МАХН-ын дарга Н.Энхбаярыг суллахыг шаардаж, хөдөө орон нутгаас түүнийг дэмжигчид мэдэгдэл гаргаж эхэлжээ. Хөвсгөл аймгийн иргэдээс Төрийн гурван өндөрлөгт хандан, хэлмэгдүүлэлтээ зогсоо хэмээн мэдэгдэл гаргасан байна. Уг мэдэгдэлд “Улс төрийн хэлмэгдүүлэлтээ зогсоохыг Төрийн гурван өндөрлөгөөс шаардаж байна мэдэгдэл гаргаж байна.Монгол улсын гуравдахь Ерөнхийлөгч МАХН-ын дарга Н.Энхбаярын эрүүл мэнд амь нас хүнд байгаа энэ хүнд үед Хөвсгөлийн ард түмэн Төрийн гурван өндөрлөгт Н.Энхбаярыг суллахыг шаардаж байна.
Монгол улсын гуравдахь Ерөнхийлөгч МАХН-ын дарга Н.Энхбаярыг хууль бус аргаар гэм зэмгүй хүнийг хилс хэрэгт хүч түрэмгийлэн баривчилж, Монгол улсын үндсэн хууль Олон улсын гэрээ конвенци, Хүний эрхийн талаарх заалт Эрүүгийн байцаан шийтгэх талаархи заалт, Эрүүгийн байцаан шийтгэх хуулийн хүний эрхийг хангахтай холбогдолтой заалтыг ноцтойгоор зөрчиж эрүүдэн шүүж хэлмэгдүүлж байгаа хууль бус үйл ажиллагаагаа зогсоохыг Хөвсгөл аймгийн шударга ёсыг эрхэмлэгч ард иргэд зэвүүцэн шаардаж байна. Улс төрийн өрсөлдөгчөө хэрцгий балмад аргаар дарах гэсэн арчаагүй балмад үйлдэл нь улам лавширч ил болж байна.Эрдэнэт хүний амь насны төлөө өчүүхэн ч санаа тавихгүй яваад харамсаж байна.
Н.Энхбаярын амь нас эрсдэлд орвол бүх хариуцлагыг МУ-ын ерөнхийлөгч Ц.Элбэгдорж, МУ-ын ерөнхий сайд Сү.Батболд, УИХ-ын дарга Д.Дэмбэрэл Улсын ерөнхий прокурор Д.Дорлигжав нар та бүхний шууд гэм буруутай үйлдэлтэй холбон авч үзэх болно. Та бүгд Н.Энхбаярыг суллах талаар яаралтай арга хэмжээ авахгүй бол МУ-ын гуравдахь Ерөнхийлөгч МАХН-ын дарга Н.Энхбаярын амь нас эрсдэлд орвол та бүхнээс амь насыг нь нэхэж хариуцлага тооцож учирсан гэм хорыг нь арилгуулах болно гэдгээ хариуцлагатайгаар мэдэгдэж шаардаж байна.
Ард Түмэн Ухаантай
Ард Түмэн Хүчтэй
Хөвсгөл аймгийн МАХН
Алтан Ургийн Чингүнжавын Туг сан
Залуу үе-Манлайлал төв
Хөвсгөл аймгийн Оюутан Залуучуудын нэгдсэн холбоо
Ардчилсан Оюунлаг Хүмүүн ТББ
Ардчилал Шударга Ёс Монголын Залуучуудын нэгдсэн холбооны Хөвсгөл аймаг дахь салбар зөвлөл” гэжээ.
