МАХН-ын дарга Н.Энхбаярыг хоригдсон өдрөөс хойш “Н.Энхбаяр бол Төрийн тусгай хамгаалалтад байдаг хүн. Хэрвээ үнэхээр барихдаа тулбал УИХ-аас тогтоол гарч, бүрэн эрх нь хүчингүй болсон тохиолдолд баривчилгаа явуулах ёстой байдаг. Тиймээс төрийн тусгай хамгаалалтад байдаг хүнийг хорихдоо бие хамгаалагчтай нь хорих ёстой байдаг" хэмээн хэвлэлээр мэдээлээнд буй. Гэтэл өнгөрсөн амралтын өдрөөр МАХН-ын дарга Н.Энхбаярын хамгаалалтыг татсан талаар мэдээлсэн. Мөн хэрвээ түүний амь насанд ямар нэгэн аюул учирвал Төв аймгийн прокурор хариуцна хэмээн мэдэгдэж байсан билээ. Харин эх сурвалжийн мэдээлснээр өнөөдөр Н.Энхбаярын тусгай хамгаалалтыг сэргээж, хамгаалагчийг нь өрөөнд оруулсан байна. Ингэснээр өнөөдрөөс эхлэн Н.Энхбаяр хамгаалагчтай хамт хоригдох аж.
Б.Чимэг
