"МЕС" судалгааны байгууллагаас парламентад суудалтай намуудын үйл ажиллагааны үнэлгээг гаргажээ. Тодруулбал, Улаанбаатар хот болон хөдөө орон нутагт оршин суудаг сонгуулийн насны 1308 иргэнээс зургаадугаар сарын 15-19-ны өдрүүдэд түүврийн аргаар судалгаа авчээ. Ингэхэд МАН-ын рейтинг тасралтгүй уруудаж, АН-ынх аажмаар өсөж байгаа дүр зураг гарсан байна. 

Одоо МАН-ын гал тогоог Я.Содбаатар, АН-ын гал тогоог хариуцаж буй Н.Ганибал хоёр их сургуулийн нэг анги. Гэтэл Я.Содбаатарын үед МАН-ын үйл ажиллагааны үнэлгээ анх удаа ийнхүү уруудаж байна. МАН, АН-ын өгсөж, уруудаж буй дүр зурагт Засгийн газар огцорсон явдал, АН Хамтарсан Засгийн газраас гарсан явдал, эдийн засгийн тогтворгүй байдал, нийгэм улс төрийн савлагаа нөлөөлсөн байж таарна.