ШШГЕГ-ын харьяа Төв аймаг дахь Хорих ангид хоригдож буй, Ерөнхий сайдын зөвлөх Л.Гансүхийн өмгөөлөгч Ц.Баасандорж болон Л.Гансүхийн хэрэгтэй холбоотойгоор хоригдож буй Үндсэний аюулгүй байдлын зөвлөлийн нарийн бичгийн дарга н.Төмөрбаатарын өмгөөлөгч А.Зүмбэрэл өчигдөр мэдээлэл хийсэн юм. Тэд хэлэхдээ  АТГ өмгөөлөгчдийг үйлчлүүлэгчидтэй нь уулзуулахгүй хууль зөрчиж байна. Иймээс эдгээр үйлдлийг шалгуулахаар  нийслэлийн Прокурорын газар, ШШГЕГ-ын дарга, ХЭҮК зэрэг байгууллагад  гомдол гаргажээ. Эдгээр гомдол гаргасан газруудаас  ХЭҮК-оос “АТГ-ын дээрх үйлдэл нь  хууль болон хүний эрхийг зөрчсөн байна” гэх хариуг ирүүлсэн аж.

Л.Гансүхийн өмгөөлөгч Ц.Баасандоржоос дараахь асуултанд хариулт авлаа.

-Хүний эрхийн үндсэний комиссоос АТГ хууль зөрчсөн гэдгийн тогтоосон гэж байна. Ямар хариуцлага хүлээлгэх вэ?
- ХЭҮК-оос “АТГ-ын хууль болон хүний эрхийг зөрчсөн байна  гэдгийг тогтоосон байгаа. Иймээс хууль зөрчсөн албан тушаалтанд хариуцлага тооцуулна.  Энэ асуудлаар   ШШГЕГ-т албан бичиг хүргүүлсэн байгаа. Мөн АТГ хууль зөрчсөн тогтоосон учраас нийслэлийн Прокурорын газарт гомдол гарсан.  Хуулийн дагуу ажлаа хийж байгаа өмгөөлөгчийн эрхийг зөрчиж байгаа асуудлыг хэтэрч байна.  Хэрэв хариуцлага тооцохгүй бол  Улсын ерөнхий прокурорт гомдол гаргана.

-Л. Гансүхийг цагдан хоригдсноос хойш хэдэн удаа уулзсан вэ?
- Хоригдсноос хойш гурван удаа уулзсан. Уг нь АТГ нь өмгөөлөгч хүнийг үйлчлүүлэгчтэй уулзах асуудал оролцдог байгууллага биш шүү дээ.  Авлигатай тэмцэх газар хүний эрх зөрчсөн асуудал дээр хариуцлага тооцох хэрэгтэй. Прокурор дэргэ дэхь мөрдөн байцаах газар өмнө АТГ –ыг шалгадаг байсан. Гэтэл энэ байгууллагыгн өнгөрсөн онд татан буулгасан байгаа. Үүнээс болоод АТГ хяналт тавих асуудал байхгүй болсон.

-Хүний эрхийн үндсэний коммиссын дүгнэлтийг үндэслэж,хууль зөрчсөн албан тушаалтангууд хариуцлага тооцуулна. Хэрэв хариуцлага тооцохгүй бол  Улсын ерөнхий прокурорт гомдол гаргана.

-Л.Гансүхийн хэргийн мөрөдн байцаалтын ажиллагаа ямар шатандаа явагдаж байна вэ?
-Сар орчим хоригдож байгаа. Энэ хугацаанд нэг удаа байцаалт авсан байгаа. АТГ нүүрс 27 мянган төгрөгөөр авсан нүүрсийг  тухайн үнээр нь худалдаахгүй  үнэ нэмсэн асуудал ярьж байгаа.  Тухайн худалдалж авсан нүүрсийнхээ урсгал зардлыг тооцож үзэхгүй байгаа юм. Мөн хүнийг гэмт буруутай тогтоогүй байхад олон нийтэд мэдээлж нэр төрд нь халдаж байна. Ер нь энэ хэрэг дээр өмгөөлөгчийн ажиллагаа явуулахад нэлээд хүнд байгаа.

-Л.Гансүхийн хэрэг холбогдуулан өөр хүмүүсийг  шалгаж, цагдан хорисон уу?  
-н.Тулга болон  н.Төмөрбаатар нарыг цагдан хорьсон байгаа. Энэ хүмүүс хэрэг  Л.Гансүхийн хэрэгтэй ямар ч холбоогүй юм. 

-Хамгийн түрүүн гэрээ байгуулсан компанийн Л.Гансүхийн охины компани байсан гэсэн асуудал яригдаж  байгаа?
-Худлаа мэдээлэл. Үүнийг АТГ залруулах хэрэгтэй. Одоо бол шалгалтын ажиллагаа хийгдэж байгаа.