Өнгөрсөн зургадугаар сард орон сууцны цахилгаан лифтний хонгилд хүн унаж нас барсан хэрэг гарсан билээ. Тэгвэл талийгаачийн гэргий Б.Болороо өнөөдөр мэдээлэл хийлээ.

Тэрбээр “Би шууд хэлье, шулуухан нь дээр. Өмгөөлөгчийн зөвшөөрөлгүй хэвлэлийн хурал хийж байна. Би өнгөрсөн дөрвөн сарыг хагаөс галзуурлын байдалтай өнгөрүүллээ. Намайг Б.Болороо гэдэг. Хөдөлмөр нийгмийн хамгааллын яаманд гурав дахь жилдээ ажиллаж байна. Би сайхан ханиа бусдын буруутай үйлдлээс болж алдаад дөрвөн сар болж байна.

Миний нөхөр "Хишиг Арвин" ХХК-д ажилд ажиллах хугацаандаа ажлын хариуцлага огт алдаж байгаагүй. Нөхөр маань тухайн компанийн хамгаалдаг "Залуус" хорооллын 50 А байрны лифтний хонгилд нөхөр маань нас барсан байдалтай долдугаар сарын 8-ны өдөр олдсон. Миний нөхрийг ажлын байран дээр архи уусан, үүнээсээ болж ажлаа хийж явахдаа нас барсан гэсэн мэргэжлийн хяналтын дүгнэлт гарсан. Болсон явдлыг үнэнээр хэлбэл, зургадугаар сарын 19-ний өдрийн 12.00 цагийн үед уурхайд ажилладаг найзтайгаа нэг шил пиво хувааж уусан юм билээ. Ингээд ажлаа хийж байтал нэг танил нь архи авхуулж уусан.

Тухайн өдөр архины холбогдолтой зүйл болсон нь энэ. Гэтэл нөхрийн минь цуснаас илэрсэн архины хэмжээ маш өндөр буюу 2.4 гэсэн дүгнэлт гарсан байна лээ.  Үүнд итгэхгүй байна. Учир нь тухайн өдөр хийгдсэн бичлэг байсныг биднээс нуусан. Долдугаар сарын 17-ны өдөр доошоо унасан буюу ажил үүргээ гүйцэтгэж явахдаа унасан бичлэгийг шүүж, ямар байдалтай нас барсаныг мэдсэн байсан. Тэгсэн мөртлөө бид сарын дараа мэдсэн. Нөхрийн минь үхэлд учир битүүлэг зүйлс олон байна" гэлээ. 

Г.Эрдэнэ