Өчигдөр Сүхбаатар дүүргийн шүүх МАХН-ын дарга Н.Энхбаярыг яллагдагчаар татаж, хоёр сар хорих шийдвэрийг гаргасан. Ийм шийдвэр гарсны дараахнаас л бүх хэвлэл мэдээллийн хэрэгслээр Н.Энхбаяр ирэх сонгуульд нэр дэвших боломжгүй боллоо. МАХН даргагүйгээр сонгуульд өрсөлдөх нь хэмээн шуугиж эхэлсэн. Энэ дагуу түүний өмгөөлөгч О.Баасанхүүгээс Н.Энхбаяр ирэх сонгуульд нэр дэвших боломжтой эсэх талаар тодруулахад “Монгол улсын гуравдах ерөнхийлөгч Н.Энхбаяр ирэх сонгуульд нэр дэвших бүрэн боломжтой. Учир нь түүнийг гэм буруутай гэдгийг шүүх тогтоогоогүй байгаа учир нэр дэвших эрх нь нээлттэй байгаа. Одоогоор тэрээр ямар тойрогт нэр дэвших эсэх нь тодорхойгүй байгаа ч нэр дэвших хүсэлтийг нь ч гэсэн СЕХ бүртгэж авна гэдэгт итгэж байгаа” гэв. Б.Чимэг
