АНУ-Афганистан АНУ Афганистантай стратегийн шинэ гэрээ байгуулахдаа НАТО-гийнцэргийн ажиллагааг албан ёсоор дууссаны дараа тус улсын аюулгүй байдлыг дахин 10 жилийн турш хамгаалах тохиролцоо хийсэн юм. Америкууд Афганистан дахь ямар ч дайсны эсрэг тэмцэлд туслахад бэлэн гэдгээ илэрхийлсэн юм.
Ливид юу болов?
Ливийн шилжилтийн үеийн үндэсний зөвлөл (ШҮҮЗ) энэ мягмар гаригт улс төрийн намуудын тухай хуулийг баталжээ. Шинэ хуулиар шашны болон омгийн суурь үзэлтэй нам байгуулахыг хориглосон байна. Парламентын сонгуулийг зургадугаар сарын 19-нд буюу товлосон хугацаанд нь явуулахын тулд намуудын тухай хуулийг батлах асуудлыг түргэвчлэхийг Ливийн Сонгуулийн төв хороо хоёр долоо хоногийн өмнө уриалсан байна.
ОХУ: Дмитрий Медведев
Дмитрий Медведев засгийн эрхийг барих нэлээд хэдэн тодорхой хэмжүүрийг санал болгосон. Тухайлбал, нийгмийн дундаж насаараа Орос улс 2018 онд дөрвөн жилээр илүү гарах ёстой. Түүнчлэн бизнес явуулах орчноороо таван жилийн хугацаанд дэлхийн орнуудын дунд 120-р байраас 40-р байранд орох зорилго тавьсан байна.
Төрийн тэргүүн тэмдэглэхдээ, засгийн газрын ажиллах тодорхой төлөвлөгөөг бэлтгэх асуудлыг шинэ эрх баригчдын бүтцүүд хийнэ. Эдгээр төлөвлөгөөнүүд нь ирэх сарын 8-нд Засгийн газрын тэр-гүүнийг томилох үед Төрийн думд танилцагдах ёстой. Ерөнхийлөгчийн сонгуульд ялсан Владимир Путин ерөнхий сайдын албан тушаалд нэр дэвшигчээр Дмитрий Медведевыг дэвшүүлэхээ нэг бус удаа мэдэгдэж байсан юм.
Хойд Солонгост юу болов?
Дөрөвдүгээр сарын эхээр Хойд Солонгос цөмийн бөмбөгийн газар доорх туршилт хийх гэж байгаа тухай Сөүл мэдээлсэн юм. “Солонгосын хойг нь манай зэргэлдээ хязгаар учраас тэндхийн байдал бидний аюулгүй байдалтай шууд холбоотой. Тиймээс бид хойгт хэрэг явдал хэрхэн өрнөж буйг анхааралтайгаар ажиглаж байна” хэмээн Оросын Гадаад хэргийн яамнаас мэдэгдсэн юм.
Пхеньян өмнө нь албан ёсоор мэдэгдэл хийж, цаашид цөмийн болон пуужингийн туршилтад хориг тавих тухай АНУ-тай байгуулсан гэрээнээс гарч буйгаа хэлсэн юм. Баллистик “Ынха-3” зөөгч пуужингаар хиймэл дагуул хөөргөх гээд тэр нь бүтэлгүйтсэний дараа өөрийн амлалтаас буцаж буйгаа Пхеньян зарласан. НҮБ-ын Аюулгүйн зөвлөлийн тогтоолоор баллистик пуужин хөөргөхийг Пхеньянд хориглосон байгаа ч туршилтыг дөрөвдүгээр сарын 13-нд явуулжээ.
АНУ-ын эсрэг БНХАУ, Пакистан
Афганистанаас болж хурцдаад байгаа АНУ-Пакистаны харилцаа хоорондын фронт нээхэд хүргэж болзошгүй юм. Энэ тохиолдолд Пакистны холбоотон БНХАУ оролцох нь зайлшгүй юм. Mid East Media Research Institute-ын мэдээлснээр, БНХАУ өнгөрсөн оны аравдугаар сараас Пакитаны хил орчимд цэрэг бөөгнөрүүлж эхэлсэн гэнэ. Пакистан БНХАУ нийлээд АНУ-тай дайтаж эхэлбэл ОХУ барууныхны талд орно гэдгийг ч дэрх институтын шинжээчид хийжээ.
ОХУ-ын Ерөнхий сайдын нэгдүгээр орлогч Сергей Иванов “ОХУ Афганистанаас олон улсын цэргийг гаргах сонирхолгүй байна” гэсэн мэдэгдлийг хийж байсан билээ. Москва ч энэ үйл явдалд бэлтгэж эхэлсэн бөгөөд Афганистаны цагдаагийн албад болон Пакистаны эсрэг бүлэглэлд цоо шинэ зэвсэг техникийн тусламж үзүүлж эхлээд байна. Үүний дараа Пакистаны урду хэлээр гардаг Roznama Нава-и-Waqt өдөр тутмын сонин “Пакистаны шинэ дайсан-ОХУ” гэсэн гарчигтай нийтлэл хэвлүүлж Пакистантай дайсагнагч улсуудын жагсаалтад ОХУ түрэмгийгээр орж ирж байгаа талаар өгүүлжээ. Энэ жил л гэхэд Энэтхэгтэй хамтарсан хээрийн сургууль хийсэн.
Африкийн холбоо. Хоёр Судан
Африкийн холбоо Судан болон Өмнөд Судан улсуудыг хэлэлцээрийн ширээнд сууж энхийн гэрээ байгуулахыг уриалсан байна. Гурван сарын дотор гэрээ байгуулж чадахгүй бол хориг арга хэмжээ авах болно гэдгийг анхааруулсан байна. НҮБ-ын Аюулгүйн зөвлөл өчигдөр Судан улсаас Өмнөд Суданы нутаг дэвсгэр дээрх бөмбөгдөлтөө зогсоохыг уриаллаа. Хятад улсын талаас ч мөн хоёр талыг галаа зогсоохыг шаарджээ. Судан улс хөрш зэргэлдээ орших Өмнөд Суданыг агаараас бөмбөгдсөний улмаас тус улсын 1200 иргэн амиа алдсан байна. Хоёр тал нефтийн баялаг ихтэй Хеглиг хэмээх газрын төлөө мөргөлдөөн үүсгээд байгаа юм.
