Хүүхдээрээ гавьяат тамирчин болж байсан Н.Төгсцогттой Астанад болсон тэмцээн болон олимпийн бэлтгэлийнх нь талаар ярилцлаа.


-Олимпийн эрхээ авсанд баяр хүргэе. Бид чамайг алтан медаль авчих байх гэж найдаж байлаа?

-Баярлалаа. Астанад болсон тэмцээнд таван тулаан хийсэн. Эхний тойрогтоо Филиппиний тамирчинтай таарч тулалдсан. Харин финалд Казахстаны боксчин таарсан. Тоглохоос өмнө “Медалийн өнгөө хувиргах боломж байна” гэж хүмүүс хэлж байсан. Миний хувьд медалиас илүү олимпийн эрх авах нь чухал байсан болохоор тэр тухай бодоогүй. Юуны өмнө эхний гурван тоглолтдоо хамаг хүчээ шавхсан. Харин олимпийн эрх авсныхаа дараа амармаар санагдчихсан. Яагаад ч юм би сүүлийн финалд ядраад байсан.


- Олимпийн эрхээ аваад сэтгэл тайвшираад жаахан залхуурчихсан юм аа даа?

- Ер нь тулаан бүр хүнд байсан. Тэр тусмаа эхний гурван тоглолтын нэгэнд нь ч би анхаарал алдаагүй. Казакстаны тамирчин ер нь их сайн байсан. Гэхдээ би тэнцүүхэн тоглосон гэж бодож байгаа. Мэдээж тамирчин хүн ялна гэж дэвжээн дээр гардаг болохоос ялагдана гэж гардаггүй. Би ч гэсэн ялна гэж гарсан. Гэхдээ финалд таарсан тамирчинтайгаа олимпийн үеэр таарвал яаж тулалдахаа судалчихсан байгаа. Ер нь Азийн тамирчид хөнгөн жиндээ, Европынхон 60 кг-аас дээш жиндээ сайн байдаг болохоор финалд тулалдсан боксчинтой дахин таарах боломжтой.


 -Тоглолт хэр шудрага шүүлттэй болсон гэж бодож байна?

- Ер нь бокс бол шудрага шүүлттэй спорт. Тэр ч үүднээсээ жинхэнэ эр хүний спорт юм. Хүнтэй нүүр нүүрээ хараад тулалдана гэдэг их зориг тэсвэр хатуужил шаарддаг зүйл юм. Энэ удаагийн тэмцээнийг ч шүүгчид шудрага шүүсэн гэж бодож байна. Манай тамирчдын хувьд оноолт хүнд таарсан. Бидний эхний тоглолтууд хүнд байсан.
 

-2009 онд хамгийн залуу гавьяат болж байсныг чинь санаж байна. Тухайн үеийн гавьяат болж байсан сэтгэгдэл одоогийн олимпийн наадамд оролцох эрхээ авсан хоёрын аль нь илүү догдлол төрүүлж байна вэ?

Гавьяат авахад таньдаг бүх хүмүүстээ баярлаж байсан. Ялангуяа надад тэсвэр тэвчээр суулгаж өгсөн багш нартаа маш их баярлаж байлаа. Тухайн үед цаашид улам сайн хичээллэж амжилт гаргая л гэж бодож байсан. Олимпийн эрхийн хувьд тамирчин хүний гол зорилго олимпод оролцох. Бага байхдаа алтан медаль авч байна гэж тоглодог байлаа. Харин одоо жинхэнэ олимпод орох гэж байгаадаа баяртай байна. Юуны өмнө бэлтгэлээ сайн хийе гэж бодож байна. Олимп дөхөөд ирэхээр цагийн зөрүүнд тохируулж бэлтгэлээ базаах төлөвлөгөөтэй байгаа. Түүнээс өмнө ирэх сард зохиогдох Хабаровскийн олон улсын тэмцээнд оролцоно. Боксын холбоо болон дасгалжуулагч нар Москвад хамтарсан бэлтгэл хийлгэхээр ярилцаж байгаа. Мөн Лондоны цаг агаарт дасгах үүднээс ойролцоох газар нь долоо хоногийн бэлтгэл хийж байгаад шууд тэмцээндээ оролцох тухай ч ярьж байсан. Тэр бүгдэд л идэвхтэй оролцоно доо.


-Спорт хүнээс их тэсвэр тэвчээр шаарддаг ? Энэ амжилтанд хүрэхэд чи олон зүйлээ золиослосон байх. Үеийнхээ хүүхдүүдийг тоглож байхад чи юу хийдэг байв?

-Тийм шүү. Бэлтгэлээ л хйидэг байсан. Заримдаа шантрах үе гардаг л байсан. Найзуудын гадаа сагс, хөлбөмбөг тоглох нь гоё харагддаг байлаа. Гэхдээ би бэлтгэл сургуулилтаа тасралтгүй хийж амжилт гаргах ёстой гэдгийг ухамсарласан юм. Тэсвэр тэвчээр гаргаснаараа өнөөдөр муудсан зүйл алга байна. Хүүхэд зодолддог байсан. Харин том болсон хойноо зодолдохоо больсон.


- Э.БадарУуган ах миний бахархал гэж чи хэлж байсан. Аваргыг ирэх олимпд оролцохгүй гэхэд хэрхэн хүлээж авсан бэ?


 - Хэдэн оноос боксоор хичээллэх болсон бэ? Яагаад заавал энэ спортыг сонгож хичээллэв?


 
-Хамгийн хүчтэй өрсөлдөгч тань хаанахын тамирчин бэ?

-Америк, Англи, Узбек, Оросын сайн сайн тамирчид байна. Бас Астанад алтын төлөө тоглосон казах гээд л олон хүн байна даа.