-
2015 оны 11 сарын 07
Ерөнхийлөгч Хятадыг зорино
1 цаг 2 минутын өмнө
Монгол Улсын Ерөнхийлөгч Ц.Элбэгдорж ирэх даваа гаригт буюу энэ сарын 9-нд БНХАУ-ыг зорих гэж байна. БНХАУ-ын дарга Си Жиньпиний урилгаар Монгол Улсын төрийн тэргүүн тус улсад төрийн айлчлал хийх юм. Өнгөрсөн жил БНХАУ-ын удирдагч Си Жиньпин Монгол Улсад төрийн айлчлал хийх үеэрээ Ерөнхийлөгч Ц.Элбэгдоржийг тааламжтай цагтаа өөрийн улсад айлчлал хийхийг хүссэн. Айлчлал арваннэгдүгээр сарын 9-11-ний хооронд үргэлжилнэ. Энэ үеэр талууд албан ёсны хэлэлцээ хийнэ, мөн Монгол Улсын Ерөнхийлөгч Ц.Элбэгдоржид Бүх Хятадын Ардын Төлөөлөгчдийн Их Хурлын Байнгын хорооны дарга Жан Дөзян болон Төрийн Зөвлөлийн Ерөнхий сайд Ли Көцян нар бараалхана.
Онцлоход, дээрх айлчлалын үеэр Монгол Улсын Засгийн газар БНХАУ-ын Экспорт, импорт банк хооронд байгуулах 1 тэрбум ам.долларын зээлийн хэлэлцээрийг байгуулахаар төлөвлөөд байгаа. Түүгээр Эгийн гол цахилгаан станц төслийг хэрэгжүүлэх юм.
-
2015 оны 11 сарын 06
Өршөөл үзүүлэх тухай хуулийг хэрэгжүүлэх ажлыг зохион байгуулах комиссын дарга Д.Ганбат хорих ангиудад ажиллав
Өршөөл үзүүлэх тухай хуулийг хэрэгжүүлэх ажлыг зохион байгуулах комиссын дарга Д.Ганбат болон комиссын гишүүд өнөөдөр /2015.11.06/ Эмэгтэйчүүдийн 407 дугаар болон Зайсан дахь 401 дүгээр хорих ангиудад ажиллав.
Эмэгтэйчүүдийн 407 дугаар хорих ангиас 100 гаруй эмэгтэй суллагдаж байгаа гэсэн мэдээллийг өгсөн юм. Өршөөл үзүүлэх тухай хуулийг хэрэгжүүлэхэд ямар нэгэн хүндрэл гарахгүй байгаа гэдгийг хорих ангийн удирдлагууд болон холбогдох албаны хүмүүс хэлж байлаа.
Улсын Их Хурлын гишүүн, комиссын дарга Д.Ганбат энэ үеэр Өршөөл үзүүлэх тухай хуульд хамрагдан суллагдаж байгаа хүмүүсийн сэтгэгдлийг сонсоод тэдэнд хандан суллагдаж очоод ажил хөдөлмөр эрхэлж, төр засгийн болоод ард түмнийхээ илтгэлийг алдалгүй ажиллаж, амьдрахыг захисан юм. Мөн тэрээр өршөөл үзүүлэх ажил өндөр зохион байгуулалттай явагдаж байгааг онцолж байлаа.
Комиссын гишүүд Эмэгтэйчүүдийн 407 дугаар хорих ангид байрлах оёдлын цех болон гар урлалын цехтэй танилцаж, хөдөлмөр эрхэлж байгаа ялтнуудын санал бодлыг сонссон юм.
Зайсан дахь 401 дүгээр хорих ангид ялтнуудыг нэгдсэн журмаар авчран нутаг орон руу нь явуулах үйл ажиллагаа явагдаж байна. 401 дүгээр хорих ангиар 900 гаруй хүн дамжин орон нутаг руугаа явах юм байна.
Шүүхийн шийдвэр гүйцэтгэх ерөнхий газрын дэд дарга, комиссын нарийн бичгийн дарга Г.Туулхүү хэлэхдээ, одоо хоригдож байгаа 6000 гаруй ялтнаас 3000 орчим нь Өршөөлийн хуульд хамрагдаж байна. Эдгээрээс 2000 орчим ялтан суллагдана. Суллагдаж байгаа ялтнуудын 800-900 нь нийслэлд, бусад нь хөдөө орон нутагт хүргэгдэнэ гэлээ.
Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан батлагдсан Өршөөл үзүүлэх тухай Монгол Улсын хуулийг хэрэгжүүлэх ажлын комисс 407 болон 401 дүгээр хорих ангиудад ажиллах үеэр Шүүхийн шийдвэр гүйцэтгэх ерөнхий газрын дэд дарга, комиссын нарийн бичгийн дарга Г.Туулхүү Улсын дээд шүүхийн Эрүүгийн танхимын тэргүүн, комиссын гишүүн Т.Уранцэцэг болон албаны бусад төлөөлөгчид, хэвлэл мэдээллийн байгууллагууд ажиллав хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2015 оны 11 сарын 06
Эрүүл мэнд, спортын сайд Г.Шийлэгдамба үүрэгт ажлаасаа чөлөөлөгдөх хүсэлтээ Ерөнхий сайдад гаргажээ
4 минутын өмнө
Print Zasag and PDF
Засгийн газрын гишүүн, Эрүүл мэнд, спортын сайд Г.Шийлэгдамба үүсээд буй нөхцөл байдалтай холбоотойгоор 2015 оны 11 дүгээр сарын 6-ны өдөр Ерөнхий сайд Ч.Сайханбилэгт өргөдөл гаргасан байна.
Түүний өргөдөлд,
Би гэмт хэрэг үйлдээгүй, мөрдөн байцаалтын шатанд, эсхүл шүүхийн шатанд энэ нь үнэн мөнөөр тогтоогдоно гэдэгт итгэлтэй байгаа боловч энэ бүхэн нь улс төрийн нөхцөл байдлаас шалтгаалан багагүй цаг хугацаа шаардах нь ойлгомжтой боллоо.
Монголын ард түмний эрүүл энхийн манаанд нэгэн үзүүрт сэтгэлээр зүтгэж, нойр хоол, биеийн амрыг умартан нэг ч гэсэн өвчтөний амь насыг аврахын төлөө тэмцэж байгаа олон мянган эмч, сувилагч нарынхаа нуруун дээрээ тээж яваа эрүүл мэндийн салбарын хэвийн үйл ажиллагаа ямар нэгэн байдлаар доголдох, салбарын нэр хүнд бага ч гэсэн сэвтэхийг би хувьдаа хүлээн зөвшөөрч чадахгүй байна.
Иймд өөрийн хүсэлтээр Засгийн газрын гишүүн, Эрүүл мэнд, спортын сайдын үүрэгт ажлаас чөлөөлөгдөх хүсэлтэй байгааг минь хүлээн авна уу.
Надад итгэл хүлээлгэн Эрүүл мэнд, спортын салбарыг хариуцуулахаар нэр дэвшүүлсэн “МАХН-МҮАН-ын Шударга ёс эвсэл”-дээ, ийнхүү нэр дэвшиснийг маань дэмжиж хамтран ажилласан УИХ болон Ерөнхий сайд, Ерөнхийлөгч нарт гүн талархаж байгаагаа илэрхийлье.
Гэмт хэрэг үйлдээгүй, гэм буруугүй гэдгээ Монгол Улсын Шүүхээр тогтоолгож цагаадсаны дараа та бүхэнтэйгээ нэр цэвэр, нүүр бардам дахин уулзана гэдэгт итгэж байна” гэжээ гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
-
2015 оны 11 сарын 06
Н.Номтойбаяр: Ерөнхий сайд шилэн дансаа хөтлөөгүй хууль зөрчигчдийг манлайлж байна
-
2015 оны 11 сарын 06
Ерөнхий сайд Ч.Сайханбилэг УИХ-ын Чуулганы нэгдсэн хуралдаанд Шилэн дансны хуулийн хэрэгжилтийн явцын талаар мэдээлэл хийлээ
7 минутын өмнө
Print Zasag and PDF
ShareThis Facebook Tweet LinkedIn Email
Ерөнхий сайд Ч.Сайханбилэгийн УИХ-ын Чуулганы нэгдсэн хуралдаанд Шилэн дансны хуулийн хэрэгжилтийн явцын талаар хийсэн мэдээлэл
УИХ-ын дарга,
Эрхэм гишүүд ээ,
Монгол Улсын Засгийн газраас Шилэн дансны тухай хуулийг хэрэгжүүлж буй ажлын явцын талаар танилцуулж байна.
Монгол Улсын Ерөнхийлөгчөөс санаачлан УИХ-аас 2014 оны 7 дугаар сарын 1-ний өдөр баталсан “Шилэн дансны тухай хууль” энэ оны 1 дүгээр сарын 01-ний өдрөөс хэрэгжиж эхэлснээс хойш даруй 10 сар өнгөрөөд байна.
Шилэн дансны тухай хуулийн дагуу холбогдох мэдээллийг иргэд, олон нийтэд мэдээлснээр төсвийн ил тод байдлыг хангах, төсвийн хэрэгжилтэд иргэдээс хяналт тавих нөхцлийг бий болгож байгаа нь уг хуулийн үндсэн зорилт хэрэгжиж эхэлж байна гэж хэлж болно.
Олон Улсын Төсвийн түншлэлийн байгууллагаас улс орнуудын төсвийн ил тод, нээлттэй байдлын судалгааг явуулж үнэлгээ өгдөг билээ. Монгол Улс Төсвийн ил тод, нээлттэй байдлын 2015 оны индексээр авбал зохих 100 онооноос 51-ийг авсан нь 2012 оны түвшиндээ бөгөөд дэлхийн дундаж (45 оноо)-аас ялимгүй дээгүүр байна. Шилэн дансны тухай хуулийг эрчимтэй хэрэгжүүлснээр энэ үнэлгээний үзүүлэлт цаашид сайжирна гэж манай Засгийн газар үзэж байгаа бөгөөд Шилэн дансны тухай хуулийн хэрэгжилтийн үр дүн болсон төсвийн ил тод, нээлттэй байдлыг олон улсын түвшинд үнэлэх чухал боломжийг олгож байна.
Монгол Улсын Засгийн газраас Шилэн дансны тухай хуулийг хэрэгжүүлэхээр дараахь 3 үндсэн чиглэлээр арга хэмжээ авч ажиллаж байна. Үүнд:
· Зохион байгуулалт
· Хэрэгжилт
· Мониторинг, хяналт шалгалт.
Нэг. Хуулийн хэрэгжилтийг зохион байгуулахтай холбоотойгоор
1. Засгийн газрын 2014 оны 384 дүгээр тогтоолоор “Шилэн дансны цахим хуудсанд тавигдах мэдээллийн агуулга, нийтлэг стандартыг тогтоох тухай журам”-ыг батлуулан хэрэгжүүлж, Шилэн дансны тухай хууль, холбогдон гарсан журмыг олон нийтэд таниулан сурталчлах, мэдээлэл арга зүйгээр ханган ажиллах хүрээнд яам, агентлаг, аймаг, нийслэл, дүүрэг зэрэг төв болон орон нутгийн төсөвт байгууллага, төрийн болон орон нутгийн өмчит компани, төрийн бус байгууллагын нийт 10000 орчим албан хаагчдад 82 удаагийн сургалтыг зохион байгуулсан.
2. Ерөнхийлөгчийн тамгын газартай хамтран 2015 оны 5 дугаар сарын 14-нд нийт 1000 гаруй төсвийн байгууллагын төлөөллийг оролцуулан хуулийн хэрэгжилтийн явц цаашид анхаарах асуудлаар хэлэлцүүлэг зохион байгуулсан.
3. Засгийн газрын 2 удаагийн хуралдаанаар Шилэн дансны тухай хуулийн хэрэгжилтийн эхний 2 сар болон хагас жилийн байдлаар гаргасан дүнг хэлэлцэж, холбогдох үүрэг даалгаврыг төсвийн ерөнхийлөн захирагч нарт өгсөн.
Хоёр. Хуулийн хэрэгжилтийн явц
1. Шилэн дансны тухай хуулийн дагуу 56 төсвийн ерөнхийлөн захирагчийн 5172 төсвийн байгууллага, 271 орон нутгийн өмчит үйлдвэрийн газар, 79 төрийн өмчит хувьцаат компани болон төрийн үйлдвэрийн газар, төрийн чиг үүрэгт хамаарах ажил, үйлчилгээг хууль тогтоомж, гэрээний үндсэн дээр гүйцэтгэгч болон улс орон нутгийн төсвийн хөрөнгөөр үйл ажиллагаа гүйцэтгэж байгаа 569 аж ахуйн нэгж, байгууллагууд мэдээллээ өөрийн цахим хуудсаар болон нэгдсэн цахим хуудас, мэдээллийн самбараар нийтэд мэдээлэн ажиллаж байна.
2. Өнөөдрийн байдлаар хуульд заасан 37 төрлийн 229,279 мэдээллийг олон нийтэд мэдээлж байна. Тухайлбал, Монгол Улсын 2016 оны нэгдсэн төсвийн төсөл, 2015 оны төсвийн тодотголын төсөл, сар бүрийн төсвийн гүйцэтгэл, улирал бүрийн макро эдийн засгийн үзүүлэлт, Засгийн газрын дотоодын өрийн 3,720.6 тэрбум төгрөг, гадаад өр 10,192.0 тэрбум төгрөгийн болон үнэт цаасны талаарх мэдээлэл, цалингийн зардлаас бусад 5 сая төгрөгөөс дээш үнийн дүн бүхий зарлагын 4.300,9 тэрбум төгрөгийн мэдээлэл, тендер шалгаруулалтын 9,362 мэдээлэл, хөрөнгө оруулалт, бараа, ажил үйлчилгээ, нийлүүлэгчийн талаарх 2.485.5 тэрбум төгрөгийн санхүүжилтийн мэдээлэл, байгууллагын өмч хөрөнгө, мөнгө зарцуулах, өр авлага үүсгэсэн шийдвэрийн 30,985 мэдээлэл болон хуулиар заагдсан бусад мэдээллүүд байна.
Гурав. Мониторинг, хяналт шалгалтын арга хэмжээ.
1. Монгол Улсын Засгийн газраас Шилэн дансны тухай хуулийн хэрэгжилтийн эхний хагас жилийн тайланг нэгтгэн гаргаж Үндэсний аудитын газарт хүргүүлсэн.
2. Үндэсний аудитын газраас 2015 оны 3 дугаар сарын 22-ноос 5 дугаар сарын 5-ны өдрүүдэд “Шилэн дансны тухай хуулийн хэрэгжилт, үр дүн”-д аудит хийсэн байна. Аудитаар ”нийт 5804 байгууллага, үүнээс 5399 төсвийн байгууллага, 405 төрийн болон орон нутгийн өмчийн аж ахуй нэгж хамрагдсаны 96.8 хувь буюу 5617 байгууллага төсвийн ерөнхий мэдээллээ байршуулснаас 4868 байгууллага нэгдсэн цахим сүлжээ, байгууллагын сүлжээнд, 749 байгууллага мэдээллийн самбарт байршуулсан байна” гэсэн дүгнэлт гаргасан байна. Мөн хөдөө орон нутагт, ялангуяа зарим сумдад техник хэрэгслийн хангамж дутмаг, байнгын цахилгааны эх үүсвэрт холбогдоогүй, интернет сүлжээ байхгүй, саатдаг, хүрэлцээ муу зэрэг нь цахим системд мэдээлэл оруулах ажилд хүндрэл учруулж байна гэж дүгнэсэн байна.
3. Түүнчлэн хууль зөрчсөн эсэх талаар шүүхээр шийдвэрлүүлсэн болон Үндэсний аудитын газраар шалгуулах хүсэлт эхний хагас жилийн байдлаар байхгүй байна.
4. Шилэн дансны тухай хуулийн хэрэгжилтэд иргэд бас хяналт тавьж байна. Шилэн дансны нэгдсэн цахим хуудсанд нийт 166,879 хэрэглэгч 446,221 удаагийн хандалт хийж, давхардсан тоогоор 2.1 сая мэдээллийг хүлээн авсан байна. Цахим хуудсанд 97.2 хувь нь дотоодоос, 2.8 хувь нь гадаадаас хандсан байна. Энэ нь иргэд, олон нийт төсвийн хэрэгжилтэд анхаарал хандуулж байгаагийн илрэл юм.
Эрхэм гишүүд ээ,
Цаашид Засгийн газраас Шилэн дансны тухай хуулийн хэрэгжилтийг эрчимжүүлэх үүднээс дараахь арга хэмжээг үргэлжлүүлэн хэрэгжүүлэх болно. Үүнд:
· Мэдээлэл тавих эрх бүхий албан тушаалтнуудыг нэгдсэн арга зүйгээр хангах, сургалтыг зохион байгуулах замаар шилэн дансанд байршуулж байгаа мэдээллийн үнэн зөв, тодорхой байдлыг сайжруулах,
· Шилэн дансны нэгдсэн цахим хуудсыг хуульд заасан хугацаанд багтаан оруулж хуулийн хүрээнд хамрагдах бүх байгууллагууд ашиглах нөхцөлийг бүрдүүлэх ажлыг үе шаттайгаар зохион байгуулах,
· Төсвийн ерөнхийлөн захирагчдын дотоод аудитын арга зүйг сайжруулж, хууль хэрэгжүүлээгүй албан тушаалтанд хариуцлага тооцож ажиллах,
· Олон улсын байгууллагаас төсвийн ил тод, нээлттэй байдалд өгч буй үнэлгээ, өгсөн зөвлөмжийг ашиглан төсвийн ил тод байдал, иргэдийн оролцоог сайжруулах арга хэмжээг үе шаттай авах болно.
- See more at: http://zasag.mn/news/view/11371#sthash.qIZfXdFY.Vr8XetPw.dpuf
-
2015 оны 11 сарын 06
Ерөнхий сайдын хэвлэлийн төлөөлөгч Ц.Мөнхтөр өнөөдөр 17:00 цагт Төрийн ордонд хэвлэлийн бага хурал зарлаад байна. Тэрээр Эрүүл мэнд, спортын сайд Г.Шийлэгдамбатай холбоотой асуудлаар мэдээлэл хийх юм. Авлигатай тэмцэх газраас өнгөрсөн лхагва гарагт Эрүүл мэнд, спортын сайд Г.Шийлэгдамбыг албан өрөөндөө байхад нь баривчилсан билээ. Харин зарим эх сурвалж үүнтэй холбоотойгоор сайд Г.Шийлэгдамба үүрэгт ажлаасаа чөлөөлөгдөх өргөдлөө Ерөнхий сайдад өгсөн хэмээн мэдээлж байна.
-
2015 оны 11 сарын 06
УИХ-ын чуулганы хуралдааныг 14.00 цагаас хийхээр төлөвлөөд байсан боловч байнгын хороодын хуралдаан хойшилсон, гишүүд ирц хангалтгүй байсан зэрэг шалтгаанаар хойшилсоор дөнгөж сая нээгдлээ.
Яг одоо Монгол Улсын Ерөнхий сайд Шилэн дансны тухай хуулийн хэрэгжилтийн талаар мэдээлэл хийлээ.
Үүнтэй холбогдуулан УИХ дахь МАН-ын бүлгийн мэдэгдлийн УИХ-ын гишүүн Н.Номтойбаяр танилцуулж байна.
Өнөөдрийн чуулганаар дараах асуудлыг хэлэлцэх юм.
“Төрөөс мөнгөний бодлогын талаар 2016 онд баримтлах үндсэн чиглэл батлах тухай” Улсын Их Хурлын тогтоолын төсөл /Монгол банк 2015.09.30-ны өдөр өргөн мэдүүлсэн, анхны хэлэлцүүлэг/;
Монгол Улсын 2016 оны төсвийн тухай, Нийгмийн даатгалын сангийн 2016 оны төсвийн тухай, Хүний хөгжил сангийн 2016 оны төсвийн тухай хуулийн төслийн хамт өргөн мэдүүлсэн хуулийн төслүүд /Засгийн газар 2015.10.01-ний өдөр өргөн мэдүүлсэн, анхны хэлэлцүүлэг/;
Монгол Улсын нэгдсэн төсвийн 2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуулийн төсөл хуулийн төсөл /Засгийн газар 2015.10.01-ний өдөр өргөн мэдүүлсэн, анхны хэлэлцүүлэг/;
Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүд /Засгийн газар 2015.10.01-ний өдөр өргөн мэдүүлсэн, хоёр дахь хэлэлцүүлэг/;
Монгол Улсын Засгийн газар, Азийн хөгжлийн банк хооронд байгуулах “Нийгмийн халамжийг дэмжих хөтөлбөр”-ийн зээлийн хэлэлцээрийг соёрхон батлах тухай хуулийн төсөл /Засгийн газар 2015.10.30-ны өдөр өргөн мэдүүлсэн, соёрхон батлах/;
Монгол Улсын Засгийн газар, Азийн хөгжлийн банк хооронд байгуулах “Хөдөө аж ахуй, хөдөөгийн хөгжил төслийн нэмэлт санхүүжилт”-ийн зээлийн хэлэлцээрүүдийг соёрхон батлах тухай хуулийн төсөл /Засгийн газар 2015.10.30-ны өдөр өргөн мэдүүлсэн, соёрхон батлах/;
“Төрөөс хүнс, хөдөө аж ахуйн талаар баримтлах бодлого батлах тухай” Улсын Их Хурлын тогтоолын төсөл /Засгийн газар 2015.06.10-ны өдөр өргөн мэдүүлсэн, анхны хэлэлцүүлэг/.
-
2015 оны 11 сарын 06
УИХ-ын гишүүн, Засгийн газрын гишүүн, Хүн амын хөгжил, нийгмийн хамгааллын сайд С.Эрдэнэ хуулийн төсөл өргөн барив
УИХ-ын дарга З.Энхболдод өнөөдөр /2015.11.06/ УИХ-ын гишүүн, Засгийн газрын гишүүн, Хүн амын хөгжил, нийгмийн хамгааллын сайд С.Эрдэнэ “Хөгжлийн бэрхшээлтэй хүний эрхийн тухай” хуулийн төслийг өргөн барив.
2006 онд НҮБ-ын Ерөнхий Ассемблейн 61 дүгээр чуулганаар Хөгжлийн бэрхшээлтэй хүмүүсийн эрхийн тухай конвенц, түүний нэмэлт протоколыг баталсан бөгөөд уг протоколд Монгол Улс нэгдэн орсныг Улсын Их Хурал 2008 онд соёрхон баталсан байна. Мөн Ази, Номхон далайн бүсийн эдийн засаг, нийгмийн комиссын гишүүн орнуудын 2013-2022 онд хэрэгжүүлэх “Бүс нутгийн хөгжлийн бэрхшээлтэй хүмүүсийн эрхийг бодит болгоё” Инчеоны стратегийг Монгол Улс 2014 онд хүлээн авсан. Монгол Улс НҮБ-ын өмнө хүлээсэн үүргээ биелүүлэх зорилгоор Засгийн газрын 2012-2016 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөө болон Засгийн газрын 2013 оны 281 дүгээр тогтоолоор баталсан “Хөгжлийн бэрхшээлтэй хүмүүсийн эрхийн тухай НҮБ-ын конвенцийг хэрэгжүүлэх арга хэмжээний төлөвлөгөө”-нд хөгжлийн бэрхшээлтэй иргэний тухай хуулийн төслийг боловсруулж, Улсын Их Хуралд өргөн мэдүүлэхээр тус тус заасан болно.
Одоо хүчин төгөлдөр үйлчилж байгаа Хөгжлийн бэрхшээлтэй хүний нийгмийн хамгааллын тухай хуулиар хөгжлийн бэрхшээлтэй хүн төрийн тусламж, дэмжлэг болон эмнэлэг, нийгмийн халамжийн үйлчилгээг хүртэх харилцааг голчлон зохицуулж байгааг өөрчилж, хүнийг хөгжлийн бэрхшээлээс нь шалтгаалан аливаа хэлбэрээр ялгаварлан гадуурхалд өртөхөөс хамгаалах, хориглох, нийгмийн харилцаанд бусдын адил тэгш эрхтэй оролцох боломжийг хангах зохицуулалтыг уг хуулийн төсөлд тусгахдаа НҮБ-ын Хөгжлийн бэрхшээлтэй хүмүүсийн эрхийн тухай конвенцийн хүний эрхэд чиглэсэн зохицуулалтыг үндэс суурь болгожээ. Хөгжлийн бэрхшээлтэй хүний эрхийн тухай хуулийн төсөлд хөгжлийн бэрхшээлтэй хүмүүст нэн тэргүүнд тулгамдаж байгаа асуудал буюу нийтийн тээвэр, зам, орон сууц, олон нийтийн барилга байгууламж нь хөгжлийн бэрхшээлтэй хүнд хүртээмжгүй, тэдний хэрэгцээ, шаардлагыг хангахгүй байгаа асуудлыг зохицуулах зорилгоор хөгжлийн бэрхшээлтэй хүний ажиллаж, амьдрах орчин, нөхцөлийг сайжруулах арга хэмжээг хуулийн төсөлд хуульчилан заасан болохыг хууль санаачлагч хэлж байв хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2015 оны 11 сарын 06
УИХ-ын гишүүн Х.Болорчулуун өнөөдөр Органик бүтээгдэхүүн үйлдвэрлэлийн “Халх гол” хөдөө аж ахуйн бүс байгуулах тухай тогтоолын төслийг УИХ-ын дарга З. Энхболдод өргөн барив.
Х.Болорчулуун гишүүн, “Энэ оны 7 дугаар сарын 9-нд “Халх гол” чөлөөт бүсийн тухай 75 дугаар тогтоолыг УИХ-аар баталсан. Халх гол нь хөрс, цаг уур, газар шорооны хувьд хөдөө аж ахуй хөгжүүлэхэд тохирсон бүс нутаг. Тиймээс энгийн чөлөөт бүс органик цэвэр үйлдвэрлэлийн хөдөө аж ахуйн бүс болгон хөгжүүлэх хэрэгтэй хэмээн үзэж тогтоолын төслийг боловсруулсан. Олон улсад органик цэвэр үйлдвэрлэлийн чөлөөт бүс нутаг байгуулахдаа малын шүлхий, гоц халдварт өвчин тархахгүй байх нөхцлийг бүрдүүлсэн бүс нутгийг сонгодог. Үүнээс гадна хөдөө аж ахуйн таримал ургамал нь генийн өөрчлөлтгүй, хөрсний бохирдолгүй, химийн бохирдолгүй байх нь чухал. Одоогоор 90 орон органик үйлдвэрлэлийн хөдөө аж ахуйн бүс хөгжүүлж байна. Эдгээр орноос туршлага судлаад өөрийн орондоо органик үйлдвэрлэлийн бүс байгуулах бүрэн боломж бий” гэлээ.
-
2015 оны 11 сарын 06
С.Баярцогт хуулийн төслүүд өргөн барилаа
-
2015 оны 11 сарын 06
Монгол Улсын Их Хурлын сонгуулийн тухай хуульд өөрчлөлт оруулах тухай хуулийн төслийг өргөн барилаа
Монгол Улсын Их Хурлын дарга Зандаахүүгийн Энхболдод Улсын Их Хурлын гишүүн Су.Батболд нарын гишүүд Монгол Улсын Их Хурлын сонгуулийн тухай хуульд өөрчлөлт оруулах тухай хуулийн төслийг өнөөдөр /2015.11.06/ өргөн барилаа.
Монгол Улсын Их Хурлын сонгуулийн тухай хуульд өөрчлөлт оруулах тухай хуулийн төслөөр уг хуулийн 26 дугаар зүйлийн 26.6 дахь хэсгийн “Улс төрийн албан хаагчаас бусад” гэснийг Төрийн жинхэнэ албан хаагч болон төрийн үйлчилгээний албаны удирдах албан тушаалтан гэж өөрчилжээ.
Энэхүү хуулийн төсөл батлагдсанаар Монгол Улсын Их Хурлын сонгуульд оролцогчдын эрх тэгш байдал хангагдаж, эрх зүйн орчин боловсронгуй болж, хуулийн чанар сайжрахаас гадна хууль хоорондын уялдаа хангагдаж хэрэгжилтийг нэг мөр хангах нөхцөл бүрдэнэ гэж үзжээ хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
-
2015 оны 11 сарын 06
Засгийн газар ээлжит бусаар хуралдав
-
2015 оны 11 сарын 06
ДЭД САЙД НАР АЖЛАА ӨГЧ ДУУСАВ. УИХ-аас Засгийн газраасдэд сайдын албыг цомхотгохшийдвэрийг өнгврсен долоохоногт гаргасан. Иймд Засгийнгазраас энэ долоо хоногтбагтаан ажлаа хүлээлгэж өгөхчиглэлийг чиглэл, чиглэлийнх ньяамдад өгсөн. Тиймээсөчигдрийн байдлаар бүх яамдын дэд сайдууд ажлаа хүлээлгэжөгсөн бвгеөд тэдний олонхийнхнь хувьд УИХ-ын 2016 онысонгуульд оролцох хувийнбэлтгэлээ базаахаар шийдсзнгэнэ шүү.
-
2015 оны 11 сарын 06
УИХ-ын чуулганын нэгдсэн хуралдаан өнөөдөр 14.00 цагт товлогдсон. Чуулганы үдээс хойшхи хуралдаанд Монгол улсын Ерөнхий сайд Ч.Сайханбилэг мэдээлэл хийнэ. Тэрээр УИХ-ын гишүүн С.Бямбацогтоос ирүүлсэн саналын дагуу Шилэн дансны хуулийн хэрэгжилтийн талаар гишүүдэд мэдээлэл өгөх юм байна. Мөн Үндэсний аудитын газраас Шилэн дансны хуулийн хэрэгжилтэд аудит хийсэн дүнгийн талаар ч танилцуулах аж.
-
2015 оны 11 сарын 06
НЭГ.БАЙНГЫН ХОРООНЫ ХУРАЛДААН:
11 дүгээр сарын 06-ны Баасан гарагт:
1.Төсвийн байнгын хорооны хуралдаан 09.00 цагаас “А” танхимд:
Хэлэлцэх асуудал:
Монгол Улсын 2016 оны төсвийн тухай, Нийгмийн даатгалын сангийн 2016 оны төсвийн тухай, Хүний хөгжил сангийн 2016 оны төсвийн тухай хуулийн төслийн хамт өргөн мэдүүлсэн хуулийн төслүүд /Засгийн газар 2015.10.01-ний өдөр өргөн мэдүүлсэн, анхны хэлэлцүүлэг/;
Монгол Улсын нэгдсэн төсвийн 2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуулийн төсөл/Засгийн газар 2015.10.01-ний өдөр өргөн мэдүүлсэн, анхны хэлэлцүүлэг/;
Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүд /Засгийн газар 2015.10.01-ний өдөр өргөн мэдүүлсэн, хоёр дахь хэлэлцүүлэг/.
ХОЁР.ЧУУЛГАНЫ НЭГДСЭН ХУРАЛДААН:
14.00 цагаас:
Монгол Улсын Ерөнхий сайдын мэдээлэл: Шилэн дансны тухай хуулийн хэрэгжилтийн талаар;
“Төрөөс мөнгөний бодлогын талаар 2016 онд баримтлах үндсэн чиглэл батлах тухай” Улсын Их Хурлын тогтоолын төсөл /Монгол банк 2015.09.30-ны өдөр өргөн мэдүүлсэн, анхны хэлэлцүүлэг/;
Монгол Улсын 2016 оны төсвийн тухай, Нийгмийн даатгалын сангийн 2016 оны төсвийн тухай, Хүний хөгжил сангийн 2016 оны төсвийн тухай хуулийн төслийн хамт өргөн мэдүүлсэн хуулийн төслүүд /Засгийн газар 2015.10.01-ний өдөр өргөн мэдүүлсэн, анхны хэлэлцүүлэг/;
Монгол Улсын нэгдсэн төсвийн 2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуулийн төсөл хуулийн төсөл /Засгийн газар 2015.10.01-ний өдөр өргөн мэдүүлсэн, анхны хэлэлцүүлэг/;
Монгол Улсын 2016 оны төсвийн тухай, Хүний хөгжил сангийн 2016 оны төсвийн тухай, Нийгмийн даатгалын сангийн 2016 оны төсвийн тухай хуулийн төслүүд /Засгийн газар 2015.10.01-ний өдөр өргөн мэдүүлсэн, хоёр дахь хэлэлцүүлэг/;
Монгол Улсын Засгийн газар, Азийн хөгжлийн банк хооронд байгуулах “Нийгмийн халамжийг дэмжих хөтөлбөр”-ийн зээлийн хэлэлцээрийг соёрхон батлах тухай хуулийн төсөл /Засгийн газар 2015.10.30-ны өдөр өргөн мэдүүлсэн, соёрхон батлах/;
Монгол Улсын Засгийн газар, Азийн хөгжлийн банк хооронд байгуулах “Хөдөө аж ахуй, хөдөөгийн хөгжил төслийн нэмэлт санхүүжилт”-ийн зээлийн хэлэлцээрүүдийг соёрхон батлах тухай хуулийн төсөл /Засгийн газар 2015.10.30-ны өдөр өргөн мэдүүлсэн, соёрхон батлах/;
“Төрөөс хүнс, хөдөө аж ахуйн талаар баримтлах бодлого батлах тухай” Улсын Их Хурлын тогтоолын төсөл /Засгийн газар 2015.06.10-ны өдөр өргөн мэдүүлсэн, анхны хэлэлцүүлэг/.
-
2015 оны 11 сарын 06
Эрүүл мэнд, спортын сайд, МАХН-ын Ерөнхий нарийн бичгийн дарга Г.Шийлэгдамбыг лхагва гаригийн орой авлигын хэргээр баривчилсан талаар манай сайт цаг алдалгүй мэдээлсэн. АТГ-ын 30 гаруй байцаагч түүний өрөөнд нэгжлэг хийж, гүйцэтгэх ажиллагаа явуулсан талаар МАХН-ынхан онцлоод байгаа. Түүнийг урьдчилан хорих 461 дүгээр ангид саатуулаад байгаа бөгөөд хамт байцаагдсан нэр бүхий таван иргэнийг одоогоор гадуур байцааж байгаа юм.
-
2015 оны 11 сарын 05
Улсын Их Хурлын Байгаль орчин, хүнс, хөдөө аж ахуйн байнгын хорооны өнөөдрийн /2015.11.05. Пүрэв гараг/ хуралдаан 10 цаг 29 минутад гишүүдийн 52.6 хувийн ирцтэй эхлэв. Байнгын хорооны энэ өдрийн хуралдаанаар дөрвөн асуудал хэлэлцэхээр төлөвлөжээ.
-
2015 оны 11 сарын 05
АСЕМ-ЫН ГАДААД ХЭРГИЙН САЙД НАРЫН УУЛЗАЛТАД ОРОЛЦОЖ БАЙНА PDF Хэвлэх И-мэйл
2015 оны 11-р сарын 05, Пүрэв гариг, 13:56
Ази, Европын уулзалт (АСЕМ)-ын Гадаад хэргийн сайд нарын 12 дугаар уулзалт Люксембургийн Их Гүнт Улсад 11 дүгээр сарын 5-ны өдөр эхэллээ. “АСЕМ: Тогтвортой, аюулгүй ирээдүйн төлөө хамтын ажиллагаа” сэдвийн дор хоёр өдөр үргэлжлэх энэхүү хуралдаанд Гадаад хэргийн сайд Л. Пүрэвсүрэн тэргүүтэй төлөөлөгчид оролцож байна.
ОХУ, БНХАУ, БНФУ, БНСУ, ХБНГУ, БНЭУ, Европын Холбоо, АСЕАН зэрэг Ази, Европын гишүүн нийт 53 орноос Гадаад хэргийн сайд, дэд сайд, Төрийн нарийн бичгийн даргын түвшинд тус хуралдаанд оролцож байгаа нь энэхүү арга хэмжээний ач холбогдлыг харуулж байна. Ирэх онд АСЕМ-ын Дээд түвшний 11 дүгээр уулзалтыг эх орондоо хүлээн авах манай улс арга хэмжээний гол зочдын нэг болж байгаа юм.
Гадаад хэргийн сайд Л. Пүрэвсүрэн Люксембургийн Их Гүнт Улсад 11 дүгээр сарын 04-ний өдөр хүрэлцэн ирж, Европын Комиссын Гадаад хэрэг аюулгүй байдал хариуцсан дээд төлөөлөгч Ф.Могерини, Европын хөрөнгө оруулалтын банкны захирал Б. Хойер нартай тус тус уулзав. Мөн тэрээр Ази, Европын сангаас зохион байгуулж буй Залуу удирдагчдын уулзалтад оролцсон төлөөлөгчидтэй уулзав.
Сайд Л.Пүрэвсүрэн өнөөдөр Уур амьсгалын өөрчлөлт, байгалийн гамшгийн эрсдлийг бууруулах менежмент ба тогтвортой хөгжлийн 2030 он хүртэлх хөтөлбөр, Ази, Европын Холбоо ба АСЕМ-ын ирээдүй зэрэг хуралдаанд оролцож үг хэлэхээс гадна хоёр талын уулзалтууд хийнэ.
Хуралдааны хоёр дахь өдөр манай улс өөрийн үндэсний урлаг, өв соёлыг нийт зочид, төлөөлөгчдөд сурталчлах Монголын соёлын арга хэмжээг зохион байгуулах юм.
АСЕМ нь Ази, Европын орнуудын хамтын ажиллагааг харилцан хүндэтгэх, эрх тэгш хамтран ажиллах зарчмын үндсэн дээр өргөжүүлэн хөгжүүлэх зорилготой шийдвэр гаргагч, бодлого боловсруулагч, судлаач эрдэмтэд, иргэний нийгэм, бизнес эрхлэгчдийн сонирхсон асуудлаар санал солилцож, үзэл бодлоо илэрхийлэх чөлөөт индэр нь болдог юм.
-
2015 оны 11 сарын 05
Л. ПҮРЭВСҮРЭН САЙД АСЕМ-ЫН ГАДААД ХЭРГИЙН САЙД НАРЫН УУЛЗАЛТАД ОРОЛЦОЖ БАЙНА
-
2015 оны 11 сарын 05
“Сайдын цаг” уулзалтад Шадар сайд Ц.Оюунбаатар оролцлоо
1 цаг 10 минутын өмнө
Print Zasag and PDF
Засгийн газрын 2015 оны 292 дугаар тогтоолоор аймаг, нийслэл, сум, дүүргийн өвс, тэжээлийн аюулгүйн нөөцөд 29.4 мянган тонн өвс, 11.1 мянган тонн тэжээл бэлтгэх үүрэг даалгавар өгсөн. Говьсүмбэр, Дархан-Уул, Орхон, Өмнөговь, Дорноговь, Хэнтий аймгууд хадлан, тэжээлийн нөөцөө сайн бэлтгэсэн дүнтэй байна гэж Шадар сайд Ц.Оюунбаатар “Сайдын цаг” уулзалтад оролцохдоо хэллээ. Бэлчээрийн даац олон дахин хэтэрсэн Увс, Баян-Өлгий, Архангай, Өвөрхангай, Булган, Баянхонгор, Ховд, Говь-Алтай, Хөвсгөл, Төв, Хэнтий аймгийн зарим сумын 15 мянган өрхийн 3.5 сая малыг сум болон аймаг дундын отрын бүс нутаг, хилийн зурвас, байгалийн тусгай хамгаалалттай бүс нутгуудад өвөлжүүлэхээр гэрээ хийжээ.
Монгол Улсын эрчим хүчний нэгдсэн системийн найдвартай ажиллагааг хангах, 2015-2016 оны өвлийн их ачааллыг хүндрэлгүй давах, өвлийн бэлтгэл ажлыг төлөвлөсөн хугацаанд хийж дуусгах, ажлын явцад хяналт тавих, шаардлагатай тохиолдолд гарсан хүндрэлийг шуурхай зохицуулах, мэдээллээр хангах үүрэг бүхий ажлын хэсгийг Эрчим хүчний сайдын тушаалаар томилон ажиллуулж компаниудын өвлийн бэлтгэл, их болон урсгал засварын ажлуудад хяналт тавин ажиллаж байна.
Эрчим хүчний салбарын өвлийн бэлтгэл хангах ажлын хүрээнд 1700 орчим нэр төрлийн ажил хийхээр төлөвлөснөөс 93 хувийн гүйцэтгэлтэй байна.
Ус, цаг уур, орчны шинжилгээний газраас гаргасан цаг агаарын урьдчилсан мэдээгээр 11 дүгээр сард Алтай, Хангайн нуруугаар, 12 дугаар сард ихэнх нутгаар олон жилийн дунджаас их хэмжээний цас орох төлөвтэй байна. Иймд улсын чанартай авто замын бэлэн байдлыг хангахад онцгой анхаарах шаардлагатай. Хот хоорондын нийтийн тээврийн хэрэгслийн бэлэн байдлыг хангах, онцгой үед ажиллах шуурхай хэсэг, нөөцийн болон хяналтын цэгийг тодорхой зайны хуваарилалтайгаар бий болгох хэрэгцээ үүсч болзошгүй байна гэж Шадар сайд хэллээ.
Их цас, цасан шуурганы улмаас зам, даваа хаагдаж иргэдэд эрүүл мэндийн болон нийгмийн халамж үйлчилгээ үзүүлэх, малын бэлчээр гаргах, эрэн хайх, аврах ажиллагаа зохион байгуулах, шаардлагатай тохиолдолд нүүлгэн шилжүүлэх зэрэгт туулах чадвар сайтай техник хэрэгсэл, бензин шатахууны хангалтад хүндрэл гардаг. Аймаг, нийслэлийн Эрүүл мэндийн газар, Бүсийн оношилгоо, эмчилгээний төв өвөлжилтийн бэлэн байдлыг хангах, эрүүл мэндийн тусламж, үйлчилгээнд гарах хүндрэлээс сэргийлэх зорилгоорзудын гамшигт өртөж болзошгүй бага насны хүүхэд, хөгжлийн бэрхшээлтэй болон өндөр настан иргэд, отроор явах малчдын судалгааг гарган, яаралтай тусламжийн үйлчилгээ үзүүлдэг эмч, сувилагч, жолооч нарыг дулаан хувцас, хэрэгслээр хангах, шаардлагатай эм, эмнэлгийн хэрэгсэл, ороох боох материалын нөхөн хангалтыг бүрдүүлэх ажлыг хийж байна гэлээ гэж Засгийн газрын Хэвлэл мэдээлэл, олон нийттэй харилцах албанаас мэдээллээ
