-
2015 оны 6 сарын 16
Байнгын хороодын өнөөдрийн хуралдааны хуваарь /2015.06.16/
БАЙНГЫН ХОРООНЫ ХУРАЛДААН:
06 дугаар сарын 16-ны Мягмар гарагт:
1.Төрийн байгуулалтын болон Эдийн засгийн байнгын хорооны хамтарсан хуралдаан 09.00 цагаас “А” танхимд:
Хэлэлцэх асуудал:
Хөгжлийн бодлого төлөвлөлтийн тухай болон холбогдох бусад хуулийн төслүүд / Засгийн газар 2014.10.01-ний өдөр өргөн мэдүүлсэн, анхны хэлэлцүүлэг/.
2.Эдийн засгийн байнгын хорооны хуралдаан “А” танхимд үргэлжилнэ:
Хэлэлцэх асуудал:
“Төрийн өмчийг 2015-2016 онд хувьчлах, өөрчлөн байгуулах үндсэн чиглэл батлах тухай” Монгол Улсын Их Хурлын тогтоолын төсөл /Засгийн газар 2015.02.05-ны өдөр өргөн мэдүүлсэн, анхны хэлэлцүүлэг/;
“Таван толгойн нүүрсний ордыг хөгжүүлэх талаар авах арга хэмжээний тухай” Улсын Их Хурлын тогтоолын төсөл /Засгийн газар 2015.04.23-ны өдөр өргөн мэдүүлсэн, хэлэлцэх эсэх/;
“Гацууртын ордын эзэмшлийн хувь хэмжээг тогтоох тухай” Улсын Их Хурлын тогтоолын төсөл /Засгийн газар 2015.06.05-ны өдөр өргөн мэдүүлсэн, нэн яаралтай хэлэлцэх дэгээр, хэлэлцэх эсэх/;
“Төрөөс аж үйлдвэрийн талаар баримтлах бодлого батлах тухай” Улсын Их Хурлын тогтоолын төсөл /Засгийн газар 2015.02.06-ны өдөр өргөн мэдүүлсэн, эцсийн хэлэлцүүлэг/;
“Төрөөс эрчим хүчний талаар баримтлах бодлого батлах тухай” Улсын Их Хурлын тогтоолын төсөл /Засгийн газар 2015.05.11-ний өдөр өргөн мэдүүлсэн, эцсийн хэлэлцүүлэг/;
Эрчим хүчний тухай тухай хуульд нэмэлт, өөрчлөлт оруулах тухай болон холбогдох бусад хуулийн төслүүд /Улсын Их Хурлын гишүүн А.Тлейхан нарын 6 гишүүн 2015.05.21-ний өдөр өргөн мэдүүлсэн, эцсийн хэлэлцүүлэг/;
Сэргээгдэх эрчим хүчний тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн А.Тлейхан нарын 6 гишүүн 2015.05.21-ний өдөр өргөн мэдүүлсэн, эцсийн хэлэлцүүлэг/;
Хотыг дахин хөгжүүлэх тухай болон холбогдох бусад хуулийн төслүүд /Засгийн газар 2013.12.05-ны өдөр өргөн мэдүүлсэн, анхны хэлэлцүүлэг/;
Үйлдвэрлэлийг дэмжих тухай болон холбогдох бусад хуулийн төслүүд /Засгийн газар 2015.06.03-ны өдөр өргөн мэдүүлсэн, хэлэлцэх эсэх/.
3.Хууль зүйн байнгын хорооны хуралдаан 09.00 цагаас “Б” танхимд:
Хэлэлцэх асуудал:
Шүүх байгуулах тухай /шинэчилсэн найруулга/, Монгол Улсын Шүүхийн тухай хуульд нэмэлт, өөрчлөлт оруулах тухай, Шүүх байгуулах тухай хуулийг хүчингүй болсонд тооцох тухай хуулийн төслүүд, Шүүгчийн орон тоо батлах тухай Монгол Улсын Их Хурлын тогтоолын төсөл /Монгол Улсын Ерөнхийлөгч 2015.05.18-ны өдөр өргөн мэдүүлсэн, анхны хэлэлцүүлэг/;
“Ялтан шилжүүлэх тухай Монгол Улс, Бүгд Найрамдах Казахстан Улс хоорондын гэрээ”-ний төсөл /Засгийн газар 2015.06.11-ний өдөр өргөн мэдүүлсэн, зөвшилцөх, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ/;
Захиргааны ерөнхий хууль болон холбогдох бусад хуулийн төслүүд /Монгол Улсын Ерөнхийлөгч 2015.02.06-ны өдөр өргөн мэдүүлсэн, эцсийн хэлэлцүүлэг/;
Үндсэн хуулийн цэцийн тухай /шинэчилсэн найруулга/ хуулийн төсөл /Монгол Улсын Ерөнхийлөгч 2015.06.10-ны өдөр өргөн мэдүүлсэн, хэлэлцэх эсэх/;
Үндсэн хуулийн цэцэд маргаан хянан шийдвэрлэх ажиллагааны тухай /шинэчилсэн найруулга/ болон холбогдох бусад хуулийн төслүүд /Монгол Улсын Ерөнхийлөгч 2015.06.10-ны өдөр өргөн мэдүүлсэн, хэлэлцэх эсэх/;
Эрүүгийн байцаан шийтгэх хуульд нэмэлт, өөрчлөлт оруулах тухай болон холбогдох бусад хуулийн төслүүд /Улсын Их Хурлын гишүүн Н.Алтанхуяг 2015.06.04-ний өдөр өргөн мэдүүлсэн, хэлэлцэх эсэх/;
Галт зэвсгийн тухай /шинэчилсэн найруулга/ болон холбогдох бусад хуулийн төслүүд /Улсын Их Хурлын гишүүн Х.Тэмүүжин нарын 11 гишүүн 2015.06.05-ны өдөр өргөн мэдүүлсэн, хэлэлцэх эсэх/;
Эрүүгийн хууль болон холбогдох бусад хуулийн төслүүд /Засгийн газар 2015.02.05-ны өдөр өргөн мэдүүлсэн, анхны хэлэлцүүлэг/;
Зөрчлийн тухай болон холбогдох бусад хуулийн төслүүд /Засгийн газар 2015.02.05-ны өдөр өргөн мэдүүлсэн, анхны хэлэлцүүлэг/;
Бусад.
4.Төсвийн байнгын хорооны хуралдаан 14.00 цагаас “В” танхимд:
Хэлэлцэх асуудал:
Ирээдүйн өв сангийн тухай болон холбогдох бусад хуулийн төслүүд /Монгол Улсын Ерөнхийлөгч 2015.06.12-ны өдөр өргөн мэдүүлсэн, хэлэлцэх эсэх/;
Засгийн газрын тусгай сангийн тухай хуульд өөрчлөлт оруулах тухай хуулийн төсөл /Засгийн газар 2015.05.28-ний өдөр өргөн мэдүүлсэн, эцсийн хэлэлцүүлэг/;
Нягтлан бодох бүртгэлийн тухай /шинэчилсэн найруулга/ хуулийн төсөл /Засгийн газар 2015.04.30-ны өдөр өргөн мэдүүлсэн,эцсийн хэлэлцүүлэг/;
Аудитын тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.04.30-ны өдөр өргөн мэдүүлсэн, эцсийн хэлэлцүүлэг/;
Нийслэл хотын албан татварын тухай хуулийн төсөл /Засгийн газар 2014.12.30-ны өдөр өргөн мэдүүлсэн, эцсийн хэлэлцүүлэг/.
5.Нийгмийн бодлого, боловсрол, соёл, шинжлэх ухааны байнгын хорооны хуралдаан 14.00 цагаас “Г” танхимд:
Хэлэлцэх асуудал:
Хүүхэд харах үйлчилгээний тухай болон холбогдох бусад хуулийн төслүүд /Монгол Улсын Ерөнхийлөгч 2014.10.31-ний өдөр өргөн мэдүүлсэн, анхны хэлэлцүүлэг/;
Нийгмийн даатгалын тухай хуульд нэмэлт, өөрчлөлт оруулах тухай хуулийн төсөл /Засгийн газар 2015.06.10-ны өдөр өргөн мэдүүлсэн, хэлэлцэх эсэх/;
Хөгжлийн бэрхшээлтэй иргэний нийгмийн хамгааллын тухай хуульд нэмэлт, өөрчлөлт оруулах тухай хуулийн хэрэгжилтийн талаар мэдээлэл сонсох;
Бусад.
6.Мянганы хөгжлийн зорилтууд болон ядуурлыг бууруулах асуудлын дэд хороо Нийгмийн бодлого, боловсрол, соёл, шинжлэх ухааны байнгын хорооны хуралдааны дараа “Г” танхимд:
Хэлэлцэх асуудал:
Хөгжлийн бодлого төлөвлөлтийн тухай хуулийн төслийн талаарх танилцуулга хийнэ.
-
2015 оны 6 сарын 16
Гэхдээ утгаар нь хэлэлцэж чадах уу, үгүй юу гэдэг нь эргэлзээ төрүүлж эхэллээ. Олны таамаглаж буйгаар өнөөдрийн хуралдаан эхэлдгээрээ эхлэх ч ажлын хэсгийн дүгнэлт гараагүй гэдэг шалтгаанаар хойшилж мэдэхээр байна. Л.Эрдэнэчимэг гишүүний байр суурь ч сонин.
-
2015 оны 6 сарын 15
Хууль зүйн байнгын хорооны ажлын хэсэг хуралдлаа
-
2015 оны 6 сарын 15
Ерөнхий сайдын айлчлалын үр дүнг хэлэлцэнэ
-
2015 оны 6 сарын 15
Ш.Түвдэндорж: МАН хамтарсан шиг хамтар
-
2015 оны 6 сарын 15
Үндсэн хуулийн өөрчлөлтийг бүх нийтийн саналаар батлах нь зүйтэй гэв
МАХН, МҮАН “Шударга ёс” эвслийн бүлэг хуралдаж хуралдаанаар хэлэлцсэн асуудлуудын талаар бүлгийн дарга Н.Батцэрэг, дэд дарга З.Баянсэлэнгэ нар мэдээлэл хийлээ. Бүлгийн хуралдаанаар Үндсэн хуулийн цэцийн тухай хуулийн төсөл, Үндсэн хуулийн маргаан хянан шийдвэрлэх ажиллагааны болон холбогдох бусад хуулийн төслүүдийг хэлэлцэхээр төлөвлөсөн байсан ч түр хойшлуулсан байна. Учир нь Ерөнхийлөгчийн зөвлөх Ч.Өнөрбаярыг бүлгийн хуралд урьсан ч ирж амжаагүй учраас энэ удаад хойшлуулсан гэлээ. “Төсөл санаачлагчид өөрсдөө их санаачлагтай байх, хуулиа өргөн барьчихаад орхичихоор их төвөгтэй. Бид дэмжье гэсэн. Асууж тодруулах зүйл байсан учраас урьж дуудсан харамсалтай нь ирсэнгүй” гэлээ.
Мөн УИХ-ын гишүүн Н.Алтанхуягийн өргөн барьсан Эрүүгийн байцаан шийтгэх тухай хуульд нэмэлт өөрчлөлт оруулах болон холбогдох бусад хуулийн төслүүдийг хэлэлцсэн байна. Уг хууль нь хуучин Улсын ерөнхий прокурорын дэргэд байсан Мөрдөн байцаах албыг Авлигатай тэмцэх газар руу шилжүүлсэн нь бодлогын алдаа байсан гэж үзсэн байна. АТГ дээр байгаа албан тушаалын гэмт хэргийг шалгах үйл ажиллагааг явуулж байгаа энэ бүтцийг буцаагаад Улсын Ерөнхий прокурорын дэргэд сэргээн байгуулах нь зүйтэй гэж хууль санаачлагч үзсэн байна.
Бүлгийн дарга Н.Батцэрэг “Бид ярилцаад энэ хуулийн төсөл амьдралаас урган гарсан ийм зүйл байна. Энэ хуулийн төслийг дэмжих нь зүйтэй гэж үзлээ. АТГ бол хээл хахуультай холбоотой асуудлаараа, соён гэгээрүүлэх асуудлаараа, албан тушаалтнуудын хөрөнгө орлогын мэдүүлгийг үнэн зөв бүрдүүлж байх чиг үүргээ хэрэгжүүлээд байх бүрэн бололцоотой” гэв.
Мөн Урт хугацааны хөгжлийн бодлогын баримт бичгийг боловсруулж байгаа ажлын явцын талаар мэдээлэл сонссон байна. Монгол Улсын урт хугацааны 25 жилийн алсын хараатай хөгжлийн бодлогыг боловсруулж эхний баримт бичгийн төслийг ажлын хэсэг гаргасан байгаа. УИХ-ын даргын захирамжаар хоёр дахь үе шатны ажил эхэлж байна. намрын чуулганаар энэ баримт бичгийг батлах нь зүйтэй гэж үзэж байгаа аж.
Тэрбээр мөн “Сонгуулийн хууль, Үндсэн хуулийн нэмэлт гэсэн хүрээнд бүлгийн хуралдаанаар хэлэлцсэн. Үндсэн хуулийн нэмэлт дээр одоо явж байгаа төслийг дэмжих нь зүйтэй гэж үзэж байгаа. Батлахын тухайд бүх нийтийн санал асуулга явуулаад батлах нь илүү удаан хугацаанд тогтвортой сайн мөрдөж чадах Үндсэн хууль болно гэж бодож байна. Тиймээс ард түмнээр хэлэлцүүлэх асуудлыг ярилцах ёстой” гэв.
Сонгуулийн хуулийн хувьд УИХ-ын сонгуульд нэр дэвших 76 нэр дэвшигчийг нэг саналын хуудсан дээр бичээд улсаа нэг тойрог болгоод сонгогч нэр дэвшигчийн өмнөх дугаарыг дугуйлах замаар сонгууль явуулья гэж үзэж байсан. Гэхдээ бидний гаргасан энэ санал ажлын хэсэг дээр олонхийн санал авалгүй унасан. Бидний хоёр дахь санал бол УИХ-ын 76 гишүүнийг 38-ийг нь мажоритор тойргоор 38-ийг нь намын жагсаалтаар гаргаж ирж болох юм. Гэхдээ намын жагсаалтад бичигдсэн нэр дэвшигчдийг бас ард түмэн өөрсдөө дугуйлдаг байхаар зохион байгуулах нь зүйтэй. Зөвхөн намын хаалттай жагсаалтаар нам, эвслийн удирдлагын хүрээнд хүмүүсээ нэр дэвшүүлэд СЕХ-нд хүргүүлснээр өндөрлөдөг одоогийн энэ зохицуулалтаар биш заавал олон түмэн рүү нэр дэвшигч өөрөө очиж өөрийнхөө дэмжлэгийг авч чаддаг ийм хувилбар дээр зогсох ёстой шүү. Аль болохоор сонгууль зардал багатай байх, нэр дэвшигчид болон нам эвслүүдийн хооронд сонгуулийн компанит ажлаа зохион байгуулах, тэгш нөхцлийг хангах талаар хуулийн сайн зохицуулалт хэрэгтэй. Сурталчилгааны материал тараах нөхцлүүд дэр адил тэгш нөхцлийг хангах ёстой гэдгийг бүлгийн дарга Н.Батцэрэг хэлэв.
-
2015 оны 6 сарын 15
МАН-ын бүлэг ХАХНХ-ын сайдыг огцруулах асуудал хөндөнө гэв
-
2015 оны 6 сарын 15
Харин УИХ-ын гишүүн С.Ганцаатар, “2013 онд Бие даагчдын зөвлөлөөс Хүүхэд харах үйлчилгээний тухай хуулийн төслийг өргөн барьсан. Мөн Ерөнхийлөгч энэхүү хуулийн төсөлтэй ижил хувилбарыг өргөн мэдүүлсэн. Энэхүү хуулийг батлахын тулд хичээнгүйлэн ажиллах болно.
Чуулганаар Тавантолгойн нүүрсний ордыг хөгжүүлэх тухай УИХ-ын тогтоолын төслийг хэлэлцэнэ. Энэхүү тогтоолын төслийн ажлын хэсэгт миний бие ажиллаж байгаа. Засгийн газар хэсгийн шаардсан долоон баримт бичгийг гаргаж өгөхгүй байна. Тухайлбал, Энержи Ресурс болон Шиньхуа компани хоорондын Хамтарсан компани байгуулах тухай гэрээ, Засгийн газар, Сумитомо хоорондын Худалдааны компани байгуулах гэрээ, Энерж Ресурс болон Эрдэнэс Тавантолгой компани хоорондын эрх үүрэг шилжүүлэх гэрээ зэргийг нэрлэж болно. Гэхдээ Ажлын хэсгээс тогтоолын төслийг гацаахгүйн тулд бидэнд ирүүлсэн материал дээр нь дүгнэлт гаргаад чуулганаар хэлэлцэх болсон. Тогтоолын төслийг чуулганаар хэлэлцэх үед дээрх долоон баримт бичгийг гаргаж өгнө гэдэгт итгэж байгаа” гэв.
-
2015 оны 6 сарын 15
Халх гол чөлөөт бүсийг био хүнсний чиглэлээр байгуулах хэрэгтэй гэв
Даваа, 6 сарын 15 2015
Бичсэн Ч.Ариунболд
Хэвлэх
Email
Халх гол чөлөөт бүсийг био хүнсний чиглэлээр байгуулах хэрэгтэй гэв
УИХ дахь Бие даагчдын зөвлөл өнөөдөр хуралдаж, энэ долоо хоногт чуулганы нэгдсэн хуралдаанаар хэлэлцэх хууль, тогтоолын төслүүдэд баримтлах байр сууриа нэгтгэжээ. Энэ талаар тус зөвлөлийн дарга Ц.Даваасүрэн, УИХ-ын гишүүн С.Ганбаатар нар мэдээлэл хийв.
Ерөнхийлөгч Нийтийн сонсголын тухай хуулийн төслийг өргөн барьсан. Онц ноцтой гэмт хэргүүдийг шүүх, прокурорын байгууллага хэрхэн шийдэж байгаа тухай УИХ нээлттэй сонсдог болох нь чухал. Мөнгө угаах, авлига авах гэмт хэргүүдийг хэрхэн шийддэг нь тодорхойгүй байдаг. Улс төрийн өндөр албан тушаалтантай холбоотой хэргүүдийг УИХ дээр нээлттэй сонсож, шийдвэр гаргахад Нийтийн сонсголын тухай хууль чухал үүрэг гүйцэтгэнэ. Тиймээс энэхүү хуулийг дэмжиж байгаа хэмээн тус зөвлөлийн дарга, УИХ-ын гишүүн Ц.Даваасүрэн мэдээллийнхээ эхэнд онцлон тэмдэглэв.
Тэрбээр, Гацууртын ордын төрийн эзэмшлийн хувь тогтоох тухай тогтоолын төслийг УИХ-д өргөн мэдүүлсэн. Үүнийг бид дэмжихгүй. Төр Монголын ард түмний тахилга шүтээнтэй холбоотой газар нутаг руу уул уурхайг оруулахгүй байх ёстой. Гацууртын орд 60 тонн алтны нөөцтэй. Оюутолгой энэ ордоос 30 дахин их буюу 1800 тонн алтны нөөцтэй. Ийм том орд байхад заавал соёлын үнэт өв агуулж буй уулыг ухах шаардлагагүй.
Үндсэн хуулийн цэцийн тухай хуулийн шинэчилсэн найруулгын төслийг Ерөнхийлөгч өргөн барьсан. Энэ хуулийн төслийг маш нухацтай хэлэлцэх хэрэгтэй. Цэц үндсэн хуулийн манаачийн үүргийг гүйцэтгэж чадахгүй байна. Ихэвчлэн улс төрийн захиалгаар ажиллаж байна. Тиймээс энэ байдлыг засах шаардалагтай” гэлээ.
Түүчнлэн, ХХААЯ-наас Төрөөс хүнс, хөдөө аж ахуйн талаар баримтлах бодлогын баримт бичиг болон Халх гол чөлөөт бүс байгуулах тухай асуудлыг УИХ-д өргөн барихаар төлөвлөж байгаа. Энэ маш зөв алхам. Монгол мал, түүнээс гарах бусад бүтээгдэхүүн бол байгалийн гаралтай цэвэр хүнс юм. Чөлөөт бүс дэх стандартын шаардлага хангасан мах 1 кг нь 20 мянган төгрөг байдаг. Тиймээс Халх голын чөлөөт бүсийг био хүнсний чиглэлээр байгуулахыг хүсч байна. Мөн Халх голын нутаг дэвсгэр нь газар тариалан эрхлэхэд хамгийн тохиромжтой бүсэд ордог. Тиймээс зөвхөн мах, сүү төдийгүй газар тариалантай хослуулах боломжтой. Хамгийн гол нь ажил хэрэг болгох нь чухал.
Төрөөс эрчим хүчний талаар баримтлах бодлого болон Сэргээгдэх эрчим хүчний тухай хуулийн төслийг дэмжиж байгаа. Бид ОХУ-аас эрчим хүч авч байна. Хэрэв энэ шугам тасрах юм бол Монгол Улс “харанхуйлна”. Учир нь Монгол Улс эрчим хүчний хэрэглээгээ бүрэн хангах чадвар байхгүй. Тиймээс хараат бус эрчим хүчний системд шилжихэд дээрх хууль, тогтоолын төсөл томоохон үүрэг гүйцэтгэнэ. Одоо байгаа цахилгаан станцууд агаарын бохирдол их үүсгэдэг. Усан болон цахилгаан станц байгуулахад ихээхэн хөрөнгө оруулалт шаарддаг. Гэхдээ үйл ажиллагаагаа явуулж эхэлсэн тохиолдолд эрчим хүчийг хямд үнээр худалдан авах боломжийг бүрдүүлэхээс гадна байгаль орчинд ээлтэй. Монгол Улс усан болон салхин цахилгаан станц байгуулж, сэргээгдэх эрчим хүч үйлдвэрлэх боломж бий” гэлээ.
Харин УИХ-ын гишүүн С.Ганцаатар, “2013 онд Бие даагчдын зөвлөлөөс Хүүхэд харах үйлчилгээний тухай хуулийн төслийг өргөн барьсан. Мөн Ерөнхийлөгч энэхүү хуулийн төсөлтэй ижил хувилбарыг өргөн мэдүүлсэн. Энэхүү хуулийг батлахын тулд хичээнгүйлэн ажиллах болно.
Чуулганаар Тавантолгойн нүүрсний ордыг хөгжүүлэх тухай УИХ-ын тогтоолын төслийг хэлэлцэнэ. Энэхүү тогтоолын төслийн ажлын хэсэгт миний бие ажиллаж байгаа. Засгийн газар хэсгийн шаардсан долоон баримт бичгийг гаргаж өгөхгүй байна. Тухайлбал, Энержи Ресурс болон Шиньхуа компани хоорондын Хамтарсан компани байгуулах тухай гэрээ, Засгийн газар, Сумитомо хоорондын Худалдааны компани байгуулах гэрээ, Энерж Ресурс болон Эрдэнэс Тавантолгой компани хоорондын эрх үүрэг шилжүүлэх гэрээ зэргийг нэрлэж болно. Гэхдээ Ажлын хэсгээс тогтоолын төслийг гацаахгүйн тулд бидэнд ирүүлсэн материал дээр нь дүгнэлт гаргаад чуулганаар хэлэлцэх болсон. Тогтоолын төслийг чуулганаар хэлэлцэх үед дээрх долоон баримт бичгийг гаргаж өгнө гэдэгт итгэж байгаа” гэв.
-
2015 оны 6 сарын 15
Өнөөдөр УИХ дахь нам, эвслийн бүлгийн хуралдаан болно.
-
2015 оны 6 сарын 14
Монгол Улсын Засгийн газрын XXXVI ээлжит хуралдаан ирэх долоо хоногийн даваа гарагт буюу 2015 оны зургаадугаар сарын 15-ны 16.00 цагт Засгийн газрын хуралдааны танхимд болно. Тус хуралдаанаар дараах асуудлуудыг хэлэлцэнэ.
-
2015 оны 6 сарын 14
Нийслэлийн Налайх дүүрэгт хот байгуулж, хотын Захирагчийн сонгох сонгуулийг өнөөдөр зохион байгуулах болсон.
-
2015 оны 6 сарын 13
УИХ-ын шинэ долоо хоногийн үйл ажиллагааны хуваарь гарчээ. Ингээд ирэх долоо хоногт байнгын хороо, чуулганы хуралдаанаар хэлэлцэх асуудлуудтай танилцана уу.
-
2015 оны 6 сарын 13
УИХ дээр гацаад байсан Тавантолгойн гэрээний төслийг ирэх долоо хоногт чуулганы хуралдаанаар хэлэлцэхээр болжээ. Уг төслийг 14 хоногийн дотор яаралтай хэлэлцэж, шийдвэрлэж өгөхийг Ерөнхий сайд бараг 2 сар гаруйн өмнө УИХ-ын дарга З.Энхболдоос хүссэн ч хэлэлцэлгүй өнөөдрийг хүрсэн юм.
Учир нь УИХ-аас Л.Эрдэнэчимэг гишүүнээр ахлуулсан ажлын хэсэг гарч Тавантолгойн гэрээний төслийг УИХ-аар хэлэлцэх, эсэх талаар дүгнэлт гаргахыг хүлээсээр цаг хугацаа алдсан юм. Уг ажлын хэсгийн хувьд Засгийн газрыг уг тогтоолын төслөө буцаан авч сайжруулах хэрэгтэй. Цаашлаад уг төсөл дээр дахин тендер зарлана. Тендерт ялсан компани нь төмөр замын асуудлаа давхар шийдэх ёстой гэсэн дүгнэлтийг гаргасан.
Тэгвэл ямартай ч Тавантолгойн асуудлыг ирэх долоо хоногийн байнгын хороо, чуулганы хуралдааны хэлэлцэх нь тодорхой болсон байна. Тодруулбал, ирэх мягмар гаригийн Эдийн засгийн байнгын хороогоор уг тогтоолын төслийн хэлэлцэх эсэхийг хэлэлцэх аж. Мөн пүрэв гаригийн чуулганы хуралдааны хэлэлцэх асуудлын хоёрт тус асуудлыг эрэмбэлэсэн байна.
Ингэснээр иргэд болон улс төрчдийн дунд хүлээлт үүсгээд байсан Тавантолгойн асуудал хэлэлцэгдэж эхлэх нь. УИХ-ын зарим гишүүд Тавантолгойн асуудлыг хаврын чуулган завсарлахаас өмнө яаралтай УИХ-аар хэлэлцэж зөв, бурууг тогтооё гэсэн саналтай байгаа билээ.
Т.Энхэлээ
-
2015 оны 6 сарын 13
Өмнөөс нь харамсч байна. Нямдорж бол насанд хүрсэн хүн. Ялангуяа УИХ-ын гишүүн хүн шүү дээ. Төрийн хүний үлгэрлэл ямар байхыг ойлгохын дээдээр ойлгох ёстой. Ер нь Нямдорж өөрийнхөө үйлдлээр өөрийгөө л гутааж байна. Гэхдээ өөрийгөө гутаах эсэх нь тэр хүний асуудал. Харин УИХ буюу төрийн дээд байгууллагыг ингэж гутааж болохгүй.
-
2015 оны 6 сарын 12
ОЛОН УЛСЫН ГЭРЭЭНИЙ ТУХАЙ ХУУЛИЙН ШИНЭЧИЛСЭН НАЙРУУЛГЫН ТӨСЛИЙН ХЭЛЭЛЦҮҮЛЭГ БОЛОВ PDF Хэвлэх И-мэйл
2015 оны 6-р сарын 12, Баасан гариг, 13:11
Гадаад хэргийн яам болон Улсын Их Хурлын Аюулгүй байдал, гадаад бодлогын байнгын хороо хамтран ”Олон улсын гэрээний тухай” хуулийн шинэчилсэн найруулгын төслийн хэлэлцүүлгийг 2015 оны 6 дугаар сарын 11-ний өдөр Төрийн ордонд зохион байгуулав. Хэлэлцүүлэгт Улсын Их Хурлын гишүүд, төрийн захиргааны болон төрийн бус байгууллагын олон улсын гэрээнд голлон оролцдог мэргэжилтнүүд оролцож санал солилцов.
Тус хэлэлцүүлгийг Гадаад хэргийн яамны Олон улсын эрх зүйн газрын захирал А.Төмөр хөтлөн явуулж, Улсын Их Хурлын гишүүн, Аюулгүй байдал, гадаад бодлогын байнгын хорооны дарга Ж.Энхбаяр нээж үг хэлсэн юм. Тэрээр хэлсэн үгэндээ, “Монгол Улсын гадаад харилцаа сүүлийн жилүүдэд өргөжин тэлж, олон улсын тавцанд нэр хүнд өсөхийн хамт олон талт гэрээнд нэгдэн орох, хоёр талт гэрээ байгуулах хэрэгцээ, шаардлага өсөн нэмэгдсээр байгаа энэ цаг үед энэхүү хуулийн шинэчилсэн найруулгын төслийн талаар хэлэлцүүлэг хийж байгаа нь онцлог юм.
Хуулийн төсөл батлагдсанаар олон улсын гэрээ байгуулах үйл явцын зохицуулалт илүү тодорхой болж, хууль зүйн болоод практик асуудлыг шийдвэрлэхэд тодорхой хэмжээгээр боловсронгуй болно” гэдгийг онцлон тэмдэглэлээ. Мөн Гадаад хэргийн яамны Төрийн нарийн бичгийн даргын үүргийг түр орлон гүйцэтгэгч Д.Ганхуяг хэлсэн үгэндээ, ”Гадаад бодлого, харилцааны бодит илрэл, үр дүн болсон олон улсын гэрээ байгуулах идэвхтэй, процедурын харилцааг зохицуулж буй Олон улсын гэрээний тухай хуулийн төслийг шинэчлэн найруулах хууль зүйн үндэслэл, практик шаардлага олон байна. Тухайлбал, хуулийн үйлчлэх хүрээг дахин тодотгох, олон улсын гэрээ үйлдэх хэл, орчуулга хийх, орчуулгыг хянах харилцааны зохицуулалтыг тодорхой болгох, олон улсын гэрээнд хоёр аргаар нэгдэн ордог буруу практикийг халах зэрэг олон асуудал байгаа” гэдгийг дурдав.
Үүний дараа Олон улсын гэрээний тухай хуулийн шинэчилсэн найруулгын төслийн танилцуулгыг Гадаад хэргийн яамны Олон улсын эрх зүйн газрын Хүний эрхийн хэлтсийн дарга Н.Анхбаяр хийсэн юм. Тэрээр Олон улсын гэрээний тухай хуулийн шинэчилсэн найруулгад хуулийн нэр томьёоны зарим тодорхойлолтыг тодотгов.
Хэлэлцүүлгийн явцад оролцогчид хуулийн төсөлтэй холбогдуулан өөрсдийн санал бодлоо илэрхийлж, зарим зүйл, заалтыг тодотгож хариулт авлаа.
-
2015 оны 6 сарын 12
Цөмийн зэвсгээс ангид байх статусыг шинэ түвшинд гаргах хуулийг
-
2015 оны 6 сарын 12
Чуулганы хуралдаанаар Засгийн газраас өргөн барьсан Хөдлөх эд хөрөнгө болон эдийн бус хөрөнгийн барьцааны тухай болон холбогдох бусад хуулийн төслүүдийг хэлэлцэх эсэхийг хэлэлцээд холбогдох байнгын хороонд шилжүүллээ. Хэлэлцэж буй асуудалтай холбогдуулан асуулт асууж, санал хэлэх гишүүн байсангүй.
Тус хуулийг анхны хэлэлцүүлгээр нь дараагийн чуулганаар батална. Тиймээс байнгын хороо идэвхтэй ажиллахыг УИХ-ын дарга санууллаа.
Одоо чуулганы хуралдаанаар Монгол Улсын цөмийн зэвсгээс ангид байх статусыг шинэ түвшинд гаргах тухай” Улсын Их Хурлын тогтоолын төсөл
-
2015 оны 6 сарын 12
Галын аюулгүй байдлыг анхны хэлэлцүүлгээр дэмжинэ гэв
-
2015 оны 6 сарын 12
“ЕС татвар нэмэхгүй гэсэн амлалтаа биелүүлээч”
