Өнгөрсөн амралттын өдрүүдэд Тээврийн цагдаагийн алба 555 дуудлага мэдээлэл хүлээн авснаас 375 зам тээврийн ослын шинжтэй дуудлага мэдээлэл бүртгэгджээ.

Бүртгэгдсэн зам тээврийн ослын улмаас 14 хүн гэмтэж бэртсэний долоон хүүхэд, ноцтой зам  тээврийн ослын улмаас нийслэлд нэг, орон нутаг зургаан хүний амь нас хохирсон байна. Үүнээс орон нутагт нэг хүүхэд амь нас хохирсон байна.  

Тухайлбал, энэ сарын 5-ны өдрийн 05.10 цагийн орчимд Налайх дүүргийн VII хороо шороон замд Sinotruk  маркийн автомашины жолооч зорчих хэсгийн баруун талд зогсож байсан явган зорчигч Б-г Hyundai starex маркийн автомашинтай хамт мөргөж амь насын хохироожээ.  

Мөн энэ сарын 06-ны өдрийн 15.20 цагийн орчимд Төв аймгийн Баянхангай сумын Найрамдал багийн нутаг “Шатав толгой” гэх газар шороон замд Toyota Land200  маркийн автомашин Hyundai accent маркийн автомашинтай мөргөлдөж жолооч Б, зорчигч Э, зорчигч Э, нарын гурван хүн нас барж, зорчигч Э, зорчигч франц улсын иргэн Ж нарын хоёр хүн гэмтсэн байна.

Иймд жолооч та өөрийн болон ойр дотныхоо иргэдийн амь насыг хамгаалж, хурдыг тогтоосон хязгаараас хэтрүүлэхгүйгээр хөдөлгөөнд оролцохыг Тээврийн цагдаагийн албанаас зөвлөж байна.

Тээврийн цагдаагийн алба