Үндэсний их баяр наадмын үеэр хүн амины ноцтой хэрэг гарлаа. Тодруулбал, Төв аймгийн Сэргэлэн сумын нэгдүгээр баг Хөндлөн гэх газар 52 настай эрэгтэй Б, 11 настай эмэгтэй Б нарыг буудаж, 53 настай эмэгтэй Т хутгалж хөнөөгөөд нүхэнд булсан байсныг цагдаагийн алба хаагчид олжээ. Эх сурвалжийн мэдээлж буйгаар гэмт этгээд хэргийн газраас зугтаж, Төв аймгийн Эрдэнэ сумын нутагт айлд хорогдож байхад нь цагдаагийнхан шуурхай илрүүлж баривчилсан байна. Онц ноцтой хэрэг гарсан дуудлагын дагуу Төв аймгийн цагдаагийн хэлтэс, УМБГ-ын Онц ноцтой гэмт хэрэгтэй тэмцэх хэлтсийн албан хаагчид ажиллаж хэргийг нэг хоногийн дотор илрүүлжээ. Гэмт этгээд чухам ямар учраас гурван хүний аминд хүрсэн эсэхийг тодруулахаар цагдаагийн алба хаагчид мөрдөн байцаалтын ажиллагааг үргэлжлүүлж байна.

Эх сурвалжийн хэлж буйгаар 11 настай охиныг өвөө, эмээгийнх нь хамтаар ийн амь насанд нь хүрчээ.

Эл гэмт хэргийн талаар  өнөөдөр 14:00 цагт ЦЕГ-аас мэдээлэл хийх юм байна.

Д.Дуулим