ОБЕГ-аас Улаанбаатарт болсон их үертэй холбогдуулан тогтмол зөвлөмжүүдийг хүргэж байгаа билээ. Тэгвэл энэ удаа СӨХ-нуудад дараах зөвлөмжийг хүргүүлж байна.

• Үйлчилгээний ажилчдын цэвэрлэгээнд хэрэглэх хувцас хэрэглэл, бээлий, халдваргүйжүүлэх бодис, цэвэрлэгээний бодис, алчуур, хувин зэргээр хангах,
• Халдваргүйжүүлэх бодисын хэрэглэх арга, аюулгүй ажиллагааны талаар сургалтад хамруулах,
• Цахилгаан шатны дэргэд гар халдваргүйжүүлэх бодис байршуулж, тогтмол цэнэглэж байх,
• Орон сууцны шал орцны хаалга, шатны бариул, цахилгаан шат, цахилгаан шатны товчлуур зэргийг ахуйн хэрэглээний цэвэрлэгээний бодистой уусмалаар арчиж цэвэрлэх,
• Орцонд ил задгай хог хаягдал хаяхгүй байх, уутны амыг боож хаях,
• Долоо хоногт нэг удаа оршин суучдыг амарсны дараа хүний гар байнга хүрдэг гадаргууг 0.015%-ийн жавелионы уусмалаар арчих, эсвэл ширших ба халдваргүйжүүлэлт хийснээс хийш 1 цагийн дараа их цэвэрлэгээ хийх,
• Айл өрх албан байгууллагууд үерийн улмаас үүсч тогтсон хог хаягдал, шавар шавхайг яаралтай цэвэрлэн зайлуулах,халдваргүйжүүлэлт хийлгүүлэх,
• Хариуцсан ажилтан нийтийн хог хаягдлыг хуваарийн дагуу тогтмол ачуулж цэвэрлэх,
• Бага насны хүүхдийг хараа хяналтгүй орхихгүй байх, үер болох талбайд хүүхэд тоглуулахгүй байх.

Мөн цэвэрлэгээ, халдваргүйжүүлэлттэй холбоотой дараах зүйлсийг анхаарна уу.

• Халдваргүйжүүлэх бодисыг хүүхдээс хол байлгах,
• Хэт мэдрэг харшилтай бол халдваргүйжүүлэх бодисыг болгоомжтой хэрэглэх,
• Халдваргүйжүүлэх бодисыг найруулахдаа үйлдвэрлэгчээс гаргасан зааврын дагуу найруулж хэрэглэх,
• Халдваргүйжүүлэлт хийх явцад хамгаалах хувцас хэрэгслүүдийг бүрэн бүтэн байдлыг алдагдуулахгүй байх /амны хаалт, нүүрний хаалт, бээлий зэргийг тайлахгүй, оролдохгүй байх