Нийслэлийн Засаг даргын тамгын газар. Цэргийн штабын дарга Ж.Болдбаатараас энэ сарын 17-ноос эхоэх цэрэг татлагын талаар зарим зүйлийг тодрууллаа.

-Хоёр дугаар ээлжийн цэрэг татлага болох гэж байгаа. Энэ удаагийн цэрэг татлага хэд хоног явагдах вэ?
-Монгол Улсын иргэн 18-25-ны эрэгтэйчүүд цэргийн алба хаадаг. Цэрэг татлагыг жилд хоёр удаа зохион байгуулах ёстой бөгөөд хавар намрын улиралд зохион байгуулдаг юм. Энэ оны хоёрдугаар ээлжийн цэрэг татлагыг зохион байгуулах нийслэлийн Засаг даргын А777 тоот захирамж гарсан байгаа.  Иймээс нийслэлийн хэмжээнд цэцэг татлагыг энэ сарын 17-19-ны хооронд явуулна. Харин 2013 оны хоёрдугаар ээлжийн цэргийн албанд татагдсан дайчид  энэ сарын 15-ны буюу маргааш халагдана.

-Энэ удаагийн цэрэг татлагат хэчнээн залуучууд хамрагдаж байгаа вэ?
Энэ удаагийн цэрэг татлагаар цэргийн албанд татагдах насны 20 орчим мянган алба хаагч бүртгэлтэй байна. Зарлан дуудах хуудсыг дүүргийн Засаг даргын захирамжийн дагуу тараагаад дууссан. Нийслэлийн цэрэг татлагын товчооны зүгээс дүүргүүдийн цэрэг татлагын товчооны ажилтай өнгөрсөн долоо хоногт танилцсан. Өнгөрсөн жилүүдэд цэцэг татлагын ажил явагдаж байсан сургуулиуд дээр энэ жил дахин явагдана.
 
-Нийслэлийн бүх дүүргүүдэд цэрэг татлагын ажил зэрэг явагдах уу?
-Энэ удаа найман дүүрэг дээр цэрэг татлагын ажил явагдана. Багануур, Багахангай, Налайх дүүргүүдийн хувьд хүн ам цэргийн албанд татагдах залуучуудын тоо бусад дүүргүүдийн бодвол цөөн байгаа. Иймээс хавар намрын ээлж явагдаггүй.  Харин Багахангай, Налайх мөн бусад зургаан дүүрэгт явагдах хувиартай байгаа.

-Цэргийн зарлан дуудах хуудас авсан иргэд цэрэг татлагын товчоо дээр ямар материал бүрдүүлж очих ёстой вэ?
-Цэргийн зарлан дуудах хуудас дээр хэзээ хаана ямар бичиг баримттай очихыг тодорхой тэмдэглэсэн байгаа. Иргэний шилжилт хөдөлгөөн хийлгээд шилжилт буй дүүргээсээ хасалт хийлгээгүй очсон газраа бүртгүүлээгүй байх юм бол цэргийн зарлан дуудах хуудсаа болон хаягаа тодруулах хэрэгтэй. Иргэд санаатай бас санамсаргүй байдлаас болоод торгуулийн арга хэмжээ орох тохиолдол байдаг юм.

-Хуулийн хүрээнд ямар тохиолдол цэргийн албанаас чөлөөлөгддөг юм вэ?
-Иргэний цэргийн үүргийн болон цэргийн алба хаагчийн эрхзүйн байдлын тухайн хууль дээр тухайн ээлжийн цэрэг татлагаас чөлөөлөгдөх хуулийн заалтууд байдаг. Тухайн иргэн оюутан байх юм бол сурлагын дэвтэр сургалтын төлбөр хийсэн гэх баримтаа үзүүлж цэргийн албанаас чөлөөлөгдөж болно. Мөн эцэг эх нь цэргийн албан татагчаас өөр харгалзан дэмжих хүнгүй, эсвэл хөдөлмөрийн наснаас настай 1, 2 зэргийн группэд орсон бол цэргийн албанаас чөлөөлөгддөг. Мөн 18-наас доош насны дүү нараа харгалзан дэмждэг бол эрүүл  мэндийн шалтгаантай гэмт хэрэгт холбогдон шалгагдаж байгаа ял эдэлж буй иргэд ээлжийн цэрэг татлагаас чөлөөгдөнө.