-
2013 оны 8 сарын 09
Япон улс Хятадын хөлөг онгоцууд маргаан үүсгэсэн арлуудын ойролцоо орших бүст цөмрөн орсонтой холбогдуулан БНХАУ-ын элчин сайдыг дуудсан тухай “Франс Пресс” агентлаг мэдээллээ.
-
2013 оны 8 сарын 09
Йеменд өчигдөр “Аль-Кайда” бүлэглэлийн 14 дайчинг АНУ жолоочгүй онгоцны дайралтаар хөнөөсөн байна. Саяхан иргэний дайн нь дууссан Йемений зарим бүс нутагт алан хядах бүлэглэл эрх мэдлээ тогтоосноос АНУ-ын ийм төрлийн дайралтууд өнгөрсөн сараас эхлэн тус улсад олноор гарах болсон юм.
-
2013 оны 8 сарын 09
АНУ-ын ток шоуны алдарт хөтлөгч Опра Уинфри Швейцарьт зочлох үедээ арьс өнгөөр ялгаварлах үзлийн хохирогч болжээ. Опрагийн мэдээлснээр Цюрих хотын гар цүнхний дэлгүүрийн худалдагч түүнд үйлчлэхээс татгалзсан байна.
-
2013 оны 8 сарын 09
Грекийн ажилгүйдлийн түвшин өнгөрсөн тавдугаар сард түүхэнд байгаагүй дээд хэмжээнд хүрсэн талаар тус улсын Статистикийн хороо өчигдөр мэдээллээ. Ажилгүйдлийн түвшин тавдугаар сард 27.6 хувьд хүрсэн байна. Харин өнгөрсөн жилийн мөн сард энэ тоо 23.8 хувьтай байсан билээ.
-
2013 оны 8 сарын 09
АНУ-ын Калифорн мужийн өмнөд хэсэгт гарсан хээрийн түймрийг дарж чадахгүй байгаа тул ойролцоох нутгийн 1500 гаруй хүнийг нүүлгэн шилжүүлжээ.
-
2013 оны 8 сарын 09
2013 онд БНХАУ төмөр замын дэд бүтцийг хөгжүүлэх, шинэ зам тавихад ихээхэн анаахрах болсон тухай Хятадын төмөр замын корпораци мэдээллээ. Энэ ажилд нийтдээ 660 тэрбум юань буюу 106.5 тэрбум ам.доллар төсөвлөсөн байна.
-
2013 оны 8 сарын 09
Оросын хэрэглэгчийн эрх ашгийг хамгаалах холбоо Японоос ирсэн цацраг идэвхт 80 машиныг Орос улсад оруулахыг хориглосон тухай мэдээллээ.
-
2013 оны 8 сарын 08
Тайваны нийслэлд цэргийн албыг эсэргүүцсэн 100 мянга гаруй хүн Ерөнхийлөгчийн ордны гадаа жагслаа. Иргэд цэрэгт татагдсан 24 настай залуу Хун Чун шийтгэлийн сургуулилтын үеэр амиа алдсаны дараагаас жагсаж эхэлсэн байна.
-
2013 оны 8 сарын 08
АНУ өчигдөр Сирийн сөрөг хүчинд явуулах хүмүүнлэгийн тусламжаа 195 сая ам.доллараар нэмэгдүүлэх болсон тухайгаа мэдээллээ. Энэхүү шийвэрийг саяхан гарсан мөргөлдөөнд сөрөг хүчний 70 гишүүн амиа алдсаны дараа гаргажээ.
-
2013 оны 8 сарын 08
БНХАУ-ын Шанхай хотын хоёр шүүгч болон өөр нэгэн шүүхийн албан тушаалтанг эрх баригчид Коммунист намаасаа хөөжээ. Дээрх албан тушаалтнууд оройн хоолны үеэрээ биеэ үнэлэгч авч дараа нь зочид буудлын өрөө рүү орж буй бичлэг олон нийтэд цацагдсаны дараа энэ шийдвэр гарчээ.
-
2013 оны 8 сарын 08
Ирэх хоёрдугаар сард болох өвлийн олимпийн “Сочи 2014” наадмын бамбар 65 мянган км аялах аж. Аяллын газруудад Хойд туйлаас эхлээд задгай сансар хүртэл багтана хэмээн Олимпийн зохион байгуулах хорооноос мэдээллээ.
-
2013 оны 8 сарын 08
Ирландаас хөөрсөн Америкийн зорчигч тээврийн онгоц террорист халдлага байж магадгүй гэх сэжиг бүхий эд зүйлс олдсоны улмаас Филаделфия мужийн олон улсын онгоцны буудалд ослын буулт хийжээ.
-
2013 оны 8 сарын 08
Аргентины Засгийн газар өчигдөр үндэстэн даяар хоёр өдрийн эмгэнэл зарлалаа. Тус улсын Росарио хотын хойд хэсэгт байрлах орон сууцанд дэлбэрэлт болсноор 10 гаруй хүн амиа алдсан юм.
-
2013 оны 8 сарын 08
Японы Нара хотын Тодайжи сүмд байрлах дэлхийн хамгийн том Буддагийн хөшөөг өчигдөр цэвэрлэлээ. 30 метрийн өндөртэй хүрэл хөшөөг 150 гаруй лам цэвэрлэсэн байна.
-
2013 оны 8 сарын 08
Испанийн эрх баригчид өнгөрсөн сард олон хүний амийг авсан ослын дараа төмөр замын дарга нарыг чангалж эхэлжээ. Энэхүү хэрэгтэй холбогдуулан Парламентын хороо төмөр замын операторуудын дарга нарыг шалгааж эхэлсэн байна.
-
2013 оны 8 сарын 08
Өчигдөр Нью-Йорк хотын метроны үйлчлүүлэгчид нэгэн гайхалтай зорчигчтой таарчээ. 0.4 метр урттай үхсэн аварга загас Манхаттаны хотын төвийн метроноос олдсон байна. 4.5 кг жинтэй аварга загас зорчигчийн суудал дор анх харагджээ.
-
2013 оны 8 сарын 08
Кремль ирэх есдүгээр сард болох хоёр талын хэлэлцээрийг АНУ цуцалсанд сэтгэл дундуур байгаа тухай мэдээллээ.
-
2013 оны 8 сарын 07
“Wikileaks” сайтыг үүсгэн байгуулагч Жулиан Ассан Австралийн парламентын сонгуульд нэр дэвших тухайгаа мэдээллээ. Тэрээр ирэх сарын долооны өдөр болох парламентын сонгуульд ялалт байгуулвал сайтын ажлаа ч үргэжлүүлэх болно гэсэн байна.
-
2013 оны 8 сарын 07
ОХУ-ын Гадаад хэргийн сайд Сергей Лавров, Батлан хамгаалахын сайд Сергей Шойгу нар ирэх баасан гарагт Вашингтон томоохон асуудал хэлэлцэх гэж байна.
-
2013 оны 8 сарын 07
Хоёр Солонгосын хамтын үйлдвэрлэлийн Кайсон бүсэд ажиллаж байсан Өмнөд Солонгосын компаниудад тус улс 250 сая ам.долларын нөхөн төлбөр төлнө гэж өнөөдөр мэдээллээ.
