Завхан аймгийн Цагаанчулуутаас Отгон сум руу явах замд маш олон шувуу цахилгааны шугам даган үхжээ. Эдгээр шувуунууд тогонд цохиулж үхсэн байна. Үхсэн шувуунуудын дунд Арабуудын өндөр үнээр авдаг Шонхор, үлийн цагаан оготны эрлэг сар, элээ, хэрээ, бор шувуу зэрэг олон төрлийн шувуу байгаа юм. Цагаанчулуутаас Отгон сум хүрэхэд нийт 80 км бөгөөд энэ дагуу шон бүрийн дор шувуу үхсэн гэхээр маш олон жигүүртэн байгаль дэлхийгээс хорогдсон нь тодорхой байгаа юм. 

Гэхдээ шувууд үхсэнд цахилгаан тавьсан компани буруутай гэж иргэд хэлж байна. Учир нь шонг тавихдаа шувуу үргээгч сэнс, шувууны суулт гээд нэмэлт зүйлүүдийг хийх ёстой байжээ. Гэтэл үүнийгээ дутуу хийснээс болж ан, амьтан олон зуугаараа үхэж, хорогдож байна. Тус цахилгааны шугамыг хүлээж авсан улсын коммисс ч үүнтэй буруутай.

Тиймээс одоо энэ цахилгааны шугам, шувуу хоёрт аймгийн мэргэжлийн хяналт, Засаг захиргаа, БОНХЯ, байгаль хамгаалах байгууллагууд анхаарлаа хандуулахгүй бол асуудал улам хурцдахаар байна.