МОНГОЛЫН МЯНГАНЫ СОРИЛТЫН САН

(МОНГОЛЫН МСС)

НЭЭЛТТЭЙ АЖЛЫН БАЙРНЫ ЗАР

Дуусах цаг, огноо: 2023 оны 8 дугаар сарын 04-ний өдрийн 17.00 цаг

1. ЗАХИРГААНЫ ТУСЛАХ АЖИЛТАН

Захиргааны туслах ажилтан нь Оффисын менежерийн шууд удирдлага дор Монголын МСС-ийн захиргаа, аж ахуйн туслах ажлыг гүйцэтгэнэ.

Үндсэн ажил үүрэг

• Монголын МСС-ийн захиргааны ажлын урт болон богино хугацааны төлөвлөгөөг боловсруулахад оролцох.
• Монголын МСС-ийн холбогдох албан тушаалтнууд болон МСК зэрэг холбогдох байгууллагатай санал солилцсоны үндсэн дээр байгууллагын аюулгүй байдлын бодлого, дүрэм журмыг боловсруулж, тухай бүр шинэчлэхэд Оффисын менежерт туслалцаа үзүүлэх.
• Монголын МСС-ийн захиргааны бодлого, дүрэм, журмыг боловсруулж, тухай бүр шинэчлэхэд Оффисын менежерт туслалцаа үзүүлэх.
• Монголын МСС-ийн ажлын байрны бэлэн байдал, зохион байгуулалт, засвар үйлчилгээ болон бусад хэрэгцээ шаардлагыг шуурхай хангаж ажиллах.
• Монголын МСС-ийн эд хөрөнгийн (тоног төхөөрөмж, тавилга, бичгийн хэрэгсэл г.м) зохист хэрэглээг ханган, засвар үйлчилгээг хариуцан гүйцэтгэх.
• Эд хөрөнгийн бүртгэлийг зохих журамд нийцүүлэн, сайн туршлагад суурилан хөтөлж, тухай бүр шинэчлэх.
• Аливаа үйлчилгээ, бараа материалын хангамж, нийлүүлэлтийг зохих бодлого журмын дагуу гүйцэтгэх.
• Албан байрыг бусад этгээдтэй хамтран эзэмшиж байгаа тохиолдолд дундын аливаа өмчийн ашиглалт болон аюулгүй байдал, эрүүл ахуйг хангах чиглэлээр нягт хамтран ажиллах.
• Захиргаа, аж ахуйн аливаа мэдээллийг Оффисын менежер болон Захиргааны асуудал хариуцсан захиралд тухай бүр зохих ёсоор хүргэж, ажлын явцыг тогтмол мэдээлж байх.
• Оффисын менежерт ажлын явц болон тулгамдаж буй хүндрэл бэрхшээлийг тогтмол мэдээлж байх.
• Монголын МСС-ийн зочдыг хүлээн авахад шаардлагатай бэлтгэл ажилд оролцож, туслалцаа үзүүлэх.
• Оффисын менежер болон Захиргааны асуудал хариуцсан захирлаас өгсөн бусад ажил үүргийг тухай бүр гүйцэтгэх.

Шалгуур үзүүлэлт

• Боловсрол:Бизнесийн удирдлага, байгууллагын хөгжил болон менежмент,санхүү, нягтлан бодох бүртгэлийн болон ижил төстэй бусад чиглэлээр бакалаврын буюу түүнээс дээш зэрэг эзэмшсэн байх.
• Ажлын туршлага:Оффисын захиргаа, аж ахуй, нарийн бичиг буюу түүнтэй ижил төстэй чиг үүрэгтэй ажлын гурваас (3) доошгүй жилийн туршлагатай байх.
• Хэлний мэдлэг:Монгол, англи хэлний бичгийн болон ярианы өндөр чадвартай (англи хэлний ILR Level 3 буюу түүнээс дээш чадвартай) байх.

АЖЛЫН БАЙРАНД ХАМААРАХ ҮНДСЭН УР ЧАДВАР:

• Зохион байгуулалт сайтай, үр дүнг чухалчилсан хандлагатай бөгөөд Компакт гэрээний стратеги, зорилтуудыг ажлын тодорхой төлөвлөгөө болгон буулгах.
• Нэгдмэл зорилгын төлөө багийн бусад гишүүдтэй уялдаа холбоотойгоор нягт хамтран ажиллаж, холбогдох талуудтай итгэлтэй, түншийн харилцаа тогтоох.
• Болзошгүй сорилтуудыг урьдчилан харж, оновчтой шийдэл санал болгох.
• Монгол, англи хэлээр баримт бичиг боловсруулах чадвартай байх.
• Microsoft Office болон ажлын байр тус бүрт хамаарах мэргэжлийн програм хангамжийг сайтар эзэмшсэн.
• Цаг үеийн асуудлуудыг шуурхай ойлгож, асуудал шийдвэрлэх, олон ажлыг нэг дор гүйцэтгэх хувийн зохион байгуулалт сайн байх.
• Ачаалал даах, ажлаа үр дүнтэйгээр зохион байгуулж, төлөвлөх.
• Өөрийн болон бусдын ажлыг гүйцэтгэхэд шаардлагатай мэдээлэл, тоо баримтыг боловсруулан дүн шинжилгээ хийж, шийдвэр гаргах.

ХОЛБОГДОХ ХАЯГ:

Англи хэлээрх намтар (Curriculum Vitae), ажил горилох тухай захидал (“Cover Letter”), дипломны хуулбар болон шаардлагатай гэж үзсэн бусад материалыг hr@mca-mongolia.gov.mn э-шуудангаар ирүүлнэ (АЖЛЫН БАЙРНЫ НЭРИЙГ ТОДОТГОНО).

Сонгон шалгаруулалтын талаарх мэдээллийг ажлын цагаар 7711-1710 утсаар авна уу.

Сонгон шалгаруулалтын аливаа (өргөдөл гаргах, ярилцлагад орох, тайлан боловсруулах, сургалтад хамрагдах зэрэг) шатанд Монголын МСС болон түүний аливаа төлөөлөлд хураамж, төлбөр төлөхгүй болно.