БХБЯ-ны удирдлагууд цаг үеийн асуудлаар мэдээлэл хийлээ.

Барилга, хот байгуулалтын дэд сайд Э.Золбоо,“БХБЯ-ны барилгын материалын үйлдвэрлэлийн хэлтэс цементийн үнэ дээр дүгнэлт шинжилгээ хийсэн. Үнэ 20 гаруй хувиар өсөхийн хувьд  бол өссөн байна. Үнийн өсөлтийн нарийвчилсан, тодорхой судалгаа, шалгалтыг ШӨХТГ хийнэ. Сошиал орчинд дотоодын компаниуд үнээ өсгөсөн юм чинь гаалиа тэглээд Хятад цементээ оруулж ир” гэж байна. Монголд хоёр том үйлдвэр цементийн үйлдвэр ашиглалтад орсноор маш том хөрөнгө оруулалт болсон.

Дайнтай ковидтой ямар ч үед бид цементтэй, үйл ажиллагаа явуулах боломжтой байсан. БНХАУ-д цементийн яг адилхан үнэтэй байгаа.  Тонн нь 550-750 юаны хооронд хэлбэлзэж байгаа. Дээрээс нь гааль, татвар нэмэгдэнэ. Тэгэхээр бид цаашдаа цементээ дотоодоосоо ашиглаж үйлдвэрээ дэмжих ёстой. Үйлдвэрүүд маань харин үнээ нэмэхээр бол  яаманд мэдэгдэж явах хэрэгтэй. Үнэхээр бодит өсөлтийг бол бид яаж ч чадахгүй шүү дээ. Гэхдээ үнийн тогтвортой байдлыг хангаж ажиллах ёстой. Маргааш бид цемент үйлдвэрлэгч нартайгаа уулзаад дараа нь шадар сайдтай зөвлөлдөнө” гэв.