Өчигдөр Багахангай дүүрэгт байрлах "Хангайн Ган-Эрдэнэ" ХХК-д дэлбэрэлт болж гурван хүн хүнд гэмтжээ. Ослын шалтгааныг тодруулахаар дүүргийн цагдаагийн алба хаагчид ажиллаж байгаа аж. Урьдчилсан байдлаар сумны хошуу дэлбэрсэн гэсэн дүгнэлт гарчээ. Учир нь хаягдал төмрийг тасалж жижиглэж байх үед энэхүү осол гарсан бөгөөд хэргийн газраас пуужин маягийн хэлбэртэй гурван шиг сум олдсон байна. Тиймээс уг сумыг хамгаалалтад аваад байгаа аж. Уг дэлбэрэлтэд 42, 31, 23 настай хятадын гурван иргэн өртөж, хүнд гэмтсэн байна. Осол гарахад тус үйлдвэрийн алба хаагчид онцгой байдал болон цагдаад мэдэгдэлгүй шууд түргэн тусламж дууджээ. Харин түргэн тусламжийн эмч нар онцгой байдал болон цагдаагийн алба хаагчдад мэдэгдсэн байна. Б.Чимэг
