“Эрдэнэс-Тавантолгой” ХК болон “Хишиг Арвин Индустриал” ХХК-ийн хооронд байгуулсан уулын ажил гүйцэтгэх гэрээний хугацаа нь 2018 оны зургадугаар сарын 8-ны өдөр албан ёсоор дуусаад буй. Гэхдээ Цанхийн баруун уурхайн дараагийн гэрээт олборлогч шалгарч, гэрээ байгуулах хүртэлх хугацаанд уурхай түр зогсолт хийж байгаа гэж мэдэгдэж байгаа ч сонгон шалгаруулалтын шаардлагууд зөвхөн “Хишиг Арвин Индустриал”-т тохируулсан гэдгийг эх сурвалжууд хэлж байгаа. Тухайлбал тус компанийн тендерийн шаардлага 90 ТН-ЫН 40 САМОСВАЛТАЙ БАЙХ ЁСТОЙ гэх зэргээр “Хишиг арвин индустриал”-д зориулагдсан гэмээр ажлын даалгаврууд байгаа. Учир нь 90 тн-ын 40 самосвалтай компани Монголд бараг л ганц байдаг аж. …

Хэдийгээр тус сонгон шалгаруулалтын ажлын даалгавар нь холбогдох тооцоо судалгаанд үндэслэн гүйцэтгэсэн бөгөөд жилд 28 сая м3 уулын цулын ажил гүйцэтгэхэд шаардлагатай уулын үндсэн болон туслах тоног төхөөрөмжүүдийг тусгаснаас гадна сонирхсон этгээд дангаар болон хамтарч оролцох эрх нь нээлттэй байгаа болно” гэсэн байгаа ч ганцхан компанид зориулагдсан мэт байгааг юу гэж тайлбарлах вэ.

Томилогдоод бас ч гэж удчихаж байгаа, энэ тендерийн тэнцвэргүй шаардлага, шалгаруулалтын талаар маш сайн мэддэг “Эрдэнэс Тавантолгой”-н захирал Б.Ганхуяг таг дуугүй суугаад байгаа нь хачирхалтай байгаа юм. Нөгөөтэйгүүр тус компанийнхан ч ажил хариуцсан нөхдүүд, албан тушаалтнуудтай учраа олоод сурчихсан бололтой юм” гэснийг төрийн хяналт шалгалтын байгууллагууд тогтоогоод эхэлжээ. Тодруулбал, “Эрдэнэс Тавантолгой” ХК нь ийм маягаар “Хишиг арвин индустриал” ХХК-д давуу эрх олгож, шударга өрсөлдөөнийг хааж байсан нь албаны ёсоор тогтоогдсон байна. “Хишиг Арвин Индустриал” хэний халаасны компани вэ гэдгийг тендер шалгаруулалтаас харж болохоор байна. “Эрдэнэс Тавантолгойн” захирал Б.Ганхуяг энэ компанитай холбоотой юу гэдгийг тендерийн дүн хэлээд өгөх биз ээ.

С.Нацаг