Өнөөдөр 13.00 цагаас Монгол Ньюс мэдээллийн төвд өмгөөлөгч О.Баасанхүү, Б.Оюунбилэг нар МАХН-ын дарга Н.Энхбаярыг яллагдагчаар татаж үргэлжлүүлэн хоёр сар хорих болсонтой холбогдуулан хэвлэлийн бага хурал хийлээ.
    Өнөөдөр 13.00 цагаас Монгол Ньюс мэдээллийн төвд өмгөөлөгч О.Баасанхүү, Б.Оюунбилэг нар МАХН-ын дарга Н.Энхбаярыг яллагдагчаар татаж үргэлжлүүлэн хоёр сар хорих болсонтой холбогдуулан хэвлэлийн бага хурал хийлээ.
    Энэ үеэр өмгөөлөгч О.Баасанхүү “Монголын хууль шүүхийн байгууллага өөрийн гэсэн толгойгүй болжээ. Тэд дээрээс дарга нараасаа ирсэн тушаалыг нүдээ анин хууль зөрчин биелүүлдэг болж. Монгол улсын гуравдахь ерөнхийлөгч Н.Энхбаярыг баривчилсан явдал нь эхнээсээ хууль зөрчин хийгдсэн. Өчигдрийн шүүх хурал ч гэсэн ЭБШХ-ийн 8.1, 8.2-ийг зөрчиж явагдсан. Яагаад гэхээр шүүх хурал болохоос долоо хоногийн өмнө хэрэг бүртгэгч мөрдөн байцаагчаас яллагдагчаар татаж байна гэсэн тогтоолоо үйлдээд түүнийг шүүхэд 72 цагийн өмнө хүргүүлэх ёстой байдаг. Мөн өмгөөлөгчид нь танилцуулж хийгдэх ёстой. Гэтэл өчигдрийн шүүх хурал 14 цагаас эхлэхэд шүүхэд яллагдагчаар татах тогтоолоо анх танилцуулсан, түүнчлэн ЭБШТ хуулийн 36-р зүйлд яллагдагчаар татсан тогтоолыг гаргаад сонсгосон тохиолдолд л шүүхээс яллагдагчаар татаж шийдвэрийг гаргадаг. Гэтэл яллагдагчаар татагдсан этгээдэд тогтоолоо танилцуулаагүй байхад шүүхээс хууль зөрчсөн үйлдэл хийж яллагдагчаар татсанд гомдолтой байна. Түүнчлэн сүүлийн үед хуулийнхан хууль зөрчсөн үйлдэл их гаргаж байгаа. Тухайлбал уржигдар шөнө төв аймгийн урьдчилан хорих төв барилгын ажил хийж Н.Энхбаярыг унтуулаагүй байсан. ШШГЕГ-ын дарга нар өчигдөр “Н.Энхбаяраа чамайг бид сахилгад хийнэ шүү” гэж заналхийлсэн. Миний утас руу би хуулийн байгууллагад ажилладаг хүн байна. Н.Энхбаярыг хуулийнхан өөрсдөө алах гэж байгаа шүү гэсэн заналхийлсэн мэдээллийг явуулах болсон” гэв.