Монгол Улсын хөдөлмөрийн баатар, урлагийн гавьяат зүтгэлтэн, Чингис хааны одонт, Төрийн соёрхолт, Монголын хөгжмийн урлагийн сан хөмрөгт үнэлж баршгүй хувь нэмэр оруулсан Б.Шаравыг өнөөдөр эцсийн замд нь үдлээ.

Хөгжмийн нэрт зохиолч Б.Шарав 1952 оны арваннэгдүгээр сарын 13-нд Хэнтий аймгийн Жаргалтхаан суманд төрсөн, 1983 онд ОХУ-ын Свердловскийн Уралын хөгжмийн их сургуулийг хөгжмийн зохиолч мэргэжлээр төгссөн.

Тэрбээр 1992 онд Төрийн шагнал, 2002 онд Урлагийн гавьяат зүтгэлтэн, 2019 онд Хөдөлмөрийн баатар цолыг хүртсэн билээ. Нэрт хөгжмийн зохиолч Б.Шарав “Чингис хаан” дуурь, “Зуурдын орон” балет, “Ононд хатаагдсан илд” дуулалт жүжиг, 1,2 дугаар симфони, “Замбуу тивийн наран” магтуу, “Эх орон” зэрэг 30 гаруй романс, 20 гаруй цөөхүүл хөгжмийн бүтээл, “Сэрсэн тал” үндэсний найрал хөгжмийн удиртгал, “Ард Аюуш”, “Байлдааны даалгавар”, “Илүү сартай зун” зэрэг киноны хөгжим бичжээ. Дан хөгжмийн 70 гаруй бүтээл, 300 гаруй дуу романс туурвисан. 20 орчим уран сайхны кинонд хөгжмийн найруулагч, зохиолчоор ажилласан билээ.

“Сэрсэн тал” шигээ гэгээн алсыг зорьсон Б.Шарав-   https://www.24tsag.mn/a/173812  

С.Нацаг