Иргэний Нисэхийн Ерөнхий Газрын даргын үүргийг түр орлон гүйцэтгэгч С.Мөнхнасан дараах мэдээллийг өглөө. Тэрбээр "Сүүлийн гурав хоногт 120 орчим нислэг манай улсын агаарын урсгалаар өнгөрлөө. Энэ нь өнгөрсөн долоо хоногтой харьцуулахад 50 орчим хувиар буурсан үзүүлэлттэй байна. Олон улсын нисэхийн байгууллагууд агаарын орон зайн хязгаарлалт хийж байгаагаас шалтгаалж ийнхүү буурсан үзүүлэлттэй байна. Манай улсын хувьд агаарын орон зай нээлттэй хэвээрээ байна. ИНЕГ-аас өдөр тутмын хоногийн нислэг төлөвлөлтүүд болон олон улсын агаарын тээврийн өвөл, зуны нислэгийг батладаг. Тиймээс өнгөрсөн хоёрдугаар сарын 16-нд энэ зуны улиралы буюу гуравдугаар сарын 27-оос аравдугаар сарын 30-.ны агаарын тээврийн нислэгийн хуваарийг баталсан. Хөшигтийн хөндийн нисэх буудал жилдээ 12,000 тонн ачаа тээвэр, карго терминал хүлээн авах чадалтай. Ковидын нөхцөл байдлаас шалтгаалан карго тээврийн ачаалал нэмэгдэж байна. Өнгөрсөн арванхоёрдугаар сарын байдлаар Чингис Хаан олон улсын нисэх буудал 1,200 орчим тонн ачаа тээвэр хүлээн авсан. Карго тээврийг нэмэгдүүлэхэд барилга байгууламжаас төрийн хяналтын байгууллагуудын хүчин чадлыг нэмэгдүүлэх, гадна агаарын хөлгийн зогсоолыг нэмэгдүүлэх шаардлагатай. Япон Монголын хамтарсан менежментийн баг энэ судалгааг хийж байна.

Үндэсний агаарын тээврийн байгууллагууд өнгөрсөн хугацаанд хүнд байдалд орсон нь үнэн. Сүүлийн гурван сарын хугацаанд зорчигч тээвэр, ачаа тээврийн урсгал харьцангуй  нэмэгдсэн хэдий ч агаарын тээврийн байгууллагуудад шууд нөлөөлөхүйц үр дүн харагдахгүй байна" гэв.

Т.Мөнхжаргал