Монгол Улсын Ерөнхий сайдын ивээл дор зохион байгуулагдаж буй өсвөрийн хөлбөмбөгчдийн фестиваль өчигдөр нээлтээ хийлээ. Мон­голын хөлбөмбөгийн холбоо­ны футзал болон мини хөл­бөмбөгийн талбайд 45 бай­гууллагын 500 гаруй хөлбөм­бөг сонирхогч охид, хөвгүүд орол­цож байгаа аж. U-8, U-10, U-12 насны ангилалд зохион байгуулагдаж буй уг фести­ва­ль 29-ний өдөр өн­дөр­­лөх гэнэ. Оролцогч багууд I, II баг гэж хуваагдах бөгөөд эхний 30 минутад хөлбөм­бөгийн тех­никийг эзэмших дасгал хөдөл­гөөнүүдийг дав­тах бө­гөөд үлдсэн 30 минут­даа өрсөл­дөгч багтайгаа нө­хөр­сөг тог­лолт хийхээр бол­жээ. Тэм­цээний зорилго нь уг спортыг өсвөр үеийнхэнд түгээн дэл­гэрүүлэх, тэднийг багаас нь хөлбөмбөгт дуртай болгож, өв тэгш бие бялдар­тай тамир­чин, иргэн болгох ажээ.

Өмнө нь гурван жил дараалан энэ фестиваль тэм­цээний хэл­бэрээр явагдаж байсан бол энэ жилээс дэл­хийн хөлбөм­бөгийн холбоо­ны фестива­лийн хэлбэрээр анх удаа зохион байгуу­лаг­даж байгаа­гаараа онцлог болж буй юм. Жил бүр зохион байгуу­лагдах уг баярын арга хэмжээ цаашид 21 аймаг, алслагдсан дүүргүүдэд болох төлөвлөгөөтэй байгаа аж. Монголын хөлбөм­бөгийн холбооны нарийн бичгийн дарга Д.Тэрбаатар "Энэ баярт оролцож буй хүүх­дүүд бүгд ялалтыг авах ёстой. Хөл­бөмбөг тоглож байна гэдэг өөрөө маш том ялалт. Эдгээр хүүхдүүдийн хөлбөм­бөг тоглох хүсэл дээр зөв техник олгох нь чухал. Өнөө­дөр ирсэн хүүхдүүдтэй Монголын хөлбөмбөгийн түүх салшгүй хамаатай" гэсэн юм.