Өчигдөр орой МАХН-ын дарга Н.Энхбаярыг АТГ-аас баривчлах үеэр гэрт нь МАН-ын гурван гишүүн байсан. Д.Тэрбишдагва, Ч.Улаан, О.Чулуунбат нар тэдний биед халдаж, зодож гэмтээсэн тул УИХ-д гомдол гаргахаар болоод байгаа. Үүний хажуугаар дээрх гурван гишүүн МАН-аас гарч МАХН орно гэсэн яриа өчигдөр оройноос хойш тархсан. МАН-ын бүлгийн дарга Ө.Энхтүвшин үүнийг эрс үгүйсгэж, тийм зүйл яригдаагүй гэж мэдэгдсэн юм. Тэгвэл нөгөө талаас МАХН-ын ерөнхий нарийн бичгийн дарга Н.Удвал энэ яриаг үгүйсгээгүй бөгөөд “тийм зүйл байгаа” гэж байв. МАН-аас гарч МАХН-д орох гишүүдийн нэрийг тэрбээр тодорхой хэлээгүй. Гэсэн “МАХН одоо УИХ-д нэлээн хэдэн суудалтай болж байна” гэж яриан дундаа үг алдсан юм. Энэ нь дээрх нэр дурдсан гишүүд МАХН-д орохоор ярьж байгаа нь бодитой гэдгийг гэрчилж байгаа юм. Д.Тэрбишдагва гишүүн ч өчигдөр “Бидэнд МАН, МАХН хоёулангийнх нь батлах байгаа шүү” гэж хэлж байсан аж. Үүнээс үзвэл МАН-ын зарим гишүүдийн сэтгэл МАХН эргэсэн гэдэг нь үнэний ортой аж.