“Хөх Монгол” бүлгэм, “Даяар Монгол” хөдөлгөөнөөс цаг үеийн асуудлаар мэдээлэл хийлээ. Энэ үеэр “Хөх Монгол” бүлгэмийн ахлагч Д.Гансүрэн тайлбар хийлээ. Тэрбээр “Монголын ард түмэн та бүхний мэдэж байгаа. Хэний даалгавараар, юуны төлөө жагсаж байгааг чинь мэдэж байгаа шүү. Монголхүү, Одбаяр аа. Би Монголын залуустаа хандаж хэлье. Хот айл муудалцахад холын дайсан баярладаг юм. Улсыг тогтворгүй болгох үймээн самуунд уруу татах чинь эцэстээ эгэл жирийн аавын хүүхэд, ард иргэд хохирдог шүү. Ингэж турхирчихаад сүүлд нь хаяад явдаг шүү. Арчаагаа алддаг шүү. Битгий тэгж өөдгүй ах нарыгаа дуурайгаарай. Та нар “NO Naadam” гээд Монголчуудын наадмыг хийлгээгүй. Монголын гэсэн өв уламжлал, үнэт язгуур зүйл рүү халдаж байгаа. Тэрийг чинь харж л байна. Та нар удахгүй “NO Tsagaan” гэх үү. Тийм акц та нарт байгаа даа. Ингэж монголчуудыг хагалахгүй ээ. Төр төмөр нүүрээ харуулаач ээ. Хүчний байгууллагынхан яагаад хараад зүгээр суугаад байна вэ. Энэ хүмүүс яагаад Казахстаны араас гэнэт идэвхижив" хэмээн хэллээ.

Б.Жаргал