Нийслэлийн Засаг даргын санаачилгаар хотын захиргаа “Railbus”-ийг Амгалан-Толгойт, Толгойт Амгалангийн чиглэлд явуулж эхэлсэн байгаа. Улмаар Хотын дарга хийгээд Зам тээврийн яамны холбогдох хүмүүс  “Railbus” явж эхэлсэнээр замын ачаалал эрс буурна гэх судалгааг гаргасанаа онцолж байсан. Гэвч “Railbus” явж эхэлснээр замын ачаалал, түгжрэл буурах биш эрс нэмэгдэж байгааг иргэд хэлж байна. Учир нь галт тэрэг явах бүрт зам хаадаг. Ингэснээр тухайн орчинд түгжрэл үүсч иргэдийг бухимдуулж байгаа юм. Нэн ялангуяа Хан-Уул дүүрэгт барилгажилт их явагдаж иргэд ихээр төвлөрөх болсон энэ үед Замын цагдаагийн уулзварт өдөрт хэд хэдэн удаа түгжрэл үүсч байна. Энэ түгжрэлээс зайлхийх гэсэн жолооч нар Энхтайваны гүүрний ачааллыг нэмэгдүүлж Энхтайваны гүүр ч түгжрэх болжээ.

Тэгэхээр  албаныхан түгжрэлийг бууруулах дорвитой арга хэмжээ авах хэрэгтэй. Тийм ч үүднээс иргэд зарим нэг санааг дэвшүүлж байна. Тухайлбал, вагон замд гүүр эсвэл замаа тунель гаргаж шийдвэрлэх хэрэгтэй гэх хүмүүс ч байна. “Railbus” явуулсаны буруу гэж байхгүй ч бусад асуудлаа шийдэхгүй бол иргэдийн бухимдал дээд цэгтээ хүрэх нь.

Цаашлаад энэ мэтээрээ байвал “Railbus” замын ачааллыг бууруулах биш нэмэх хандлагатай байна.