О.Гүндэгмаа 7 дахь удаагаа Олимпийн наадамд оролцоно

2019-11-08

Катарын нийслэл Доха хотод буудлага спортын насанд хүрэгчдийн Азийн аварга шалгаруулах тэмцээн энэ сарын 5-нд эхэлсэн билээ.

Энэхүү тэмцээний спорт гар бууны 25 метрийн дасгалд олимпийн наадмын мөнгөн медальт, Хөдөлмөрийн баатар, гавьяат тамирчин О.Гүндэгмаа амжилттай оролцож, “Токио-2020” олимпийн наадамд оролцож эрхээ хүртлээ.

Манай тамирчин тус тэмцээний дөрөвдүгээр байрт орохдоо 587 оноо авсан байна. Энэ дасгалд Тайландын буучин түрүүлж, Индонез, БНСУ-ын тамирчид удаалжээ.

Тэрбээр зуны олимпийн наадамд долоо дахь удаагаа оролцох эрхээ авсан нь Монголын спортын түүхэнд өмнө нь байгаагүй том амжилт юм.

О.Гүндэгмаа “Атланта-1996”, “Сидней-2000”, “Афин-2004”, “Бээжин-2008”, “Лондон-2012”, “Рио-2016” зуны олимпийн наадмуудад оролцож байв.

Б.Жаргал

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (3)

Зочин (103.212.119.238)

7- н олимт геннисийн номонд бичигдэх нь дээ

2019 оны 11 сарын 09 | Хариулах
Tsogt (66.181.170.229)

Би Гүндэгмаагийн аавтай нь 1988-1989 оны үед хамт цэргийн нисэхийн а/а-ийн 251-р ангид орон сууцны албаны даргаар ажиллаж байсан Д.Цогтбаатар гэж хүн байна. Аав нь тус ангийн Биеийн тамирын албаны дарга Монгол улсын гавъяат тамирчин /энэ цолыг сүүлд авсан/ Отряд гэдэг сайхан хүн байсан юм. Ээж нь Хишигбаяр гэдэг байхаа . Их л уран, шуба -ыг их гоё оёдог хүн байсан. Намайг санаж байгаа бол би Төв аймгийн Алтанбулаг сумын төвийн хамгийн урд хэсгийн зүүн талын хашаанд найз штурман Балжиннямтай хамт байдаг байлаа. Тэр хашаанд Энхбат, Ганболдынхтой хамт өвөлжиж, хаваржиж, зусч байсан. Манай баруун талын хашаанд улс төрийн орлогч Гомбо гуайнх байсан юм..... гээд түүх цааш хөвөрнө дөө. Цаг сайхан байж дээ. Сэтгэлд их л юм бодогдож байх юм. Залуухан ч байж дээ. Цаашид О.Гүндэгмаа гавьяатдаа өндөр амжилтыг хүсч ОЛИМПИЙН АВАРГА болохын ерөөлийг өөд өөд нь өргөн дэвшүүлъе. Эрүүл энх, аз жаргалыг ЕРӨӨЕ.

2019 оны 11 сарын 08 | Хариулах
laitain (66.181.183.39)

bolimoor yum

2019 оны 11 сарын 08 | Хариулах