УОК-ын Нарийн бичгийн дарга Т.Баярхүү мэдээлэл хийлээ. Тэрбээр “Өнөөдрийн байдлаар дэлхийн 114 оронд коронавирусний Омикрон хувилбар батлагдсан байна. Омикрон хувилбар тархсан улс оронд коронавирусний халдварын батлагдсан тохиолдол нэмэгдэж байна. Дельта давалгааны үед өдөрт 40 мянган тохиолдол бүртгэгдэж байсан улс оронд өнөөдөр 100 мянгаас дээш бүртгэгдэх мэтээр эрсдэлтэй байдал үүсэж байгаа учраас УОК-оос Халдварт өвчин судлалын үндэсний төв, Эрүүл мэндийн яамны саналд үндэслэн гадаадаас ирэх иргэдийг гурав хоног тусгаарлаж, шинжилгээнд хамруулах шийдвэр гаргасан. Тусгаарлах зохион байгуулалтын явцад алдаа гарсан байна.

Энэ тал дээр УОК анхаарч, засаж залруулахаар ажиллаж байна. Манай зохион байгуулалтын ажилтнууд алдаа гаргасан. Гадаадаас ирсэн иргэдийг тусгаарлахдаа удаан хугацаагаар хүлээлгэсэн асуудал гарсан. Энэ дагуу Шадар сайдын зүгээс үүрэг чиглэл өгч, зарим хүнд хариуцлага тооцсон. Арваннэгдүгээр сарын 26-наас хойш гадаадаас нийт 300 тохиолдол орж ирсэн байна. Шинжилгээ тандалтын явцад илэрсэн. Тусгаарлалтын явцад алдаа гарсан зүйлийг хүлээн зөвшөөрч, иргэдээсээ уучлалт хүсэж байна.

Б.Жаргал