-
2017 оны 11 сарын 22
Авлигатай тэмцэх газрын ажлын хэсэгт орон нутагт ажиллаж авлигын эсрэг хууль тогтоомжийн хэрэгжилттэй газар дээр нь танилцаж байгаа билээ.
-
2017 оны 11 сарын 22
Их Британийн уулчны аминд хүрсэн 16 жилийн ял оноожээ
-
2017 оны 11 сарын 22
Монгол, Хятадын хэвлэл мэдээллийн VII форум БНХАУ-ын ӨМОЗО-ы Хянган аймгийн Рашаан хотод өнөөдөр эхэллээ.
-
2017 оны 11 сарын 22
Баянзүрх дүүргийн 23-р хороо Хужирбулангийн “Хатуу зам” дэлгүүрийн урд замд марк улсын дугаар тодорхойгүй автомашин нь явган зорчигч Өвөрхангай аймаг харъяат 22 настай эрэгтэй Л-г мөргөж гэмтээн осол хэргийн газрыг орхин зугтаажээ.
-
2017 оны 11 сарын 22
Сэлэнгэ аймгийн Мандал суманд мал, амьтны гоц халдварт шүлхий өвчин гарсантай холбогдуулан нийслэлд орж ирэхээс урьдчилан сэргийлж нийслэлийн Онцгой комиссоос Шижир болон Ар гүнтийн даваанд хяналтын пост ажиллуулах шийдвэр гаргалаа. Шийдвэр гарсан даруй Сонгинохайрхан, Чингэлтэй дүүргийн холбогдох мэргэжлийн байгууллагууд хамтран постуудыг байршуулан үйл ажиллагааг эхлүүлээд байна.
Иргэд Сонгинохайрхан дүүргийн 22 дугаар хороо Шижирийн даваа, Чингэлтэй дүүргийн 19 дүгээр хороо Ар гүнтийн даваагаар Улаанбаатар хотод нэвтрэх замын хөдөлгөөн нэмэгдэж, автомашинтай иргэд маршрутын бус замаар явж Улаанбаатар хотод шүлхийн вирусыг тээвэрлэн орж ирж болзошгүй тул урьдчилан сэргийлэх чиглэлээр шаардлагатай арга хэмжээг авч байна гэж нийслэлийн Онцгой байдлын газраас мэдээллээ.
-
2017 оны 11 сарын 22
2017 оны 11 дүгээр сарын 23-наас 11 дүгээр сарын 27-ныг хүртэлх цаг агаарын урьдчилсан төлөв:
-
2017 оны 11 сарын 22
ОБЕГ-ын дэд дарга, хурандаа Ц.Ганзориг өчигдөр /11.21/ Израйль
-
2017 оны 11 сарын 22
Одоогоос таван жилийн өмнө 2012 оны есдүгээр сард “Тэнгис” кино театрын хажуугийн барилга дээрээс тулгуур төмөр унаснаас болж 19 настай залуу харамсалтайгаар амиа алдаж байлаа. Дараа нь Хан-Уул дүүрэгт барилгын осол гарч нэг хүн бэртэж, нөгөө нь амь эрсдэж байсан бол авто замаар зорчиж байсан энгийн нэгэн жолоочийн дээрээс мөн л төмөр унаж, нэгэн гэр бүлийн өнчирүүлсэн.
-
2017 оны 11 сарын 22
09.00 цагт “Кемпински Хаан Палас” зочид буудалд ”Эх, хүүхдийн эрүүл мэндийн тулгамдсан асуудал” үндэсний чуулга уулзалт болно.
-
2017 оны 11 сарын 22
Цасан шуурга шуурч, хүйтэн байхыг анхааруулж байна
-
2017 оны 11 сарын 22
Үс засуулбал: Бие эрхтний хүч сайжирна
-
2017 оны 11 сарын 22
Улаанбаатарт өдөртөө 14 хэмийн хүйтэн байна
-
2017 оны 11 сарын 21
Бага насны хүүхдийн дунд тохиолдож буй хоол тэжээлийн дутлын дийлэнх хувь нь тэдний зохисгүй хооллолттой холбоотой байдаг аж.
Ялангуяа сахарын замбараагүй хэрэглээ хүүхдийг шим тэжээлийн дутагдалд оруулж, тэдний эрүүл саруул өсөж бойжих нөхцөлийг бууруулж, төрөл бүрийн халдварт өвчин, хоол боловсруулах замын эмгэг, цаашлаад таргалалт, чихрийн шижин, хавдар зэрэг архаг явцтай өвчнөөр өвчлөх эрсдлийг нэмэгдүүлдэг байна.
2010 онд хийгдсэн “Монголын хүн амын хоол тэжээлийн байдал” үндэсний IV судалгаагаар судалгаанд хамрагдсан нийт хүүхдийн 4.7 хувь нь тураалтай, 6.7 хувь нь илүүдэл жин эсвэл таргалалттай байна.
Амттангууд нь маш их сахартай учир хий хоосон илчлэг өгч хүүхдийг илүүдэл жин, таргалалтад хүргэж, хоол тэжээлийн дуталд оруулдаг.
САХАР ТАНЫ ҮР ХҮҮХДЭД ДАРААХ СӨРӨГ НӨЛӨӨТЭЙ.
1.Хүүхдүүд сахарыг ил болон далд байдлаар өдөр бүр хэрэглэдэг. Өдөрт авах сахарын нийт хэмжээ нь илчлэгийн 10 хувиас хэтрээд байвал хүүхдүүд шим тэжээлийн дутагдал орно. Шим тэжээлийн дуталд орсноор хүүхдийн сэтгэн бодох үйл ажиллагаа муудах, өсөлт хоцрох, биеийн зөв харьцаа алдагдах зэрэг сөрөг үр дагавартай.
2.Сахарын илүүдэл хэрэглээ нь цусан дахь фруктозын хэмжээг ихэсгэдэг. Фруктоз нь элгийг хэт их ачаалуулж, үйл ажиллагааны алдагдалд оруулдаг. Хэт их ачаалж, үйл ажиллагааны алдагдалд орсон элэг өөхөлж эхэлдэг ба энэ нь элэг хатуурлын эхлэл юм.
3.Бидний идэж буй хоол хүнсний зүйлс бие махбодид ороод нүүрс ус, өөх тос, уургийн гэсэн гурван төрлийн солилцоо явуулдаг. Сахарын хэрэглээ их байх нь нүүрс усны солилцоог алдагдуулж, чихрийн шижингээр өвчлөх эрсдлийг бий болгодог. Хүний биед үүссэн нүүрс ус буюу глюкозыг нойр булчирхайнаас ялгарах инсулин тээвэрлэн захын эд эрхтэн, булчинд хүргэх ёстой. Гэтэл ингэж чадахгүйгээс булчин тэжээлээр дутагдан, захын эрхтнүүд гэмтэн, мэдээгүй болох зэрэг хүндрэл гардаг.
4.Сахарын илүүдэл хэрэглээ нь бодисын солилцооны алдагдалд оруулснаар ирээдүйд хавдраар өвдөх эрдлийг нэмэгдүүлдэг.
5.Сахар нь бие махбодид дасал үүсгэдэг тул сахарын хэрэглээг хянахад хүндрэлтэй болдог байна.
Эх сурвалж: Нийгмийн эрүүл мэндийн хүрээлэн
-
2017 оны 11 сарын 21
Нийслэлийн Засаг дарга бөгөөд Улаанбаатар хотын Захирагч С.Батболд Унгар Улсаас Монгол Улсад суугаа Элчин сайд Михай Галошфай тэргүүтэй албаны төлөөлөгчдийг өнөөдөр хүлээн авч уулзлаа. Уулзалтад Ус сувгийн удирдах газрын дарга Ц.Төрхүү, НЗДТГ-ын Бодлого, төлөвлөлтийн хэлтсийн Төсөл, хамтын ажиллагааны тасгийн дарга И.Батхүү, Улаанбаатар хотын Захирагчийн ажлын албаны Инженерийн байгууламжийн хэлтсийн дарга Т.Хэрлэн, Гадаад харилцааны яамны Европын газрын 1-р нарийн бичгийн дарга О.Ангар, Унгар Улсын Гадаад хэрэг, худалдааны сайдын комиссар Иштван Иоо болон холбогдох албаны хүмүүс байлцлаа.
Уулзалтын үеэр хоёр тал усны нөөцийн судалгаа, усны менежмент, төв цэвэрлэх байгууламж, ухаалаг хот хөтөлбөр болон гэр хорооллын дахин төлөвлөлтийн талаар ярилцаж, харилцан санал солилцсон юм.
“Манай хоёр улс уламжлалт найрамдалт харилцаатай. Бид энэ харилцаагаа эдийн засгийн агуулгаар өргөжүүлэх бодолтой байгаа. Унгарчуудад усны менежмент болоод цэвэрлэх байгууламжийн талаар арвин туршлага бий. Улаанбаатар хотын Төв цэвэрлэх байгууламжийг бидний туршлага, манай мэргэжилтнүүдийн тусламжтайгаар шинэчлэх боломжтой гэж үзэж байна. Түүнчлэн бусад жижиг төсөл дээр хамтран ажиллах санал тавибал бидний зүгээс хэзээд бэлэн байх болно” хэмээн ноён Иштван Иоо уулзалтын үеэр ярилаа.
Нийслэлийн Засаг дарга бөгөөд Улаанбаатар хотын Захирагч С.Батболд “Улаанбаатар хотын Төв цэвэрлэх байгууламжийн асуудал олон жил яригдсаны эцэст өнгөрсөн долоо хоногт шийдэгдсэн. БНХАУ-ын хөнгөлөлттэй зээлийн хүрээнд хийхээр болоод байна. Манай цэвэрлэх байгууламжийн асуудал гурван хэсгээс бүрдэж байна. Нэгдүгээрт, шинээр барих. Хоёрдугаарт, одоо байгаа цэвэрлэх байгууламжийг засч шинэчлэх. Учир нь шинэ цэвэрлэх байгууламж ашиглалтад орох хүртэл хугацаанд хуучнаа шинэчлэн сайжруулах зайлшгүй шаардлага бий. Гуравдугаарт, олон жил хуримтлагдан бий болсон лагийг хэрхэн боловсруулах, үнэргүйжүүлэх, талбайгаа хэрхэн чөлөөлөх вэ гэдэг асуудал байна” хэмээсэн юм.
Хотын дарга төвлөрсөн шугаманд холбогдоогүй газарт бие даасан цэвэр, бохирын шугам, жижиг цэвэрлэх байгууламж барих хэрэгтэй байгааг тодотгоод энэ тал дээр Унгарын тал хэрхэн хамтран ажиллах боломжтойг тодрууллаа.
“Цэвэрлэх жижиг байгууламжууд барих бүрэн боломжтой. Туршлага бидэнд бий. Элчин сайдын яамаараа дамжуулан судалгаа хийж, хамтран ажиллах тал дээр анхаарах болно” гэж Унгарын төлөөлөгчид хэллээ хэмээн нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 11 сарын 21
“Хөөрхөн хүүхэн”, ”Хачико” зэрэг олон киноны гол дүрд тоглож, үзэгчдийн сэтгэлд хоногшсон Холливуудын алдарт жүжигчин Ричард Гир Дорноговь аймагт зочилжээ. Түүнийг Дорноговь аймгийн Засаг даргын Тамгын газрын дарга Б.Ганзориг хүлээн авч хүндэтгэл үзүүлсэн байна.
-
2017 оны 11 сарын 21
Сэлэнгэ аймгийн нутгаар энэ сарын 25-наас сэрүүсч, шөнөдөө 27-32 градус, өдөртөө 14-19 градус хүйтрэхийг аймгийн ОБГ-аас сэрэмжлүүлж байна.
Энэ сарын 20-ноос 11 дүгээр сарын 26-ныг хүртэлх 7 хоногийн цаг агаарын урьдчилсан төлөвөөр 21-нд нийт нутгаар, 22, 24-нд хойд хэсгээр цас орно. Бусад хугацаанд цас орохгүй. Салхи баруун хойноос 5-10 м/сек. Шөнөдөө 20-25 градус хүйтэн, өдөртөө 8-13 градус хүйтэн байна.
25-наас сэрүүсч шөнөдөө 27-32 градус, өдөртөө 14-19 градус хүйтэн байх тул иргэд, зорчигчид аян замд гарахдаа техникийн бүрэн бүтэн байдал, шаардлагатай хэрэгслээ сайн бэлдэж гарахыг аймгийн ОБГ-аас анхааруулж байна.
-
2017 оны 11 сарын 21
Монгол Улсын Засгийн газрын гишүүн, БСШУС-ын сайд Ц.Цогзолмаа БНСУ-ын Сөүл хотноо зохион байгуулагдаж буй АСЕМ-ын орнуудын Боловсролын сайд нарын VI чуулга уулзалтад оролцож байна.
-
2017 оны 11 сарын 21
“Зорчигч тээврийн нэгтгэл”-ийн Дотоод хяналтын шалгалтын хэлтэс, Захиргаа удирдлага хүний нөөцийн хэлтсийн хууль эрх зүйн ажилтнууд хамтран жолооч нарт сургалт зохион байгууллаа. Сургалтаар автобусны камерын системийн хэвийн ажиллагаа, нийтийн тээврийн стандарт, тамхины хяналтын хуулийн талаар жолооч нарт дэлгэрэнгүй танилцуулсан.
Нийтийн тээврийн жолооч нь иргэдэд үйлчилж байхдаа хөдөлгөөний үед бүхээгт хүн суулгах, тамхи татах, гар утсаар ярих, зорчигчдын танхимд дуу чангаар тавих, ажлын байрандаа цагийн хуваарийн дагуу байхгүй байх, ажлын хувцас өмсөөгүй ажилд гарах зэргийг хориглодог. Мөн жолооч, шалгагч нар хяналтын камерын дуран чиглэлийг өөрчлөхгүй байх, зорчигчдыг бэлэн мөнгөөр зорчуулахгүй, цахим карт уншуулахад хяналт тавих үүрэгтэй.
Тамхины хяналтын хуулийн хүрээнд бүх төрлийн нийтийн тээврийн хэрэгсэлд тамхи татахыг хориглодог. Дээрх заалтуудыг зөрчсөн тохиолдолд холбогдох хуулийн дагуу сануулах, цалингийн хувийг бууруулах, сахилгын шийтгэл оногдуулах зэрэг арга хэмжээ авч болохыг анхааруулж зөвлөмж өгсөн.
Автобусны камерын системийн хэвийн ажиллагааг ханган ажилласнаар зам тээврийн осол, аваар, гэмт хэрэг,элдэв маргаан, харьцааны зөрчлөөс хамгаалах боломжийг олгодог. Иймд жолооч та нийтийн тээврийн стандарт,хууль дүрэм, дотоод журмыг мөрдөн ажилласнаар зөрчил дутагдал, санал гомдлыг түргэн шуурхай, хуулийн хүрээнд шалган, шийдвэрлэх чухал ач холбогдолтой төдийгүй, осол зөрчлийг бууруулах давуу талтай юм.
-
2017 оны 11 сарын 21
Монголын Өмгөөлөгчдийн Холбооноос иргэдэд үнэ төлбөргүй хуулийн зөвлөгөө өгнө. Өдөрлөг маргааш буюу энэ сарын 22-нд Хан-Уул дүүргийн Соёлын ордонд 09.00-16.00 цагт болох бөгөөд иргэд хүний эрх, газар болон бусад үл хөдлөх хөрөнгийн маргаан зэрэг бүхий л чиглэлээр зөвлөгөө авах боломжтой юм.
НЗДТГ-аас 2017 оныг “Иргэдийн оролцоотой эрх зүйн шинэтгэлийн жил” болгон зарлаж, Монголын Өмгөөлөгчдийн холбоотой хамтран сард нэг удаа иргэдэд хууль, эрх зүйн үнэ төлбөргүй зөвлөгөө өгөх өдөрлөг зохион байгуулдаг билээ.
-
2017 оны 11 сарын 21
БОАЖЯ–ны Тусгай хамгаалалттай нутгийн удирдлагын газраас Азийн хөгжлийн банкнаас хэрэгжиж буй “Хөвсгөл нуурын байгалийн цогцолборт газрын орчны бүсийн иргэдийн амьжиргааг дэмжих, тогтвортой аялал жуулчлалыг хөгжүүлэх нэгдсэн төсөл”-ийн дэмжлэгтэйгээр Хорьдол Сарьдагийн дархан цаазат газар байгуулагдсаны 20 жилийн ой хүрээнд “Хорьдол Сарьдаг дархан цаазат газраа дээдэлье” баримтат кино хийж байна. Уг баримтат киногоор тухайн дархан цаазат газрын түүхэн баримт, хөгжил дэвшлийг 2007, 2017 онуудаар буюу сүүлийн 10 жилээр харьцуулж, үзүүлэх юм.
