Энэ оны НӨАТ-ын хоёрдугаар улирлын буцаан олголт авах иргэдийг энэ сарын 8-ны 23:59 цагаас өмнө баримтуудаа бүртгүүлэхийг Татварын ерөнхий газраас санууллаа.
Албан татвар төлөгчид буцаан олголтыг дараах нөхцөл, шаардлагыг бүрэн хангасан тохиолдолд олгоно. Үүнд:
- Албан татвар суутган төлөгчөөс худалдан авсан байх;
- Худалдан авалт татварын албанд бүртгэгдсэн байх;
- Албан татвар ногдсон бараа, ажил, үйлчилгээ байх;
- Бүртгэлийн хэрэгсэл буюу бүртгэлийн машинд бүртгэгдсэн байх.
Энэ оны нэгдүгээр улирлын НӨАТ-ын буцаан олголт 80.9 тэрбум төгрөгийг өнгөрсөн дөрөвдүгээр сарын 29-өөс иргэдэд олгосон бөгөөд 24,153 иргэн буцаан олголтоороо 378 сая төгрөгийн хөрөнгийн татвараа төлжээ.
