Хуульч, өмгөөлөгчид, иргэний нийгмийн байгууллагууд, сэтгүүлчид нэгдэн нийтийн эрхийг зөрчиж буй фактууд дээр ажиллаж эхэлж байгаа талаар мэдээллээ.
Энэ үеэр "Нийтийн эрхийн өмгөөллийн сүлжээ" ТББ-ын үүсгэн байгуулагч, удирдах зөвлөлийн гишүүн, сэтгүүлч Б.Отгон, “Өнөөдөр бид асуудлуудыг нийгэмд гаргаж тавьдаг ч эцсийн үр дүн, шийдэл нь юу вэ гэдэг нь орхигдоод, тодорхойгүй үлдчихээд байна. Тиймээс энэ орхигдсон талбайг хмагаалах, хувь нэмрээ оруулах үүднээс сэтгүүлчид хамтарч байна.
Хамгийн гол нь тухайн үед энэ газар нутагт ашигт малтмал хайж олборлосон компаниуд дандаа төрийн өндөр эрх мэдэл, албан тушаалтнуудын хамаарал бүхий компаниуд байсан юм. Тэр газар орныг хамгаалах тухай хууль гарчхаад байхад өөрсдөдөө зориулаад дагаж мөрдөх журмын тухай хууль гэх мэт хууль журам гаргаад хуулийг замхруулж, гажуудуулсан зүйлс бий.
Тухайн газрыг нөхөн сэргээхгүй байгаа нь бас төрд байгаа хүмүүсийн хувийн эрх ашигтай холбоотой гэж харж байна. Бид нар нэгдэж байгаа нь л энэ болохоос биш олон жил энэ асуудалтай тэмцэж байгаа. Тэр сүйтгэгдэж байгаа байгаль, хууль бус уурхай дээр ТББ болон өмгөөлөгч, сэтгүүлч бид нар олон жил хамт ажиллаж байна. Иргэд бидэнтэй нэгдээд бичиг цаасаа өгөөд дээшээ мэдүүлсэн ч энэ бүх хууль бус үйлдлийн ард эрх мэдэлтнүүд өөрсдөө байсан эмгэнэлтэй зүйл байгаа учраас бидний ажил мухарддаг тул бид цаашид нэгдээд, илүү хүчтэй, хяналттайгаар хамтарч ажиллах ёстой гэж үзсэн” гэв.
