Элсэлтийн ерөнхий шалгалтын үр дүнг Боловсролын Үнэлгээний төвийн дарга Д.Ганбат танилцуулж байна. 

Тэрбээр "ЭЕШ өгсөн бүх хүүхдийн дүн блокчейн системд байгаа тул их дээд сургуулийн зүгээс элсэлтийг хийхдээ шалгуулагчийн мэдээллийг шууд тэндээс нь татаж авах боломжтой гэдгээрээ давуу талтай. ЭЕШ-ын үр дүн тайланг систэмд тавигдана. Иймд аймаг дүүргүүд өөрсдийн шалгуулагчдын ЭЕШ-ын дүн оноонд дүн шинжилгээ хийж, юун дээр алдсан эсэхийг харах боломжтой. 

Улсын хэмжээнд 47 шалгалтын байран дээр 2460 орчим комиссын гишүүд ажилласан. Энэ жилийн элсэлтийн ерөнхий Нийт 93276 шалгалтад 31874 шалгуулагч буюу 92,6 хувийн ирцтэй байна. 

Математикийн хичээлээр хамгийн их буюу 21112 шалгуулагч шалгалт өгсөн. Харин Орос хэлний хичээлийг 787 шалгуулагч шалгалт өгсөн байна. Өнөөдрөөс эхлэн шалгуулагчид Батламжаа хэвлэн авах боломжтой.

Мөн Монгол хэлбичгийн шалгалтын дахин шалгалт наймдугаар сард зохион байгуулна. Найман хичээлийн шалгалтын дүн өмнөх жилээс буурсан үзүүлэлттэй байна. Гэхдээ энэ нь уралдаант шалгалт буюу эрэмбэлэх зориулалттай тул үүгээр боловсролын чанарыг шууд дүгнэх боломжгүй ч үндэсний хэмжээнд зохион байгуулагдаж байгаа шалгалт гэдэг утгаараа дунд сургуулийн төгсөгчдийн түвшинг харж болохоор байна.

Өргөдөл гомдолууд тодорхой хэмжээнд гарч байна. Өнөөдрийн байдлаар 150 гаруй өргөдөл, гомдол ирсэн байна. Энэ 150 гомдол бол 100 хувь шалгалтынхаа дүн оноонд сэтгэл хүрэхүй, шалгалтын материалтай тнилцах тухай өргөдлүүд байгаа. Дүн оноотойгоо санал нийлэхгүй байгаа тохиолдолд шалгалтын материалыг гар аргаар шалгаж болно. 100 оричм шалгуулагчийн гомдолыг шийдвэрлэсэн. Нэг ч шалгалтын хариу зөрөөгүй" гэв. 

Д.Батчулуун