Хятадын Баруун Хойд хэсэгт орших Шинжаан мужид интернэтээр цуурхал тараасны улмаас 400 гаруй хүн шалгагдаж байгаа талаар тус улсын хэвлэлүүдэд нийтэлжээ. Өнгөрсөн зургадугаар сарын 26-наас наймдугаар сарын 31-нийг хүртэл 110 хүнийг саатуулж, 164 хүнд сануулга өгсөн байна. Тэднийг шашны хэт үзэл дэлгэрүүлж, сүрдүүлэг бүхий материал тараасан тухай мэдээлжээ. Шинжаан муж нь муслим, уйгаруудын эх нутаг нутаг бөгөөд эрх мэдэл, шашны мөргөлдөөн байнга гарсаар ирсэн юм.

  “Xinjiang Daily” сонин орон нутгийн коммунист намын хороонд хамаардаг тул Шинжаанд интернэт хэрэглэгчдийн тоо хурдацтай нэмэгдэж байгаа нь онлайнаар шашны хэт үзлийг дэвэргэж байгаа талаар мэдэгдсэн байна. Мөн хэрэгтнүүд онлайнаар дамжуулан хүчирхийллийг өдөөн хатгаж, цуурхал тараах нь ихсэж байгаа гэжээ. Харин сэжигтнүүдийг сулласан эсэх талаар мэдээлээгүй байна. Бага сургуулийн багш Кашгар, фермер эрхлэгч Хотан нар нь шашны хэт үзлийг дэвэргэсэн материал нийтэлсэн гэж үзэж байгаа ч тухайн материалын талаар цагдаа нар дэлгэрэнгүй мэдээлэл өгөөгүй байна. Гэхдээ дээрх бичлэгийг нийтлэхээс өмнө 1500 гаруй хүн үзэж, Weibo сайтад 11 мянган удаа нийтлэгджээ. Харин BBC агентлагт мэдээлж байгаагаар эдгээр хүмүүс өөрсдийгөө далд үнэнийг илчилсэнийхээ төлөө шийтгэгдэхгүй ёсгүй гэж үзэн, үзэл бодлоо илэрхийлэхийг хүсч байгаа гэнэ. Одоогоор Шинжаанд мөрдөн байцаалт үргэлжилж байна.

   Зөвхөн энэ жилд гэхэд тус мужид шашны мөргөлдөөний улмаас хамгийн багадаа 100 хүн амь насаа алдсан байна. Өнгөрсөн сард Хятадын ерөнхийлөгч Си Жин Пин салан тусгаарлах үзэл, терроризм, шашны хэт үзлийн эсрэг тэмцэнэ гэдгээ мэдэгдэж байсан. Гэхдээ хүний эрхийг хамгаалагчид улс төрийн хатуу бодлогоо тулгахын тулд террорист сүрдүүлгийг дэвэргэж байгаа гэж үзэж байна.