Бид бүхэн савлагаатай сүү, тарагийг гаднах тайлбарыг нь хараад л худалдаж авдаг гэхэд хилсдэхгүй. Өөрөөр хэлбэл, хэдэн литр, грамм байгааг төдийлөн анзаараад байдаггүй гэсэн үг. Анзаарлаа ч худалдан авсан даруйдаа шалгаж үзэх боломж ч, цаг зав ч хомс. Тэгвэл хэрэглэгчдийн итгэлийг олж, томоохон үйлдвэрлэгчдийн нэгд тооцогддог "Сүү" ХХК-ийн савласан сүүг  нэгэн хэрэглэгч литрийн саванд хийж үзжээ. Гэтэл 1 литрийн сүүнээс 200 грамм дутуу байсан нь уг хэрэглэгчийн урмыг хугалж орхижээ. Улмаар хэрэглэгчдийг мэхэлсэн энэ үйлдлийг олон нийтэд ил гаргасан бөгөөд үүнд  маш олон иргэд бухимдлаа илэрхийлж эхэллээ. Үнэхээр энэ мэтчилэнгээр бүхий л сүүнийхээ литрээс дутааж, арай бага савлагаатайгаар үйлдвэрлэж хэрэглэгчдийг мэхэлдэг бол яах вэ?. Үүнд мэргэжлийн хяналт хийгээд холбогдох байгууллагууд анхаарлаа хандуулвал зохилтой. Худал тайлбартай, хэрэглэгчдийг хуурсан ийм төрлийн бүтээгдэхүүнийг таслан зогсоох хэрэгтэй шүү дээ.

Д.Дуулим