УИХ-аар өнөөдрийн чуулганаар газрын тос боловсруулах үйлдвэр байгуулах хүрээнд 550 өрхийн орон сууц барихад ашиглах зарим бараа материалыг гаалийн татвараас чөлөөлөх тухай асуудлыг хэлэлцлээ. Тодруулбал, Засгийн газраас өргөн мэдүүлсэн Гаалийн албан татварыг хөнгөлж, буцаан олгох тухай хуулийн төслийг хэлэлцэж дэмжлээ.

"МОНГОЛ ГАЗРЫН ТОС БОЛОВСРУУЛАХ ҮЙЛДВЭР” ТӨХХК-ИЙН ГҮЙЦЭТГЭХ ЗАХИРАЛ, ЕРӨНХИЙ

ИНЖЕНЕР Д.АЛТАНЦЭЦЭГ: Хотхон барихад 168 тэрбум зарцуулна. Тодруулбал, 2020 оны наймдугаар сард ирээд 9 сар ажиллах зардал үүнд багтсан. Мөн 2021 онд 1000 хүн, 2022 онд 8000, 2023 онд 7000 хүн ажиллах тооцоо бий. Кэмб сервис ажиллуулна гэж үзвэл хөрөнгө орууалтын хэмжээ маш их хэмжээгээр өсөх тооцоо бий . Тиймээс 450-500 тэрбум хэмнэх үүднээс 57 тэрбум төгрөгөөр хотхон байгуулъя. Ингэвэл бидэнд зардлаа хэмнэнэ. Баруун жигүүр нь хоёр давхар контейнер, дундаа оффис, фитнес зэргийг байгуулна. Цаашид Монголдоо үлдэцтэй байх үүднээс ийм шийдвэр гаргасан.

УИХ-ЫН ГИШҮҮН Б.ПҮРЭВДОРЖ:  “Гаднын зээл сайхан нэрээр орж ирдэг. Гэхдээ зээл өгсөн хүмүүс зөвлөх үйлчилгээ энэ тэрээр далимдуулж өгсөн зээлээ өөрсдөө хамаад явдагын жишээ энэ.  55 мк байрыг 800 мянгаар барина гэхээр нэг барилга 44 сая болно гэсэн. Гэтэл 2.8 тэрбум төгрөгрийг татварын чөлөөлөл өгнө гэхээр энэ тооцоо буруу юм биш үү. Дотоодын үйлдвэрлэгч, бизнес эрхлэгчдээс нэг ч хадаас авахгүй, ажилчин ажиллуулж цалин өгөхгүй. Минийнхээр нэг барилгын зардлыг 100 сая төгрөгөөр тооцсон юм шиг. Тооцоолол буруу зүйлийг зээл нэрээр оруулж ирэхээ боль. Төсвийн байнгын  дахин оруулах хэрэгтэй. Мөнгө угаах гээд байна уу.

УИХ-ЫН ГИШҮҮН Б.ЧОЙЖИЛСҮРЭН: Гишүүнээ түр хүлээж бай. Байнгын хороогоор хэлэлцэх үед гишүүдээс ийм асуудал яриагүй. Олонх дэмжээд оруул ирсэн.

Д.АЛТАНЦЭЦЭГ: Нэг байшин нийт өртөг 57.833 сая. Шууд бус зардал болон шууд зардал  гэж бий. Шууд зардлын 70 хувь 40.5 тэрбум төгрөг. Үүнээс материалын зардалд 75 хувийг нь зарцуулна. Үлдсэн нь цалин байх болно. Дотоодоос 40 хувиар тооцож барилгын материал авна. Гаалийн албан татварын хувь 5 хувь болон бусад татварыг бодохоор 2.8 тэрбум төгрөгийг гаалийн татвараас чөлөөлөх асуудал яригдаж байна. Газрын тос боловсруулах үйлдвэрийг байгуулах гэрээг анх байгуулахдаа Монгол Улс дэд бүтцээ өөрсдөө хариуцна гэсэн. Тиймээс дэд бүтцээ барихаас өөр арга алга. Гэрээний хэлэлцэрийн явцад 38 тэрбум төгрөг хэмнэсэн. Барилга барьчихвал цаашид ажилчид ашиглана. Орон сууцны хувьд 1 м.кв 800 гаар тооцоолсон. Танд тусад нь дэлгэрэнгүй тооцоололыг танилцуулъя.

Ингээд Байнгын хорооны "Батлагдсан өдрөөс хуулийн төслийг дагаж мөрдөнө" гэснийг "2020 оны нэгдүгээр сарын 1-нээс мөрдөнө" гэж өөрчлөх зарчмын зөрүүтэй саналын томьёоллоор санал хураахад, хуралдаанд оролцсон гишүүдийн 52 хувь нь дэмжсэнээр хуулийн төслийг эцсийн хэлэлцүүлэгт бэлтгүүлэхээр УИХ-ын Төсвийн байнгын хороонд шилжүүллээ. 

Г.Нацаг-Эрдэнэ