Коронавирусний омикрон хувилбар европын хүн амын дунд амын тунд өргөн тархаж байна. Ганцхан сарын дараа гэхэд европт бүрэн зонхилно гэсэн албан мэдээлэл гарсан. Энэ нь улс орны удирдагчдын санааг зовоож буй гол асуудал. Омикрон хувилбар нь коронавирусний анхны болон дельта хувилбараас 70 дахин хурдан үрждэг гэсэн судалгаа байна. Гэтэл Европын холбооны хүн амын 66 хувь нь бүрэн тунд хамрагдаад буй юм. Тус энэ аюулт өвчнөөс сэргийлэх ганц арга зам нь вакцин. Тэгвэл омикрон хувилбар гарснаас хойш зарим улс оронд ямар хариу арга хэмжээ авч буйг хүргэе.
Австри улсад FFP2 маск хэрэглэх шаардлага тавьжээ
Австри улс "2G" үнэмлэхтэй хүмүүст зориулан хөл хориог цуцалсан байна. Энэ нь COVID-19-ийн эсрэг вакцин хийлгэсэн болон саяхан өвдөөд эдгэрсэн хүмүүст хамааралтай юм байна. Гэрчилгээгүй хүмүүс зөвхөн ажилдаа явах болон нэн чухал зорилгогүй бол гэрээс гарахыг зөвшөөрөхгүй байгаа гэж мэдээллээ. Мөн нийтийн тээвэр, хаалттай орчинд FFP2 маск хэрэглэх шаардлага тавьж байгаа гэв.
Англид паб, ресторануудад Христийн мэндэлсний баярыг өргөн тэмдэглэхийг цуцлав
Тус улсад хоногт коронавирусний 88.376 тохиолдол батлагджээ. Энэ нь өмнөх өдрүүдээс 10 мянга давсан сөрөг үзүүлэлт юм. Омикрон хувилбар ч тус улсад бүртгэгдсэн. Английн эмч, эмнэлэгийн ажилтнуудад ачаалал эрс нэмэгдэж буй нь лавтай. Тус улс иргэдийг баяр ёслолын арга хэмжээгээ хязгаарлахыг уриалж, паб, ресторануудад Христийн мэндэлсний баярыг өргөн тэмдэглэхийг цуцалжээ.
Норвегид олон нийтийн арга хэмжээг 50 хүнээр хязгаарлалаа
Хоёр хоногийн өмнөөс эхлэн тус улсад эрчимтэй тархаж буй коронавирусний халдварыг бууруулах зорилгоор айл гэрээрээ цугларах хүний тоог 10-аас хэтрэхгүй байх хязгаар тогтоожээ. Тус улсын Засгийн газраас гаргасан шинэ журамд олон нийтийн арга хэмжээг 50 хүнээс хэтрэхгүйгээр хоорондоо зай барих байдлаар зохион байгуулахаар заасан байна. Энэхүү шинэ журам нь дөрвөн долоо хоног үргэлжлэхээр төлөвлөж байгаа боловч Христийн мэндэлсний баяр болон Шинэ жилийн өмнөх өдөр айл гэрээрээ цугларахад зөвшөөрөгдсөн хүний тоог 20 хүртэл болгон нэмэгдүүлэх аж.
Б.Жаргал
