УИХ-ын чуулганы хуралдаанаар  Стандартчилал, техникийн зохицуулалт, тохирлын үнэлгээний итгэмжлэлийн тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд-ийг хэлэлцэж байна. Энэ үеэр Шадар сайд С.Амарсайхан УИХ-ын гишүүн О.Цогтгэрэлийн асуултад дараах хариултыг өгөв. 

Тэрбээр "Стандартыг зөвхөн төр хийдэггүй. Иргэн, ААН байгууллагууд шинжлэх ухааны нотолгоо шинжилгээн дээр үндэслэсэн аюулгүй байдал, хэрэглээг хангасан, олон сар жилийн туршилт дээр хийгддэг юм. Станарт хэмжил зүйн газар нотол, мэргэжлийн хүмүүс болон ТББ-ын оролцоотойгоор баталгаажуулах нөхцлийг бүрдүүлээд Үндэсний аюулгүй байдал, хэрэглээний аюулгүй байдлыг хангая гэж байгаа юм.

Стандарт хаана байна, тэнд аюулгүй байдал байдаг. Стандарт хаана байна, тэнд сэтгэл ханамж байдаг.

Стандарт байхгүй газар алхаа гишгээ, амьдарч байгаа орон сууц, ажиллаж байгаа ажлын байраасаа эхлээд бүгд эрсдэлтэй байгааг харсаар байж, асуудлыг хөндөхгүйгээр байдаг л юм, байж л байгаа юм гээд орхиж явах боломжгүй" гэлээ.