Олон Улсын Хөдөлмөрийн байгуулдлагын 100 жилийн ой, Монгол Улс Олон Улсын байгууллагад гишүүнээр элссэний 50 жилийн ойд зориулж ХНХЯ, Олон Улсын Хөдөлмөрийн байгууллага, Монголын ажил олгогчдын нхэгдсэн холбоо, Монголын Үйлдвэрчний эвлэлийн холбооноос “Ирээдүйн ажил, мэргэжил” сэдэвт эрдэм шинжилгээний ажил бичих уралдаан зарлалаа.

Хөдөлмөрийн зах зээл болон бусад холбогдох асуудлаар эрдмийн ажил хийж буй оюутан, залуучуудын судалгааны ажлыг дэмжих, аргазүйг хэлэлцүүлэх, бүтээлийг нь олон нийтэд түгээн танилцуулах замаар хөдөлмөрийн хүрээний ойлголт, мэдлэгийг сурталчлан дэлгэрүүлэх зорилготой аж.

Уралдаанд их, дээд сургуулийн магистр, бакалаврын ангийн оюутнууд оролцох боломжтой.

Оролцогчид дараах шалгуурыг хангасан байх шаардлагатай. Үүнд: онол, аргазүйн үндэслэлтэй байх, тодорхой тоон болон чанарын мэдээлэл ашиглаж, баримтаар баталгаажуулсан байх, шинжилгээний арга зүй ашигласан байх, ишлэл зүүлтийг стандартын дагуу хийсэн байх, бусдын бүтээлийг хуулбарлаагүй байх, ашиглсан материалын жагсаалт гаргах, цахим хаяг ашигласан тохиолдолд холбоосыг оруулсан байх, хураангуй, түлхүүр үг, оршил, үндсэн хэсэг, дүгнэлт, зөвлөмж, ашигласан материалын жагсаалтыг оролцуулан /А4, 210х297 mm/ хэмжээтэй 15 хуудсанд багтсан байх, үсгийн хэмжээ Arial-12 байх, мөр хоорондын зай 1.5 байх ба математик статистик томъёоллыг “Equation” ашиглан оруулах /тэмдэгтийн хэмжээ нь 10pt8 Bold, Italic байна/, Олон улсад мөрдөгдөж буй аргазүй, туршлагыг судалж ашигласан бол давуу тал болох юм.

Бүтээлийг арваннэгдүгээр сарын 12-ны өдөр /ilo50years@rilsp.gov.mn/ хүртэлх хугацаанд хүлээж авна.

Б.Лхам