“Монгол хурандаа” нийгэмлэг ТББ-аас санаачлан анх удаа хурандаа нарын анхдугаар нэгдсэн чуулганыг зохион байгууллаа. Чуулганд Зэвсэгт хүчин, Тагнуул, Цагдаа, Шүүхийн шийдвэр гүйцэтгэх байгууллага, Шүүхийн шинжилгээний үндэсний хүрээлэн, Онцгой байдлын ерөнхий газар зэрэг цэргийн болон тусгай чиг үүрэг хэрэгжүүлэгч байгууллагад одоо ажиллаж буй болон алба хааж чөлөөндөө гарсан 160 гаруй хурандаа нар оролцсон юм. Энэхүү чуулга уулзалтаар дүрэм болон удирдах зөвлөлөө батлах юм байна. Цагдаа, шүүхийн шийдвэр гүйцэтгэх албаныг  хариуцсан хурандаа Ж. Бумнажидтай уулзлаа.

 Тэрээр “Монгол хурандаа нийгэмлэг анх удаа 2005 онд суурь тавигдсан. Энэ оноос үйл ажиллагааг эрчимтэй эхлүүлж байна.  Чуулга уулзалтаар цагдаа, зэвсэгт хүчин, тагнуул, хилийн цэрэг гэх мэт олон хурандаа нарыг монгол төрдөө тангараг өргөж, өдөр шөнөгүй хөдөлмөрлөж ирсэн. Иймээс эдгээр хүмүүсийн ашгийг хамгаалах ажлыг зохион байгуулж байна. Цаашид хурандаа нарын нийгэмлэг эрчимтэй хөгжүүлнэ. Цагдаагийн байгууллагын түвшинд 900 гаруй хурандаа болон дэд хурандаа байдаг.  Эдгээрээс чөлөөндөө 128, ажиллаж 112,  харин ажиллаж байгаа болон тэтгэвэртээ гарсан дэд хурандаа 300 гаруй  байгаа. Цагдаагийн шинэчлэл хийгдэх журмаар хийгдэж байгаа гэж ойлгож байгаа.  Гэхдээ шинэчлэлийг хийхдээ тухайн байгууллагын уламжлалыг алдагдуулахгүй  байх хэрэгтэй.  Үүнээс гадна залуу боловсон хүчнийг дадлага туршлагатай болгох дээр анхаарч тэтгэвэр болон чөлөөнд гарсан хүмүүсийн дэмжлэг тусалцаа авах  хэрэгтэй байна” гэв.

Харин хурандаа Ц.Батчулуун “Монголын цагдаагийн байгууллагад 32 ажиллаж байгаад тэтгэвэртээ гарсан. Үүнээс цагдаагийн газар, хэлтсийн даргаар 21 жил  ажилласан. Хурандаа цолыг арав гаруй жил зүүсэн дээ. Ер нь цэргийн цол нэр төрийн асуудал байсан. Уг нь нэр төрийн асуудал байх ёстой. Гэтэл сүүлийн цолны нэр хүнд зүйл байхгүй болж байна. Мөрдөс зүүж, төрд зүтгэж байгаа, тэтгэвэрт гараад хаягдаж байна. Төр харж үзэхгүй, тэтгэвэрт гарахад нь ажиллаж байсан байгууллага нь харж үзэгдэггүй болжээ. Иймээс монголд генерал нийгэмлэг байж болсон юм чинь хурандаа нарын нийгэмлэг гэж байх шаардлагатай юм.  Цагдаагийн шинэчлэлийн хувьд одоохондоо дүгнэл өгөх болоогүй байх. Шинэчлэлээр янз бүрийн зүйл хийгээд байгаа нь хөрсөнд шингэх монгол ахуй, монголын цагдаа болон ард түмний сэтгэхүй, зан заншилд шингэх юу бол.  Боломжийн зүйл ч хийгдэж байна. Болохгүй,  бүтэхгүй, шинэчлэл нэрийн дор завхарал хийж байгаа зүйл ч их байна. Энэ шинэчлэлд алдаа ондоо аль аль нь байгаа. Хэтэрхий нэг талыг барьсан гадаад орныг дуурайсан, монголын хөрсөнд тохирч ургахад хэцүү шинэчлэл таригдаж байна. Энэ нь  удаан наслахгүй байх” гэдгийг онцлон хэлсэн юм.