Д.Дорлигжав өөрийнхөө үүрэгт ажлыг өнгөрсөн хугацаанд сайн гүйцэтгэж байсан талаараа мэдээлэх гэж сэтгүүлчдийг дууджээ. Улмаар ажилчдадаа өнгөрсөн хугацаанд сайн ажилласан гэх урмыг үгийг дуулгаад сэтгүүлчдийг хөөх шахуу танхимаасаа гаргав.Энэ байдалд бухимдсан телевиз, сонин, сайтын сэтгүүлчид ядаж ганц асуултанд хариулт өгөхийг хүссэн боловч огт хүлээж авалгүй, ажилчидтайгаа дотоод асуудлаа ярих гэж байна хэмээн хөөж гаргасан юм. Уг нь хэвлэлийн хурлын зар дээр "Түүнийг өөрийн хүсэлтээр албан тушаалаа өгч байгаатай холбогдуулан сэтгүүлчдэд мэдээлэл хийнэ" гэж байсан ч ийнхүү хөөж гаргасан юм.

Хөөгдөж, доромжлуулж гарсан сэтгүүлчдээс Ерөнхий прокурор Д.Дорлигжав сайд болоогүй байхдаа сэтгүүлчидтэй ингэж ёс зүйгүй харьцаж байгаа юм чин сайд болоод яах бол оо? гэх нэгэн нь ч байв.