Гадаад харилцааны яамны Консулын газрын захирал Б.Болд Украин Улс дахь иргэдийг татан авах талаар цаг үеийн мэдээлэл өглөө. Тэрбээр "Өнөөдөр Монгол Улсын дөрвөн иргэн Бүгд Найрамдах Польш Улсын хилээр нэвтэрсэн, удахгүй Варшав хотруу хөдөлнө. Нэг иргэнийг Бүгд Найрамдах Польш, Украины хилийн зурвасаас очиж авсан. Киев хотоос 13 Монгол иргэн Украины хил рүү ирж байгаа ба Бүгд Найрамдах Чех Улс болон Унгар дахь элчин сайдын яамны ажилтнууд Польшийн хил дээр ирээд байна. Нэмэлтээр туслалцаа болох үүднээс Орос, Польш хэлтэй ажилчдын Гадаад харилцааны яамнаас Варшав хотруу явууллаа. Хүсэлт өгснөөс бусад буюу хотод үлдсэн иргэдийн тухайд, Киев хотод дөрвөн иргэн, Харьковт 23 иргэн, Кировоградад хоёр иргэн байгаа ба удахгүй Бүгд Найрамдах Польш Улсын хил рүү татаж авахаар ажиллаж байна. Харьков хотын эргэнд тойронд цэргийн ажиллагаа явагдаж байгаа у чир иргэдээ татах боломжгүй байна. Байдал намжтал овутны байр, хоргодох газартаа байж байгаарай гэсэн зөвлөмж өгсөн. Киев хотод оршин суугаа оюутантай холбогдсон. Тэрээр нөхцөл байдал харьцангуй намжсан хоргодох байрнаас гарч оюутны байранд очсон талаар мэдээллийг өглөө. Мөн Элчин сайдын яаманд бүртгэлгүй иргэд нутаг буцах хүсэлтээ нэмж өгсөөр байна. Үүнтэй холбоотой бичиг баримтын асуудал хүндрэл үүсгэж байгаа хэдий ч газар дээр нь шийдэж ажиллаж байна" гэв.

Т.Мөнхжаргал