Үндэсний статистикийн хорооноос энэ сарын 19-нд танилцуулсан хамгийн сүүлийн үеийн мэдээгээр АИ 95 шатахуун 4210 төгрөг, дизель түлш 4020 төгрөг байжээ. Харин өнөөдрийн байдлаар "Сод Монгол" шатахуун түгээх станцад нэг литр АИ 95 шатахуун 3910 төгрөг, дизель түлш 3730 төгрөгөөр худалдаалж байна. 

АН-ын бүлэг хуралдаж бүлгийн даргаа сонгосон мэдээлэл байна. Бүлгийн даргаар УИХ-ын гишүүн О.Цогтгэрэлийг сонгожээ.

БНСУ-ын Чанвон хотод пара буудлага спортын Дэлхийн цомын тэмцээн найм дахь өдрөө болж байна. Өнөөдөр тэмцээний хийн гар бууны 10 метрийн дасгалд Үндэсний шигшээ багийн тамирчин Б.Ганзориг 561 оноогоор хүрэл медаль хүртлээ. Б.Ганзориг нь гурав хоногийн өмнө 50 метрийн Р4 дасгалд алтан медаль хүртсэн юм.

Улсын ургацын комиссын хуралдааны үеэр Хүнс, хөдөө аж ахуй, хөнгөн үйлдвэрийн сайд З.Мэндсайхан энэ жил Хөдөө аж ахуйг дэмжих санд хүлээн авах улаанбуудайн үнэ тогтоосныг зарлалаа.

Туулын голын энгийн болон онцгой хамгаалалтын бүсэд хамаарч буй газар ашиглах эрхийг хэсэгчилсэн байдлаар ИРГЭН Б.Батбаяр, "Эй Эй Энд Эм" ХХК, "Ривер бийч" ХХК дээр хэсэгчилсэн байдлаар газар ашиглах эрхийг цуцлах саналыг хүргүүлсэн ба мөн усны энгийн болон онцгой бүсэд зөвшөөрөлгүй хашаа хайс татсан, газрын зөрчилтэй, орчны тохижилт муутай хогны асуудал бүхий 9 иргэн хуулийн этгээдэд хариуцлага тооцож арга хэмжээг аваад байна.

Өнгөрсөн долоо хоногийн Засгийн газрын хуралдаанаар Ховд аймгийн Засаг дарга Б.Дүгэржавыг Эрдэнэбүрэнгийн УЦС-ын төслийн ажлыг удаашруулсан шалтгаанаар үүрэгт ажлаас нь чөлөөлсөн. Тэгвэл Ерөнхий сайдын захирамжаар аймгийн Засаг даргын орлогч Т.Дэлгэрсайханыг Засаг даргын үүргийг түр орлон гүйцэтгэгчээр томилох шийдвэр гарсан байна.

Өнгөрсөн хоногт 97 хүн КОВИД-19-ийн халдвар авсан нь PCR шинжилгээгээр батлагдав. Үүнээс 60 нь Улаанбаатарт, 37 нь орон нутагт бүртгэгдсэн байна. Ингэснээр нийт бүртгэгдсэн халдварын тоо 976,114 болов.

"Монгол Улсын аялал, жуулчлалын тогтвортой хөгжлийн талаарх бодит мэдээ мэдээлэл, тоо баримтад үндэслэсэн нөхцөл байдлын судалгаа, дүгнэлт"-ийн тайлан хэлэлцүүлэг болж байна.

Манай компанийн баруун үйлдвэрт таван шугам, зүүн  үйлдвэрт хоёр шугам ажиллаж, өдөр тутамд 1006.5 тонн түлш үйлдвэрлэж байна. Түлш үйлдвэрлэх түүхий эд буюу мидлингийн нөөц 144611 тонн байгаа бол барьцалдуулагч 8000 тонн, шуудай 788327 ширхэг, үйлдвэрлэсэн түлш 80 орчим мянган тонны нөөцтэй байна.

Хөтөлбөрийн хүрээнд 18-30 насны 30 залууг сонгон шалгаруулж, хоёр сарын турш байгаль орчны тухай мэдлэгийг нь тэлж, байгальд ээлтэй төсөл хэрэгжүүлэх боломжоор хангах бөгөөд шилдэг хоёр оролцогчийг 2022 оны 11 дүгээр сард Египет Улсад зохион байгуулагдах НҮБ-ын Уур амьсгалын өөрчлөлтийн тухай хуралд болон 2022 оны 12 дугаар сард Канад Улсад зохион байгуулагдах НҮБ-ын Биологийн олон янз байдлын тухай олон улсын уулзалтад оролцуулах юм.

Улаанбаатар хотыг агаарын бохирдолгүй, иргэдэд ээлтэй хот болгох үүднээс сайжруулсан шахмал түлш хэрэглэх болсон. Ирэх өвөл түлэх сайжруулсан шахмал түлшний нөөц бүрдүүлэлт ямар байгаа талаар Нийслэлийн Агаар, орчны бохирдолтой тэмцэх газрын дарга Ц.Ганболд мэдээлэл өглөө.

Улаанбаатар хотод худалдаалагдаж буй Ховд, Сэлэнгэ аймгаас нийлүүлэгдсэн тарваснаас дээж авч нитрат, пестицидийн үлдэгдэл тодорхойлох шинжилгээг хийж байна. Одоогоор шинжилгээнд хамрагдсан бүтээгдэхүүнд эерэг дээж илрээгүй, стандартын шаардлага хангаж байгаа бөгөөд хяналт шалгалт үргэлжилж байна.

Түүнчлэн уулзалтын үеэр БШУ-ны сайд Нийслэлийн Засаг даргатай хамтран энэ хичээлийн жилээс Улаанбаатар хот дахь ЕБС-ийн багш нарыг компьютерээр бүрэн хангах, шинэчлэх ажлыг эхлүүлэхээ мэдэгдлээ. Ингэснээр суралцах орчин, арга хэрэгсэл сайжирч, боловсролын салбар дахь цахим шилжилтийг эрчимжүүлнэ гэдгийг тэрбээр онцолсон юм.

Тодруулбал, Увс, Баянхонгор, Архангай, Өвөрхангай, Хөвсгөл, Булган, Орхон, Сэлэнгэ, Төв, Говьсүмбэр, Дундговь, Хэнтий, Сүхбаатарын зарим, Дархан-Уул, Дорнодын ганц нэг сумдын нутгаар 20.1-50.0 мм, Булганы Дашинчилэн, Хангал, Сэлэнгэ, Төвийн Баян-Өнжүүл, Эрдэнэ, Баянжаргалан, Баян, Дундговийн Адаацаг, Хэнтийн Дэлгэрхаанд 50.1-86.9 мм оржээ.

Улсын хэмжээнд энэ сарын 18-ны байдлаар 119,364 тн шатахууны нөөцтэй байгаа талаар Уул уурхайн яамнаас мэдээллээ. Үүнээс А-80 автобензин 7,533 тн буюу 45, АИ-92 автобензин 33,437 тн буюу 25, АИ-95 автобензин 4,691 тн буюу 35 хоног, ДТ 71,600 тн буюу 26, онгоцны түлшний 28 хоногийн нөөцтэй байна.

Говь-Алтай аймгийн Есөнбулаг суманд 2022 оны наймдугаар сарын 20-ны өдөр хавхаар тарвага агнаж идсэн иргэнээс "Тарваган тахал" өвчний эмнэлзүйн шинж тэмдэг илэрчээ. Мэргэжлийн байгууллагууд хариу арга хэмжээг шуурхай авч ажиллан, сорьцыг Зоонозын Өвчин Судлалын Үндэсний Төв рүү илгээсэн байна.

Уур амьсгалын өөрчлөлттэй тэмцэх, сөрөг нөлөөллийг бууруулахад хүүхэд, залуучуудын оролцоог нэмэгдүүлэх зорилгоор Монгол Улсын Ерөнхийлөгч У.Хүрэлсүхийн санаачилгаар Байгаль орчин, аялал жуулчлалын яамнаас “уур амьсгалын өөрчлөлт ба хүүхэд, залуучууд” чуулганыг Улаанбаатар зохион байгуулж, өнөөдөр нээлтээ хийж байна.

Эрэгтэй насанд хүрэгчид ангилалд дэлхийд дөрөвдүгээр байранд, эмэгтэй насанд хүрэгчид ангилалд дэлхийд тавдугаар байранд бичигдэж байна.

Монгол, Японы хооронд дипломат харилцаа тогтоосны 50 жилийн ойн хүрээнд “Cүүн зам” япон, монгол бүжгийн наадам Жанжин Д.Сүхбаатарын талбайд зохион байгуулагдлаа. Бүжгийн наадмыг нээж Япон Улсаас Монгол Улсад суугаа Онц бөгөөд Бүрэн эрхт Элчин сайд Кобаяши Хироюки үг хэллээ. 

Бүжгийн наадмыг нээж УИХ-ын дарга Г.Занданшатар, Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө нар үг хэллээ.