Хөгжлийн төсөл хөтөлбөртэй холбогдуулан Засгийн газраас хийсэн мэдээллийг эрс буруушааж Монголын Хүний эрхийн төрийн бус байгууллагуудын форумаас мэдээлэл хийж байна. Энэ үеэр Хүний эрхийн форумын удирдах зөвлөлийн гишүүн Ш.Ариунаа мэдээлэл өглөө.

Тэрбээр “Монгол Улсын засгийн газраас стратегийн бүтээн байгуулалтыг аль нэг иргэний нийгмийн байгууллага ард түмний нэр барьсан тооцоо судалгаагүйгээр ярьж тасалдуулахын хорлон сүйтгэх гэсэн зүйлчлэлээр өргөдөл гомдлыг хууль хяналтын байгууллагат өгч шалгуулах, алдагдсан боломжийн өртгийг нэхэмжилнэ хэмээн мэдээлэл хийсэн. Энэхүү мэдээлэл нь Монгол Улсын үндсэн хууль, олон улсын гэрээгээр хамгаалагдсан үзэл бодлоо чөлөөтэй илэрхийлэх, мэдээлэл хайх, олж авах, түгээх эрхийг зөрчиж, иргэний дуу хоолойг төрийн зүгээс боомилж байна.

Ардчиллын амин сүнс болох нээлттэй ил тод байдлыг үгүйсгэж байна. Энэ нь НҮБ-ын гишүүн орны хувьд олон улсын хамтын нийгэмлэгийн өмнө хүлээсэн үүргээсээ ухарсан явдал юм. Хүний эрхийг удаа дараа амлалт авсан эрх баригчид үүнийг залруулах үйлдэл хийсэнгүйд харамсаж байна.

Монгол Улсын иргэн аливаа хөтөлбөрт төслийн байгаль орчин, хүн амьтны эрүүл мэндэд учирч болзошгүй сөрөг нөлөөлөл, түүний талаарх мэдээлэлтэй танилцах эрхтэй. Мөн энэ талаар олон нийтэд мэдээлэх үүргийг төр өөрөө хүлээдэг.

Иймд малаа хаана бэлчээх вэ, хэрхэн аюулгүй зөрчих вэ, Монгол Улсын хөгжлийг юугаар хэмжих вэ гэж асууж, үг хэлснийхээ төлөө хорлон сүйтгэгч хэмээн цоллуулж, ял шийтгэл хүлээхээр болж байгаа нь үндсэн хуулийн зарчмыг гажуудуулж байна.

Иймд хүний эрхийн форумаас Монголын хүний эрхийн ТББ-уудын форумаас хөгжлийн төсөл хөтөлбөрүүдтэй холбогдуулан Засгийн газраас хийсэн мэдээллийг эрс буруушааж, шаардлага шаардлага хүргүүлж байна” гэв.

Д.Батчулуун