Кофе шопт танихгүй охины толгой дээр халуун кофе асгасан хэрэг уржигдар гарсан. Халуун кофе асгасан эмэгтэй нь 22 настай, МУИС-д хуульч мэргэжлээр суралцдаг А байсан билээ.

Тэрбээр өмгөөлөгч Г.Батбаярын охин бөнөөд өөрийн сошиал хуудсаараа дамжуулан “уучлалт гуйхгүй” гэдгээ мэдэгджээ. Тэрбээр,

“Коммунист нийгэмд амьдарч байгаа биш шүү энэ чинь ардчилсан нийгэм

Кофе асгах үгүй нь хүний эрхийн чөлөөтэй болсон асуудал

Концерт тоглолт үзсэн мэт хүн бүхэн л ам амандаа шаагилдан хашигаралдаж

Коммент сэтггэгдлүүд ар араасаа намайг л бүгд зүхэж байна!!!

Манай аав угаасаа л олны танил мундаг өмгөөлөгчөөр ажилладагийг

Мангар л биү бол Монголчууд бүгдээрээ л мэддэг болцогоосон нь дээр

Мандан бадарч ааваараа онгирч явах ид залуу насандаа

Магадгүй би буруу зүйл хийсэн байж болно гэхдээ намайг тайван орхиорой зүгээр!!!

Хууль шүүхийн чиглэлээр угаасаа би суралцаж байгаа

Хургаж эмээн айж сандраад байх зүйл надад, үнэндээ ч алга байна

Хувь тавиланг минь авраад луусанд явуулчихгүй аваад үлдчих

Худал хуурмагаар дүүрсэн шүүхийн бохир салбарт би бүрэн итгэлтэй байгаа!!!

Аавын охин хүссэнээ л хийдэг шударга үнэн эрх чөлөөтэй 

Ардчилсан нийгэмд үүрд мөнх мандан бадарч л явах учраас

Айж сандран хулчиганаж хийсэн үйлдэлдээ уучлал гуйхгүй ээ

Алаг дэлхийд алдар нэр эрх мэдэлтэй нь л зөвхөн хождог юм!!! дийлдэг юм!!!

Монгол улсын өмгөөлөгч Г.Батбаярын охин А” гэжээ.