүүлэгт шилжүүлэв
Улсын Их Хурлын чуулганы өнөөдрийн /2015.06.11/ нэгдсэн хуралдаанаар Нягтлан бодох бүртгэлийн тухай /шинэчилсэн найруулга/ хуулийн төслийн анхны хэлэлцүүлгийг хийж, энэ талаарх Төсвийн байнгын хорооны санал, дүгнэлтийг Улсын Их Хурлын гишүүн Ч.Хүрэлбаатар танилцуулсан юм.
Тус байнгын хорооны хуралдаанаар хуулийн төслүүдийг хэлэлцэх үед Улсын Их Хурлын гишүүн Р.Амаржаргал санхүү, бүртгэлийн асуудал эрхэлсэн төрийн захиргааны төв байгууллагын чиг үүрэгт татварын мэргэшсэн зөвлөхийг оруулах, Нягтлан бодох бүртгэлийн тухай хуулийн төслийн дагалдаж өргөн мэдүүлсэн Татварын мэргэшсэн зөвлөх үйлчилгээний тухай хуульд нэмэлт, өөрчлөлт оруулах тухай хуулийн төслийн татварын итгэмжлэгдсэн хуулийн этгээдийн үүсгэн байгуулагч нь татварын мэргэшсэн зөвлөх байх шаардлагыг хасах гэснийг одоогийн хуулийн зохицуулалтаар нь хэвээр үлдээх санал гаргасныг хуралдаанд оролцсон гишүүдийн олонх дэмжжээ.
Байнгын хорооны санал, дүгнэлттэй холбогдуулан Улсын Их Хурлын гишүүн Я.Содбаатар, Д.Ганхуяг, С.Дэмбэрэл, Д.Ганбат нар асуулт асууж тодруулсан юм. Байнгын хорооны ажлын хэсгийн ахлагч Ч.Хүрэлбаатар гишүүдийн асуултад өгсөн хариултдаа, бүх аж ахуйн нэгжүүд заавал мэргэшсэн нягтлан бодогчоор нягтлан бодох тайлан бүртгэл гаргуулж байхаар тусгасан зүйл байхгүй. Богино хугацааны сургалтыг хааж боосон зүйл ч байхгүй. Гэхдээ хагас сарын сургалтад суучихаад санхүүгийн тайлан гаргах гэх нь зохистой зүйл биш гэдгийг хэлж байв. Харин жижиг, дунд үйлдвэрийн нягтлан бодох бүртгэлийн олон улсын стандарт гэж байдаг. Манай улсын хувьд уг стандартыг хялбаршуулсан хэлбэрээр мөрдүүлэхээр энэ хуульд тусгасан гэсэн хариултыг ажлын хэсгээс өгсөн юм.
Дараа нь байнгын хорооноос уг хуулийн төслийн талаар гаргасан зарчмын зөрүүтэй 6, найруулгын шинжтэй 1 саналын томьёоллоор санал хурааж шийдвэрлэв. Мөн уг хуулийг дагалдаж зарим хуульд нэмэлт, өөрчлөлт оруулах төслүүдтэй холбогдуулан гаргасан зарчмын зөрүүтэй саналуудыг гишүүд дэмжлээ. Уг хуулийг 2016 оны 01 дүгээр сарын 01-ний өдрөөс эхлэн дагаж мөрдөх, түүнчлэн уг хууль хүчин төгөлдөр болсон өдрөөс эхлэн 2001 онд батлагдсан Нягтлан бодох бүртгэлийн тухай хуулийг хүчингүй болсонд тооцох санал чуулганы нэгдсэн хуралдаанд оролцсон гишүүдийн олонхын дэмжлэг авсан юм. Ингээд уг хуулийн шинэчилсэн найруулгын төсөл болон холбогдох хуулийн төслүүдийг эцсийн хэлэлцүүлэгт бэлтгүүлэхээр Төсвийн байнгын хороонд шилжүүлэв.
Чуулганы үдээс өмнөх нэгдсэн хуралдаанаар Аудитын тухай /шинэчилсэн найруулга/ болон холбогдох бусад хуулийн төслүүдийн анхны хэлэлцүүлгийг хийж, энэ талаар Төсвийн байнгын хорооноос гаргасан санал, дүгнэлтийг сонсов.
Байнгын хорооны хуралдаанаар хуулийн төслийг хэлэлцэх үед Улсын Их Хурлын гишүүн Р.Амаржаргал аудитын хуулийн этгээдийн явуулах үйл ажиллагаанаас санхүүгийн холбогдох үйлчилгээ гэснийг хасах санал гаргасныг хуралдаанд оролцсон гишүүдийн олонх дэмжжээ. Мөн Засгийн газраас одоо мөрдөгдөж байгаа Аудитын тухай хуулийг хүчингүй болсонд тооцох тухай хуулийн төслийг хамт өргөн мэдүүлээгүй тул ажлын хэсгээс уг хуулийн төслийг боловсруулж, хэлэлцүүлэх тухай санал дэмжигджээ. Түүнчлэн хуулийн төсөлд шинээр оруулсан аудитын хуулийн этгээдэд тавигдах шаардлагатай холбогдсон шинэ харилцааг шилжилтийн хугацаанд зохион байгуулах үүднээс ажпын хэсгээс Аудитын тухай хуулийг дагаж мөрдөх журмын тухай хуулийн төсөл боловсруулж, хэлэлцүүлэх санал гаргасныг байнгын хорооны гишүүдийн олонх дэмжсэн байна.
Тус байнгын хорооны санал, дүгнэлттэй холбогдуулан Улсын Их Хурлын гишүүн Ц.Даваасүрэн байнгын хорооны ажлын хэсгээс асуулт асууж тодруулсны дараа хуулийн шинэчилсэн найруулгын төсөлтэй холбогдуулан байнгын хорооноос дэмжсэн болон дэмжигдээгүй зарчмын зөрүүтэй саналын томьёоллоор санал хураалт явуулж хуулийн шинэчилсэн найруулгын төслийг эцсийн хэлэлцүүлэгт шилжүүллээ. Уг хуулийн төслийг 2016 оны 01 дүгээр сарын 01-ний өдрөөс эхлэн дагаж мөрдөх, хууль хүчин төгөлдөр болсон өдрөөс эхлэн 1997 оны 05 дугаар сарын 01-ний өдөр батлагдсан Аудитын тухай хуулийг хүчингүй болсонд тооцох саналыг нэгдсэн хуралдаанаас дэмжсэн юм. Үүнтэй холбогдуулан Аудитын тухай хуулийг дагаж мөрдөх журмын тухай хуулийн төслийг боловсруулж хэлэлцүүлэх үүргийг байнгын хорооны тогтоолоор Засгийн газарт өгөхөөр болов.
Дараа нь Монгол Улсын Ерөнхийлөгчөөс санаачлан боловсруулж өргөн мэдүүлсэн Ирээдүйн өв сангийн тухай болон холбогдох бусад хуулийн төслүүдийн анхны хэлэлцүүлгийг хийж, энэ талаар Төсвийн байнгын хорооноос гаргасан санал, дүгнэлтийг Улсын Их Хурлын гишүүн Р.Амаржаргал танилцуулав. Байнгын хорооны санал, дүгнэлттэй холбогдуулан асуулт асуусан Улсын Их Хурлын гишүүн Л.Энх-Амгалан, Р.Гончигдорж, Ц.Даваасүрэн нар асуулт асууж тодруулсан юм.
Энэ үеэр Улсын Их Хурлын дарга З.Энхболд хуулийн төслийн анхны хэлэлцүүлгээр маш олон санал гаргасан байгаа тул эдгээрийг нэг бүрчлэн санал хурааж шийдвэрлэхэд ихээхэн цаг авахаар байна. Тиймээс төслийг буцааж татаад ажлын хэсгийн гаргасан саналуудыг тусган дахин өргөн баривал шуурхай хэлэлцэж шийдэх боломжтой гэсэн байр суурьтай байгаагаа хэлсэн юм.
Энэ саналтай холбогдуулан ажлын хэсгийн ахлагч Р.Амаржаргал хуулийн төсөлтэй холбогдуулан байнгын хорооноос зарчмын зөрүүтэй 40 гаруй, холбогдох бусад хуулийн төслийн талаар 20 гаруй санал гаргасан. Иймээс Ерөнхийлөгчөөс өргөн барьсан төсөл нэлээд өөрчлөгдсөн, гэхдээ энэ талаар төсөл санаачлагчийн төлөөллийн байр суурийг сонсох нь зүйтэй байх гэлээ. Харин Ерөнхийлөгчийн Иргэний оролцоо, эдийн засгийн бодлогын зөвлөх Л.Дашдорж хуулийн төсөл өргөн баригдаад нэлээд хугацаа өнгөрсөн. Энэ хугацаанд хэд хэдэн хуульд өөрчлөлт орсон нь эдгээр саналын нэлээд хувийг эзэлж байгаа. Түүнээс төсөлд зарчмын өөрчлөлтүүд ороогүй, хуулийн үзэл баримтлал хэвээр байгаа тул боломжтой бол хэлэлцэж шийдэж өгвөл сайн байна гэдгээ хэллээ.
Ингээд хуулийн төслийн анхны хэлэлцүүлгийг түр зогсоох тухай горимын саналыг чуулганы нэгдсэн хуралдаанд оролцсон гишүүдийн 64.3 хувь нь дэмжив. Иймээс энэ хооронд төсөл санаачлагчтай ярилцаж төслийг татаж авах эсэх асуудлыг шийдвэрлэхээр болов.
Үүгээр чуулганы үдээс өмнөх нэгдсэн хуралдаан завсарлалаа гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.
-
2015 оны 6 сарын 11
http://www.24tsag.mn/content/118111.shtml
-
2015 оны 6 сарын 11
АСЕМ-ын дээд түвшний уулзалтыг зохион байгуулах Үндэсний зөвлөл хуралдлаа
1 цаг 2 минутын өмнө
Print Zasag and PDF
ShareThis Facebook Tweet LinkedIn Email
Манай улс 2006 онд АСЕМ-ын гишүүнээр элссэнээс хойш тус байгууллагын үйл ажиллагаа, санал санаачилгад идэвхтэй оролцож байгаа юм. Ази, Европын Дээд түвшний XI уулзалт 2016 оны долдугаар сард Улаанбаатар хотод болно. Монгол Улсын Ерөнхий сайд Ч.Сайханбилэгийн ахалж буй Дээд хэмжээний энэ уулзалтыг зохион байгуулах ажлыг удирдан зохион байгуулах, чиг үүргээр хангах Үндэсний зөвлөлийн ээлжит хурал Ерөнхий сайдын өрөөнд болж, Аюулгүй байдал, ёслол, улсын хил нэвтрэх асуудал хариуцсан ажлын хэсгийн мэдээллийг сонслоо. Энэ ажлын хэсгийг Хууль зүйн сайд Д.Дорлигжав ахалж буй юм.
Өнөөдрийн хурлаар төлөөлөгчдийн аюулгүй байдлыг хангах, улсын хилээр шалган нэвтрүүлэх, үндэсний аюулгүй байдлыг хангах үйл ажиллагааг зохион байгуулах Шуурхай удирдлагын штаб болон Нэгдсэн удирдлагын төв байгуулахад шаардагдах техник, тоног төхөөрөмж худалдан авах хөрөнгийн асуудлаар ярилцаж, Засгийн газрын хуралдаанд танилцуулахаар боллоо.
Манай улсад болох Ази, Европын Дээд түвшний XI уулзалтад 51 орны Төрийн тэргүүн, Засгийн газрын тэргүүн, Гадаад хэргийн сайд нар, олон улсын байгууллагын удирдлага, хэвлэл мэдээллийнхэн зэрэг нийт 5000 гаруй зочид, төлөөлөгч оролцоно гэж төлөвлөж байгаа юм гэж Засгийн газрын хэвлэл мэдээлэл, олон нийттэй харилцах албанаас мэдээллээ.
- See more at: http://www.zasag.mn/news/view/10092#sthash.jKZQIltL.dpuf
-
2015 оны 6 сарын 11
С.Одонтуяа: “Хүүхдийн ногоон карт” аяныг зохион байгуулах зайлшгүй шаардлага байгаа
-
2015 оны 6 сарын 11
Зарим хууль тогтоомжийн төслийн эцсийн хэлэлцүүлгийг хийж баталлаа
