Энэ амралтын өдрүүдээр хаана, юу болох бол? найз нөхөд, гэр бүлээрээ цагийг өнгөрөөхөд тохиромжтой тоглолт болон жүжиг энэ өдрүүдэд тоглогдох бол, бөхийн барилдаан шимтэн үздэг бөх сонирхогчдод дуулгах таатай мэдээтэй.
"Бат-Очирын Ичинхорлоогийн нэрэмжит" бөхийн барилдаан
Хаана: Монгол бөхийн өргөөнд
Хэзээ: 2022.02.26 12:00 цагт
Тасалбар: 10,000 төгрөг
Тайлбар: Ховд аймгийн Манхан сумын харьяат, Аймгийн хурц, бадрангуй, хичээлт арслан Бат-Очирын Ичинхорлоогийн нэрэмжит аймаг, цэргийн цолтой болон залуу 256 бөхийн барилдаан болно.
Монгол, Японы Поп соёлын өдөрлөг
Хаана: The Corporate hotel and convention centre,
Хэзээ: 2022.02.26 12:00 цагт
Тасалбар: 12,000 төгрөг
Тайлбар: Монгол дахь хамгийн том, албан ёсны япон поп фестиваль “Монгол, Японы Поп Соёлын Өдөрлөг - 2022" нэртэйгээр 10 дахь жилийн ойгоо угтаж байна. Монгол Улс, Япон Улсын хооронд дипломат харилцаа тогтоосны 50 жилийн ойг “Монгол, Японы хүүхэд, залуучуудын найрамдал, солилцооны жил” болгон зарлах санаачилга дэвшүүлсэнтэй холбогдуулан 2022 оныг “Монгол, Японы хүүхэд залуучуудын найрамдал, солилцооны жил” болгож, жилийн турш тэмдэглэн өнгөрүүлэхийг төлөвлөж байна.
Монгол Улсын начин цолны хүндэтгэлийн барилдаан
Хаана: Монгол бөхийн өргөөнд
Хэзээ: 2022.02.27 12:00 цагт
Тасалбар: 20,000 төгрөг
Тайлбар: Монгол улсын улс, аймгийн алдар цолтой 256 бөхийн барилдаан болно.
"Анна Каренина" сонгодог жүжиг
Хаана: Улсын драмын эрдмийн театр
Хэзээ: 2022.02.27 17:00 цагт
Тасалбар: 25,000-60,000 төгрөг
Тайлбар: Оросын сонгодог уран зохиолч Лев Толстойн “Анна Каренина” романыг бид Ш.Очирбат гуайн орчуулгаар уншиж байсан бол зохиолч Н.Пүрэвдагва жүжгийн зохиол болгосноор найруулагч Н.Наранбаатар найруулан жүжгийн хэлбэрээр 2020 онд тайзны жүжиг болж үзэгчдийн хүртээл болсон. Тэгвэл энэ сард дахин тайзнаа тоглогдож байна.
Т.Мөнхжаргал
