Өнгөрсөн долоо хоногт болж өнгөрсөн онцлох үйл явдлуудаас хүргэж байна
“САЙН МАЛЧИН” ХӨТӨЛБӨРИЙН 200 ТЭРБУМЫН ӨРИЙГ ТӨЛЖ ДУУСЧЭЭ
"Сайн малчин" хөтөлбөрийн 200 тэрбум төгрөгийн зээлийг өнөөдөр буюу 2018 оны наймдугаар сарын 31-нд төлж дуусгаснаа Сангийн сайд Ч.Хүрэлбаатар сошиал хуудсаараа мэдээллээ.
Тэрбээр “2016 оны сонгуулийн өмнөхөн мөнгө хэвлэж тараасан "сайн" нэртэй зээлүүдийн нэг нь ийнхүү дуусгавар болж байна. Одоо 2016 оны зургадугаар сард мөнгө хэвлэж 300, 300 мянгаар тараасан "Сайн хувьцаа" нэртэй зээлийн 374 тэрбум төгрөгийн өр үлдлээ. Ямар хэцүү дуусдаггүй өр вэ” гэжээ.
ТӨВ АЙМГИЙН СЭРГЭЛЭН СУМАНД "МАЙДАР ХОТ" ТӨСЛИЙГ ХЭРЭГЖҮҮЛЭХЭЭР БОЛЛОО
Төв аймгийн Сэргэлэн сумын нутаг дэвсгэрт 12000 га газрыг улсын тусгай хэрэгцээнд авахаар шийдвэрлэлээ. Тус газарт “Майдар хот” төсөл хэрэгжүүлж, үндэсний хэмжээний томоохон бүтээн байгуулалт хийх юм.
УИХ-ын гишүүн Д.Лүндээжанцан нарын санаачлан боловсруулсан Монгол Улсын Үндсэн хуульд нэмэлт, өөрчлөлт оруулах тухай хуулийн төслийг зарчмын хувьд дэмжиж, хуралдаанаас гарсан санал, дүгнэлтийг нэгтгэн хүргүүлэхээр болов.
Ж.БАТЗАНДАН:ТЕНДЕРИЙН ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ САНААЧИЛГА ГАРГАНА
УИХ-ын гишүүн Ж.Батзандан хичээлийн шинэ жил эхэлж буйтай холбогдуулан гурван долоо хоногийн өмнө Баянзүрх дүүргийн нутаг дэвсгэрт үйл ажиллагаа явуулж буй бүрэн дунд сургууль болон сургуулийн өмнөх боловсролын байгууллагуудын удирдлага, эцэг эхчүүдийн төлөөлөл мөн салбарын яамны газрын дарга нарыг хүлээн авч уулзан, тулгамдаж буй асуудлуудын талаар мэдээлэл авч, тодорхой чиглэл өгсөн билээ.
ИПОТЕКИЙН ЗЭЭЛИЙГ НИЙТ 93 МЯНГА ГАРУЙ ИРГЭН АВЧЭЭ
Хурлаар Монголбанк ипотекийн зээлийн санхүүжилтийн хөтөлбөрийн хүрээнд долоо дугаар сард 15.9 тэрбум төгрөгийн санхүүжилтийг 231 зээлийн хүсэлтэд олгохоор арилжааны банкнуудад хуваарилжээ. Ингэснээр он гарснаас хойш ипотекийн зээлийн санхүүжилтэд 2050 орчим иргэн хамрагдсан байна.
НИЙТИЙН ЭЗЭМШЛИЙН ЗАМ, ТАЛБАЙГ ЧӨЛӨӨЛӨХ МЭДЭГДЭЛ ХҮРГҮҮЛЖЭЭ
Сүхбаатар дүүргийн 12, 13 дугаар хорооны нутаг дэвсгэр 32-ын тойрог, автобусны буудал орчимд зөвшөөрөлгүй элс, хайрганы худалдаа, хүнд машин механизмын үйлчилгээ эрхэлж буй иргэн, аж ахуй нэгжүүдийг хамруулсан хяналт, шалгалт хийсэн байна.
БӨӨРНИЙ ХАМГИЙН ОРЧИН ҮЕИЙН АППАРАТЫГ ГАРДУУЛАВ
Улсын Нэгдүгээр Төв Эмнэлэг (УНТЭ)-ийн Бөөрний төвийн Бөөр Судлалын Тасагт 67 сая төгрөгийн үнэ бүхий зүүний чиглүүлэгчтэй Допплер хэт авиан хамгийн орчин үеийн аппаратыг “Оюу толгой” компанийн гүйцэтгэх захирал Армандо Торрес өнөөдөр гардуулж өглөө.
ЗТХЯ-НЫ УДИРДАХ АЛБАН ТУШААЛЫН СУЛ ОРОН ТООГ НӨХӨХ СОНГОН ШАЛГАРУУЛАЛТ БОЛНО
Монгол Улсын Их хурлын 2003 оны 13 дугаар тогтоолоор батлагдсан "Төрийн жинхэнэ албаны удирдах албан тушаалд томилогдох ажилтныг сонгон шалгаруулах журам"-ын 3 дугаар зүйлийн 11-д заасны дагуу Төрийн албаны зөвлөлд захиалгыг хүргүүлжээ.
ДАВАА ГАРАГТ НИЙСЛЭЛИЙН 70 СУРГУУЛЬ, 90 ЦЭЦЭРЛЭГ АЖИЛ ХАЯНА
Монголын Боловсрол Шинжлэх ухааны Үйлдвэрчний Эвлэлийн холбооны Үйлдвэрчний эвлэлийн холбоо, бүлгийн дарга нар даваа гарагаас ажил хаяна гэдгээ албан ёсоор зарлалаа.
Тодруулбал, Засгийн газартай цалингийн талаар тохиролцоонд хүрч чадаагүй гэв. Тиймээс Боловсрол Шинжлэх ухааны Үйлдвэрчний Эвлэлийн холбооны ахмадын хурал болж ажил хаялтаа эхлүүлэх нь зүйтэй гэж тохиролцон орон даяар эхлүүлэхээр болоод байна.
14 ХУУЛИЙН ЭТГЭЭДЭД ХОЁР САЯ ТӨГРӨГИЙН ШИЙТГЭЛ НООГДУУЛЖЭЭ
Нийслэлийн мэргэжлийн хяналтын газраас 2018-2019 оны хичээлийн шинэ жил эхэлж буйтай холбогдуулан урьдчилан сэргийлэх хяналт шалгалт хийж 415 зөрчил илрүүлсэн талаар өнөөдөр мэдээллээ.
Шалгалтад нийслэлд үйл ажиллагаа явуулж байгаа 265 байгууллагыг хамруулахаар төлөвлөсөн бөгөөд одоогоор хяналтын явц 70 хувьтай байгаа аж. Шалгалтын явцад 415 зөрчил илрүүлж, тухайн зөрчлийг үндэслээд 135 байгууллагад хугацаатай үүрэг даалгавар өгч, хэрэгжилтэд хяналт тавьжээ.
ЖИЖИГ ДУНД ҮЙЛДВЭР ЭРХЛЭГЧИД ОЛОН УЛСЫН ҮЗЭСГЭЛЭНД ОРОЛЦЛОО
Чингэлтэй дүүргийн Иргэдийн Төлөөлөгчдийн Хурал, БНХАУ-ын Өвөр Монголын Өөртөө засах орны Эрээн хотын Ардын Төлөөлөгчдийн Их Хурлын хооронд байгуулсан хамтын ажиллагааны санамж бичиг, 2018 оныг “Өрхийн хөгжлийг дэмжих жил” болгосон, Чингэлтэйд үйлдвэрлэв хөтөлбөрийн хүрээнд БНХАУ-ын Өвөр Монголын Өөртөө засах орны Эрээн хотноо 10 дахь удаагийн үзэсгэлэнд дүүргийн Засаг даргын Тамгын газраас жижиг дунд үйлдвэрлэл эрхлэгчдийг дэмжин оролцууллаа.
Б.Лхам
