Үндэсний Их баяр наадмын хүчит бөхийн барилдааны шөвгийн 16 бөхийн хоёроос нь сэргээш илэрсэн тухай зохион байгуулах хорооноос мэдэгдсэн. Үүнтэй холбогдуулж бөхчүүд түрүүчээсээ лайв хийж, сэргээш илрээгүй тухай мэдэгдсэн. Харин саяхныг хүртэл чимээгүй явсан наадмын түрүү бөх Э.Оюунболд мэдэгдэл хийлээ.
Тэрбээр Монголын хоёр Бөхийн холбооны маргаан дээд цэгтээ хүрч, түрүү бөхөөрөө хүртэл бусармаг үйл явдал хийж байна. Үүнтэй холбогдуулж мэдэгдэл хийж байна. 14 наснаасаа аварга багшийнхаа дор бэлтгэл хийсээр өнөөдрийг хүртэл. Багш маань хоёр зүйлийг захьдаг байсан. Архи ууж болохүй. Допинг хэрэглэж болохгүй гэж. Би допинг хэрэглэж үзээгүй ээ. Миний шинжилгээ солигдсон байна. Үүнийг хуулийн байгууллагынхан шалгаж өгч тусална уу. Монголын допингийн холбооныхон тавуулаа байж байгаад задлах ёстой шинжилгээг нэг хоёр хүн задалсан байна лээ. Дараа нь бөхчүүдээр над руу дайрууллаа. Үүнийг би шалгуулна. Дахин шинжилгээ өгмөөр байна. Бөхчүүдийн дунд нутгаараа ялгардаг зүйл гарч байна. Битгий ингээч ээ. Бид бүгдээрээ нэг улс. Үүнийг болимоор байна. Наадмын өмнө над руу нэг биш удаа дайрч байсан. Түрүүлсэн ч бай, түрүүлээгүй ч бай допинг илрүүлнэ гэж байсан. Энэхүү ажиллагаа хэрээс хэтэрлээ.
Нэгэн цаг үед барилдаж байсан Хадбаатар аваргыг дийлэхгүй болохоороо хилс хэрэгт гүтгэж шоронд оруулж байсан. Одоо Оюунболд гэдэг хүнийг дийлэхгүй болохоор иймэрхүү юм үүрүүлэхээр дайрч, давшилж байгаа нь илт байна. Үүнийг Монголын ард түмэн зөвөөр ойлгоорой. Үнэн зөвөөр нь шинжилгээ өгмөөр байна. Үүний төлөө эцсээ хүртэл тэмцэнэ гэдгээ илэрхийлж байна" гэлээ.
С.Сүлд
Сэтгэгдэл (47)