Иргэн Д.Энхсайхан Хөгжлийн банкны асуудлаар ерөнхийлөгч У.Хүрэлсүхэд шаардлага хүргүүлэх талаар мэдээлэл  хийлээ. Тэрбээр “Хөгжлийн банкны 1,7 их наяд төгрөгийн чанаргүй зээлийн асуудал бол хүнд асуудал. Энэ мөнгө гадаадад далайн эрэг дээр хаус болсон байгаа. Казино руу явсан байгаа. Монголд үнэтэй машин, хаус болсон байгаа юм аа. Өнгөө хувиргаад бизнес болсон байна. Монгол улс үнэхээр хүнд байдалд орлоо. Тиймээс үндэсний аюулгүй байдлын зөвлөлийн тэргүүн У.Хүрэлсүхэд шаардлага хүргүүлж байна. Монгол улсын Үндэсний аюулгүй байдлын бүрэлдэхүүнд арав гаруй хүн бий. 1,7 их наяд төгрөгийн дээрэм, мөн энэ мөнгө төлөгдөхгүй бол 2022 оны аравдугаар сард төлөх фонтын мөнгийг төлж чадахгүйд хүрнэ. Үүнээс улбаалаад иргэд үүнийг татварын мөнгөөрөө төлнө. Тиймээс эдийн засгийн аюулгүй байдал бол ноцтой асуудал. Тиймээс үндэсний аюулгүй байдлын зөвлөлийг хуралдуулж яаралтай арга хэмжээ аваач ээ хэмээн шаардлага хүргүүлж байна. Мөн Их хурлын дарга Г.Занданшатар, Ерөнхий сайд Л.Оюун-Эрдэнэ нарт нийтийн сонсголын тухай хуулийг хоёр гурван удаа л хэрэглэсэн байх. Хуулийг ашиглахгүй юм бол яах гэж гаргадаг юм. Энэ хуулийг ашиглаж, ард түмэнд мэдэх эрхийг нь олгож, нийтийн сонсголын хуулийг зохион байгуулахыг шаардаж байна. Дараагийн асуудал бол УИХ-ын гишүүн Б.Баттөмөрөөр ахлуулсан ажлын хэсэг ажлаа шуурхай хийх хэрэгтэй. Хэрэв энэ шаардлагыг биелүүлэхгүй бол ард түмэн хогийн савтайгаа гарч ирэх хэрэгтэй. Тэгээд энэ ордонд сууж байгаа луйварчин, дээрэмчдийг чирч гаргаж ирээд хогийн сав руугаа чихэх хэрэгтэй.  Энэ дээрмийн асуудлыг Монголын ард түмэн мартах ёсгүй” гэлээ.