УИХ-ын гишүүн Д.Гантулга УИХ-ын гишүүнээс чөлөөлөгдөх хүсэлтээ УИХ-ын даргад өнөөдөр үдээс хойш өргөн бариад буй. Тэрбээр, чөлөөлөгдөх хүсэлтдээ УИХ-ын тухай хуулийн 6 дугаар зүйлийн 6.6.3 дахь заалтыг үндэс болгосноо дурдсан байгаа. УИХ-ын гишүүн Д.Гантулгын дурдсан хуулийн заалт нь “гишүүн өөр ажилд шилжих болон хүндэтгэн үзэх бусад шалтгаанаар чөлөөлөгдөх хүсэлтээ өөрөө гаргасныг Улсын Их Хурал хүлээн авсан” тухай заалт юм. Энэ тохиолдолд парламент УИХ-ын гишүүнийг чөлөөлөх тогтоол гаргах бөгөөд нууц санал хураалтаар шийдвэрлэдэг. Тодруулбал, эхлээд Төрийн байгуулалтын байнгын хороогоор орж, мэргэжлийн байнгын хорооны санал дүгнэлтийг үндэслэн чуулганы хуралдаанд оролцсон гишүүдийн олонхийн саналаар нууцаар санал хураалтаар шийдвэрлэдэн билээ.

                                                                                                                           А.Болдбаатар